من مطبخي أليكم السمك"مقلي..مشوي..صياديه..سنجاري..بالصلصه..وبالزيت والليمون".أتفضلوا..

...بسم الله نبدأ..

**السمك بالزيت والليمون:
..المقادير:
-سمك منظف ومشقوق شق صغير من البطن(أنا أستخدمت الدنيس)
-تتبيله الثوم واللي هستخدم منها فكذا وصفه وهي عباره عن(ثوم مدقوق+شطه ناشفه حراقه+كمون+ملح+عصير ليمونه)
-ربع ك زيت+ م ص ملح + عصير 3 ليمونه"ممكن أكتر لو تحبي"
-نص م ص كركم

..الطريقه:
-تعمل شقوق في السمكه من الخارج ..وتتبل السمكه من الداخل وفي الشقوق بتتبيله الثوم ثم تدهن بالكركم من الخارج
-يرص السمك في صينيه ثم يضاف له ملعقتين من خليط الليمون والزيت ويدخل الفرن علي نار عاليه نوعا وبعد أن يتشربها السمك يضاف له كميه أخري من العصير وهكذا ..ثم يحمر فالشوايه ويقدم مع أرز صياديه أو أرز أصفر..










**السمك الصياديه:
...المقادير:
-سمك منظف ومقطع أجزاء بالعرض(أستخدمت القاروص)
-بصله متوسطه
- ربع ك عصير طماطم(أكلتي لفردين فقط)
-ليمونه
-ملح وكمون وشطه

..الطريقه:
-تحمر البصله فالزيت حتي تتحول للون البني(مش تتحرق يعنيلأن في ناس بتحرقها فعلا وده طبعا غلط)
-ترفع البصله من الزيت وتوضع في الخلاط ويضاف لها كوب ماء وتضرب
-تصب مره أخري في أناء التحمير ويضاف لها عصير الطماطم وعصير ليمونه وملح وكمون وشطه خفيفه
-تترك تغلي علي النار وعندما يثقل قوامها يضاف السمك ويترك لينضج .








رجاء عدم الرد حتي ينتهي الموضوع....

بسم الله ماشاءالله عليكى ياغالية

**السمك السنجاري:
..المقادير:
- سمك منظف (أستخدمت البوري)وهنا أستخدمت طريقتين لشق السمك فقمت بشق بعضهم طوليا من الرأس "كنت كلتها فـاسكندريه وعجبتني وشفت أم شادي الله يبارك فيها عملتها فالمنتدي" وطريقه تانيه وهي اللي كنت بعملها قبل كده كنت بنظف السمك من فتحه الخياشيم من غير عمل أي شق فبطن السمكه
-طماطم وبصل مقطع مكعبات
-تتبيله الثوم
-عصير ليمون

..الطريقه
-يدهن السمك المشوق بتتبيله الثوم والغير مشقوق يتبل من الداخل
-يرص خليط البصل واالطماطم علي السمك ويحشي ببطن السمكه الغير مشقوق
-يرص في صينيه مدهونه زيت ويرش بالملح والكمون وعصير الليمون ويرفع علي نار أو يدخل الفرن ويحمر









**السمك المشوي:
..المقادير :
-سمك بوري أو أي نوع تفضليه
-رده (نخاله الدقيق)
-ملح وليمون وشطه يرش بهم السمك بعد الشوي ولو السمك صغير زي السردين يفضل أضافه الماء للتبيله

..الطريقه:
-يرش السمك بالرده ويرفع علي صاج ساخن أو يدخل الفرن ( وأنا بشويه فالفرن علشان كده مش بعرف أصور الخطوات)
-يقلب علي الجانبين ثم تهدأ النار حتي يجف ماؤه لو حجم السمك كبير
-يخرج من الفرن ويرش فورا بالملح والليمون والشطه ويغطي جيدا جداااا


رجاء عدم الرد حتي يكتمل الموضوع...

