تتبيلة الفراخ المشويه خطيييييييييييييييييييره

**monaya84** · 19-04-2009, 08:03 PM

السلام عليكم ورخمة الله وبركاته

دى طريقتى فى تتبيلة الفراخ المشويه بعد تجارب عديده وتفحيص وتمحيص فى جميع الوصفات
اخيييييييييييييرااااااااااااااااااا
دى الطريقه اللى عجبتنى انا وجوزى وكل اللى داقها الحمد لله

نبتدى بسم الله
دى مقادير تتبيله فرخه واحده متوسطه الحجم
بصله كبيره مقطعه
واحده طماطم كبيره مقطعه
قرن فلفل اخضر كبير مقطع
3 فصوص ثوم
ربع كبايه خل
2 ليمونه متوسطه او واحده كبيره بنزهير " هانقطعه ونستعمله بقشره"
فلفل احمر حااااااااار

"حسب الرغبه"
معلقتين كبار زيت
معلقه كبيرة كاتشب
ملح - فلفل - كمون - كسبره ناشفه - قرفه - بهارات مشكله
الطريقه :
نجيب الفرخه الحلوه الكلبوظه وطبعا بعد ماتتغسل كوبس اوى بالدقيق والخل والملح نقطعها 4 قطع او 6 على حسب الرغبه
نغرز السكينه فيها كده عشان نعمل شقوق صغيره تخليها تشرب التتبيله
نحط بقى كللللللللللللللللللللللل مقادير التتبيله دى فى الكبه بتاعة البصل ونفرمهم مع بعض كويس اوىىىىى لحد ماتبقى سايله.
نصفى التتبيله دى كويس بالمصفاه ونعصرها بايدينا لحد ماتنزل كللللل السائل اللى فيها
وبعدين نصب الخلطه على الفراخ ونقلبها فيها كويس عشان الفراخ تتشربها
تتبلى الفراخ قبل الشوي بيوم وبعدين لما تييجى تشويها على الفحم صفيها الاول من التتبيله ودوقى احلى فراخ مشويه عالفحم وبالهنا والشفا

لو عايزه تشويها فى الفرن
تجيبى صينيه وتقطعى فيها شرايح بطاطس وشرايح بصل وطماطم وفلفل اخضر وترصى الفراخ عليهم بحيث ان الخضار يحمى الفراخ من الصينيه
ودخليها الفرن " مش على الشبكه على ارضية الفرن عادى " وتكونى مسخنه الفرن قبلها وتحطيها على نار هاديه لمدة ساعه ونص او لحد ماتحسى انها استوت بيكون وشها اتحمر لوحده ممن غير ماتشغلى الشوايه
ولو احتاجت تحطى شويه ميه فى الصينيه لو حسيتى ان الخضار هاتلزق اوى حطى بس شويه بسيط
ولما تطلع تعملى لها فحمه سخنه عالنار وتصبى عليها شويه زيت وتغطيها بسرعه هاتاخد نكهة المشوى
بهاراتى المسكله اللى باعملها فى البيت عباره عن : عيدان قرفه - حبهان حب - ورق لورا - زر ورد - قرنفل حب - كبابه صينى حب - جوزة الطيب
تطحينيهم كلهم مع بعض وتعينيهم فى برطمان وتستخدميهم فى الشوربه او تتبيل اللحوم او حتى الرز البسمتى وانتى بتعملى كبسه اوبريانى
ويارب تكون عجبتكم

**omroro-4** · 19-04-2009, 09:13 PM

تسلمي الف شكر جزاك الله خير

**ام اسيل وايه** · 19-04-2009, 10:54 PM

بارك الله فيك علي الوصفه الرائعه
دمتي بود

**أم مــــالــــك** · 19-04-2009, 11:29 PM

تسلم ايدك
شكلها خلطه رهيبه

**دلوعه وبكيفي@** · 19-04-2009, 11:33 PM

امممممم وصفتك حلوه حجربها لما نطلع البحر نشوي

**Manoula Markech** · 20-04-2009, 12:19 AM

يسلمو والله يعطيكي العافيه

**om noorceen** · 20-04-2009, 02:18 AM

حلوه اوي ما شاء الله ان شاء الله اجربها جزاكي الله خيرا

**monaya84** · 20-04-2009, 07:06 PM

الف شكرا لكللللللللللللللللللل القمرات اللى شرفونى بردهم
تسلمولى كلكم
ويارب تعجبكم ان شاء الله لما تجربوها
وماتنسوش تدعولى

**sooo008** · 20-04-2009, 07:18 PM

حبيبتي قصدك ميه التبيله اللي بنصفيها هي اللي نحطها علي الفراخ ولا التبيله نفسها وشكرا ليكي

**monaya84** · 20-04-2009, 07:29 PM

بصى يا سكر sooo008
انتى لما بتفرمى التتبيله فى الكبه بتبقى شبه سايله وفيها حتت بصل وطماطم وفلفل انتى بتحاولى تنعيميها على اد ماتقدرى
وبعديت تحطيها فى مصفاه وتعصريها اوى تنزلى كل الميه اللى فيها
وبعدين تاخدى الميه دى وتتتبلى بيها الفراخ
يعنى الميه الناتجه عن التصفيه
واى سؤال انا فى الخدمه
وشكرا على مرورك الجميل