السلام عليكم ورحمه الله و بركاته

كيفكم يا أجمل صبايا ان شاء الله تكونوا بخير جميعا

بدأ الربيع بجوه البديع و بدأ الشرد و الحر يهلوا علينا

كل يوم نحتار حنطبخ أيه النهارده أيه رايكم نغير شويه من اللحمه و الفراخ

ظهرت الاسماك المختلف و المتنوعه تملاء الاسواق فى هذا الموسم مثل السردين و السيوف

معى اليوم سمك اسمه السيوف أسمه غريب شويه لكن هذا لانه يشبه السيف

فهى سمكه طويله و لونها فضى لامع و رفيعه و تشبه السيوف فى الشكل و اللون و مغطاه بطبقه رقيقه مثل الزئبق

بسم الله نبدأ

السيوف المقليه

المقادير

سمك سيوف

توم مفرى

فلفل اخضر مفرى

عصير ليمون

قليل من الخل

ملح / كمون / يمكن اضافه شطه لمحبيها

زيت للقلى

دقيق

لتنظيف السمك / رده او نخاله او دقيق ذره او سميد او دقيق عادى المتوفر

الطريقه

هذا هو شكل السمك

نبدأ بتنظيف السيوف و تجهيزها للتتبيل

نحضر الرده و نضعها على السيف من عند الذيل مع الضغط باصابعنا عليها الى اعلى

و نظل نضع رده و نسحب الى اعلى حتى راس السيف و نعمل الوجه الاخر كذلك حتى ننتهى من الكميه

بالسكين نقطع الذيل الرفيع للسمكه و ننزل بالسكين على الزعنفه الكبيره فى ظهر السمكه حتى الرأس

نقطعها و لانها طويله نقسمها الى ثلاث أجزاء او اثنين حسب الحجم و الرغبه

نغسل السيوف و نضعها تصفى مائها و نجهز التتبيله

التوم المفرى و الفلفل الاخضر و عصير الليمون و الخل و ملح و كمون

نخلطهم جيدا و نقلبهم مع السيوف حتى تتشرب النكهه

قبل التقديم نغطى شرائح السيوف بالدقيق و تقلى فى الزيت مثل سمك موسى و نخرجها على ورق ماص او مصفى

و تقدم مع الارز او الكشرى او الصياديه و السلطه و الخضره

و الهنا و الشفا

السردين المشوى

و بما اننا فى موسم السردين حقدم لكم السردين المشوى بالزيت ( لكن عذرا لم اصور التقديم )

و السردين و الاسماك عموما تقدم بطرق كثيره و متعدده و كلها جميله و لها مذاقها الرائع

نغسل السردين و يفضل السردين ذو الحجم الكبير ( و الصغير يفضل تمليحه او قليه )

نحضر صنيه مغطاه بورق الالمونيوم حتى لا تتسخ و نضع بها زيت

نضع السردين فى الدقيق ثم نضعه فى الصنيه على و جه ليدهن بالزيت ثم نقلبه على الوجه الاخر

و نرصه بجانب بعضه حتى انتهاء الكميه و نعصر عليه ليمون

( نضع قشر الليمون فى الصنيه ليمتص الروائح )و نرش عليه ملح و كمون

ندخل الصنيه فى فرن حامى على الارضيه بتاعت الفرن حتى يحمر من اسفل ( لا يأخذ وقت ) ثم نضعها فى الشوايه ليحمر و جهها

و ممكن نعصر عليها ليمون او كل واحد يضع برغبته و تقدم لكن عذرا لم اصورها فى طبق التقديم

و الف هنا و شفا

أتمنى طرقى البسيطه تكون عجبتكم

أترككم فى رعايه الله و أمنه

لالالالالا تنسوا الدعاء لأولادى

سلمت يداكِ غاليتي علىالوصفات الرائعه والشهيه وخاصة السردين

ام شادي انا متاكده اني رديت على هذا الموضوع مبارح مش بحلم شو صار
قوليلي شو صار حتى قلتلك سيوف مش سيف هذا بتخوفي هههههههههههه

الغاليه ام شادي تقصد الترهيب اكيد ...........ز
الموضوع ينزل مرتين ؟؟؟؟؟؟؟؟؟؟
اكيد الموضوع كبير
هههههههههههههه
بس بيستاهل والله

ما شاء الله تسلم الايادي ام شادي انا بحب السيوف جداااااااااااااااا
وعجبتني قوي كمان طريقة السردين انا بصراحة بعمله صنية او مقلي لكن طريقة الشوي دي جديدة عليا
هاجربها ان شاء الله وخصوصا تنفع مع الرجيم

تسلم ايديكي يا ام شادي وما شاء الله عليكي
الف صحه وهنا يارب

الموضوع فعلا واضح كان في مشكله فالصفحات لأن الردود كانت ظاهره عندي قبل الموضوع لي عوده لكتابه ردي مره تانيه...اتفضلو عندي بقي أتغدوا معايا أنهارده...سيووووووووووف برضه ....

مرة ثانيةاقول تسلم الايادي المعدلة

دايما وصفاتك واطباقك مميزة يا قمر

ربي يحفظك ويهنيك باولادك وتشاركينا باحلى الاطباق من ايديك الحلوة

تسلم أيديكي يا ست الكل دائما وأبدا ماشاء الله عليكي...أنا بقي كنت كاتبالك أيه فالرد اللي أتمسح أن جوزي جابلي سمك سيوف وكان من غير تنضيف أنا بعرف أنضفه بس بكره تنضيفه وكمان ريحته نفاذه ...أنا بطلب منه ينضفه بره بس أدي بقي اللي حصل وكمان كان جايب كذا أكله لما كنت هعيط من الغيظ..هههههههه...بس تعرفي ساعتها أنتي جيتي علي بالي وقلت أبقي أسألك عن طريقتك فتنضيفه لقيتك منزله الموضوع من حظي الحلو...أنا بستخدم لتنضيفه قطعه من لوف الأستحمام تكون جديده طبعا وبتبقي كمان خشنه لكن مش لدرجه تجرح السمكه...بس طريقه الرده دي جديه عليا شخصيا يارب تكون أسهل من طريقتي علشان لو جوزي شاور عقله وفكر يجيبه تاني مش متنضف نبقي نرجعه تاني للسماك...

السمك شكله يجنن أنا عمرى ماشفته

كمان طريقة شوى السردين جديدة يعنى كله جديد فى جديد

تسلم ايدك يارب