*وصفه متميزه* الدجاج المحشي على الطريقه العراقيه

**بنت دجلة الفرات** · 07-05-2009, 07:23 AM

كيف الحال ياسيدات منتدى لك اليوم جايبتلكم طريقه الدجاج المحشي

الحشوه برياني عراقي والي هو رز مطبوخ نص ستوا مع شعريه بماء الدجاج ومخلوط مع مكعبات صغيره من البطاطا المقليه وعلبه بزاليا مصفاه وكشمش حسب الرغبه وبصل مفروم ومقلى واذا تحبين علبه مشروم تخلطين خلطة الرز وتضيفن بهارات برياني العراقي الي هي قليل قرفه وهيل وكبابه وسبع بهارات واني زيدت الفلفل اسود لان احب الحشوه حاره وتتركيها تبرد
لم اصور الحشوه لان ماشاء الله المنتدى مليان وصفات الرز البرياني العراقي

نجي للدجاجه نضفها ونغسلها زين
ونشفها وندعكها بكميه جيده من الملح والليمون ونرشها شويه بالزيت
ونجيب الحشوه وندخلها داخل الفجوه وبين الجلد ومن جهة الرقبه

[IMG]

[/IMG]

ونخلط بطااسه صغيره ملعقه صغيره معجون الطماطه وملعقه كبيره زبادي وندهن جلد الدجاجه بيها
الصراحه اني مابهرت الدجاجه بس بملح وفلفل اسود وخلطة الزبادي والعجون لان راح تاخذ بهارات من الرز
واغطي ا لحشوه الظاهر منها واطراف الافخاذ بالامنيوم حتى مايحترق وتطوين الاجنحه تحت الدجاجه وتدهنون صينية الفرن وتخلون الدجاجه وحولها دوائر بطاطا

[IMG]

[/IMG]

وللتزيين اني سلقت بيض وقليته وخليته مع طبق الدجاج بعد الاستواء
يارب تعجبكم واتركم مع الصوره عزيزاتي

[IMG]

[/IMG]