سامحيني بعد السمك الجامد مقدرش استنى الباقي
سامحيني

**السمك المقلي:
طبعا ماشاء الله كل الناس عارفه طريقته بس ساعات ناس بتسأل بالتحديد عن الطريقه الدمياطي ودي طريقتي أنا شخصيا ويارب تعجبكو

..المقادير:
-كميه سمك حسب العدد(أستخدمت سمك موسي)
-تتبيله الثوم
-زيت للقلي
-دقيق للتغطيه مضاف له بيكنج بودر

..الطريقه:
-يتبل السمك ثم يترك ساعه علي الأقل ثم يغطي بالدقيق ثم يدخل الثلاجه من نص ساعه لساعه ثم يحمر في زيت غذير







**صينيه السمك بالصلصه:
..المقادير:
-سمك منظف ومقطع أجزاء(أستخدمت القاروص)
-عصير طماطم
-بصله متوسطه
-ملح وفلفل وكمون
-عصير ليمونه
-بقدونس مفروم

..الطريقه:
-تقطع البصله ناعم وتحمر في زيت خفيف
-يضاف عصير الطماطم والملح والتوابل وتترك لتغلي
-يضاف السمك وعصير الليمون ويترك لينضج
-يرش البقدونس ثم يدخل الفرن للتحمير









...أتمني تعجبكم الطرق وتنال رضاكم ....وأرجو ألا تنسوني بدعوه صادقه أن يرزقني الله الذريه الصالحه...

...وده رابط لموضوع الجمبري عهلشان اللي تحب تاخد فكره أو يكون عندها عزومه سمك يبقي كل الطرق أن شاء الله متوفره...

10 طـــــــــرق لطهي الجمــــــــــــــــبري..من مطبخي وبالصـــور...
*موضوع متميز*10 طـــــــــرق لطهي الجمــــــــــــــــبري..من مطبخي وبالصـــور...

الله اكبر عليكى وخمسة وخمسة عليكى

شوفى انا رحت حجزت التزاكر وجية على طول قبل ما اكل مايبرد

تسلم الايادى الجميلة ودةبيدل على نفس حلوة فى الاكل

نور خلى ماما تبخرك تبارك الله عليكى ياغالية

شوية سمك اية اللى هما

اةةةةةةةةةةة على مين يناولنى طبق من كل نوع

تسلمى ياعمرى وبالهنا والعافية على قلوبكم يارب






هقولك حاجة كمان الطبق دة كمان ميمنعش انى اخدة

تسلم الايادى الجميلة ياعمرى وقلب طنط

وأخيراااااااا السردين المملح... ويارب المشرفه تسامحني عليه لأني كنت هنزله فركن المقبلات وكنت هحط اللينك فالموضوع بس للأسف كل صور الخطوات أتمسحت مفضلش غير صور النتيجه النهائيه قلت هعمل موضوع مخصوص علشان صوره يتيمه والطريقه كالاتي :

السردين المملح:
..سردين يضاف له كميه مناسبه من الملح والشطه ويخلط جيدا جدااااااااا ويوضع في كيس نايلون ويغلق جيدا لمده من 5 أيام لأسبوع
بعد كده تزال القشره ويتبل بالليمون وزيت خفيف ومعاهم الشبت والبصل والطماطم وبالهنا أحلي طبق سردين...

تسلم الايادى اختى still here ودايمن عامر غاليتى
وان شاء الله بالصحة والعافية لكل من اكل
رووووووووووووووووووووعة كل الطرق احلى من بعض

طنط أمل...ربنا يخليكي يا طنط والله أحرجتيني بكلامك ولو ينفع أجيبهولك للبيت متأخرش...أن شاء الله تيجي بالسلامه قريب وتاكلي أحلي سمك ...مره تانيه بكرر شكري ليكي وعلي تشجيعك ليا دايما

أم الحلوييييييييييييين...يا حبيبتي أنتي تيجي فالوقت اللي يعجبك وتخشي علطول عالموضوع ...متحرمش منك أبدا ياقمر..ويارب الطرق تكون عجبتك

تسلم ايديكى كلهم جنان بس احلى حاجة السردين المملح
بحبه قوى