انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
عرض النتائج 1 الى 7 من 7

الموضوع: ** أرز بالمكسرات حلو جداااااااااااااااااااااااااااااااا **

  1. #1
    تاريخ التسجيل
    Feb 2003
    الموقع
    أم الدنيا ( مصـــــــــر )
    الردود
    5,709
    الجنس
    أنثى

    Thumbs up ** أرز بالمكسرات حلو جداااااااااااااااااااااااااااااااا **

    أرز بالمكسرات حلو جداااااااااااااااااااااااااااااااا
    أرز بالمكسرات
    المقادير:
    نصف كيلو كبد دجاج
    3 كوب أرز بسمتى ( ممكن أرز مصرى بس البسمتى نتيجته أحلى )
    مكسرات مشكلة ( كاجو - فستق - بندق - لوز ) وأنا أفضل لوز بس ومقشرين
    بهارات ( قرفة - قرنفل - حبهان - جوزة الطيب-ملح)
    كارى مهم جدااااا
    مرقة دجاج أو مكعب ماجى
    شوية زبيب
    سمن بلدىىىىىىىىىىىىىىىىى أو زبده


    الطريقة : -

    نسخن السمن ونحمر المكسرات المقشرة سابقا حتى يصبح اللون ذهبى ونخرجهم ونصفيهم
    جيدا من السمن ونضعهم على مناديل ورقية لتمتص السمن الزائد .
    فى نفس السمن نضع كبد الفراخ ( البعض يحب أضافة بصلة مبشورة مع الكبدة) المقطعة
    قطع متوسطة ونضع عليها ملح مناسب ثم نأخذ الكبدة ونضعها على جنب ونترك ربع
    الكمية فى السمن ونضيف لها
    الارز بعد غسله طبعا ونقلبهم سويا حتى يحمر الأرز مع أضافة كل البهارات والملح
    المناسب ونضع الزبيب ونقلبه تقليبتين مع الارز من غير ما نحرقه مجرد لون
    ونسقى الأرز بالشربة أو ماء وندوب فيه مرقة الدجاج ونضع معلقة سمن حسب الأحتياج
    لوأحتاج تانى وبعد ما يغلى ويبتدى يشرب الأرز الشوربة نضعه على نار هادية جدا

    بعد ما يستوى الارز نحطه فى طبق التقديم ونرص عليه الكبدة اللى كنا شايلنها على جنب
    وفوقها المكسرات المشكلة( أو اللوز فقط الى تحبيه )

    ***طريقة تقشير المكسرات***
    نضع المكسرات فى الماء المغلى لدقيقتين ثم نصفيها من الماء ويكون من السهل تقشيرها

    ***لو حبيتى الأرز أسمر جداااااااااااا تحرقى شوية سكر حوالى معلقة كبيرة وتحطيها مع الشوربة وأنتى بتحطيها على الارز ( بس أنا مش حبيت ده وأكتفيت باللون اللى طلع من الكبدة)

    وياريت لو حد يعرف طريقة أقشر بها البندق يقول لحسن بيتعبنى جدا وياريت يا سمرا يكون ده الارز اللى بتقصديه

  2. #2
    تاريخ التسجيل
    Oct 2002
    الموقع
    مصر المحروسة
    الردود
    138
    الجنس
    ايوا يا بوسي هوا ده الرز اللى انا كنت عاوزاه
    تسلم ايديكى

    انا جربت اعمله بالسكر المحروق وكان مش اد كده
    تسلم اييديكى مرة تانية

    سمرا

  3. #3
    تاريخ التسجيل
    Feb 2003
    الموقع
    أم الدنيا ( مصـــــــــر )
    الردود
    5,709
    الجنس
    أنثى
    الحمد لله سمرا أنه طلع هو الارز ويا رب يعجبك
    بس على فكرة لو أنتى مش هتستخدمى السكر ممكن تعملى زى ما عملت أستخدمت القرنفل والقرفة (وجوزة الطيب بس شوية مش كتير علشان الضيوف ما يكلوش ويناموا وهما قاعدين)
    مطحونين مش حبوب ده بيساعد على أن اللون يغمق وكمان بحافظ على الصوص اللى طالع من الكبدة علشان اللون يكون أغمق ........وطبعا الكارى مهم جدااااا

    وبألف هنا وشفااااااااااااا

  4. #4
    تاريخ التسجيل
    Oct 2002
    الموقع
    مصر المحروسة
    الردود
    138
    الجنس
    بوسى
    انتى مش قولتى امتى احط الكارى ؟
    تانى حاجة مرة حطيت الزبيب مع الرز ولما استوى الرز لاقيت الزبيب سايح فيه

    اعمل ايه
    ممكن تقوللى

    شكرا مقدما

  5. #5
    تاريخ التسجيل
    Feb 2003
    الموقع
    أم الدنيا ( مصـــــــــر )
    الردود
    5,709
    الجنس
    أنثى
    عزيزتى سمرا
    -----------
    بالنسبه للكارى بحطوا مع الماء وأنا بسقى الأرز

    أما الزبيب بيكون نوعه جامد مش طرى بس لو كان عندك مش ناشف أو مش بيحتمل تحطيه على الأرز قبل ما تحسى ان الأرز حيستوى علطول ب10 دقائق أو 5 وتقلبى الأرز تقليبه علشان بس يتوزع جواه

    وبما أنك واضح أنك مصرية فبلاش تعملى زي ما عملت وقلت الارز المصرى أكيد يكون أحلى لأن الارز بالمكسرات بيطلع أجمل مع الارز البسمتى جداااااااا .. ومع المصرى بس مش حلو قد البسمتى
    كمان خدى باللك الارز البسمتى نتيجته أحلى أما يتنقع نصف ساعة قبل ما تطبخيه والمية تكون لكل كوب تزودى ربع ماء ..... يعنى كوب الارز قصاده كوب وربع ماء

    ويارب يعجبك

  6. #6
    تاريخ التسجيل
    Feb 2003
    الموقع
    أحب البقاع الى قلبي
    الردود
    1,950
    الجنس
    أنثى
    عزيزتي الأخت بوسي

    انا اول مشاركه لي بس حبيت اسال سؤال
    لما احط الرز فوق الكبده كيف يتحمر وفيه موية الكبده
    ولا انا فهمت غلط
    مشكوره حبيبتي

  7. #7
    تاريخ التسجيل
    Jun 2002
    الموقع
    السعودية
    الردود
    875
    الجنس
    الله الله الله يا عيني على مصر وعلى اهل مصر.

مواضيع مشابهه

  1. خبر مهم جداااااااااااااااااااااااااااااااا واعتذار
    بواسطة أم عبد الرحمن3122010 في الحمل والولادة و الرضاعة
    الردود: 88
    اخر موضوع: 11-05-2010, 02:06 PM
  2. عمل المايونيز بطريقة سهلة جداااااااااااااااااااااااااااااااا
    بواسطة minicat في المقبلات والسلطات والشوربات والمشروبات
    الردود: 13
    اخر موضوع: 24-06-2008, 11:35 PM
  3. بجد احتاج مساعدتكم جدا جدا جدا جداااااااااااااااااااااااااااااااا
    بواسطة اميرة علاءالدين في ركن التغذية والصحة والرجيم
    الردود: 1
    اخر موضوع: 30-05-2008, 08:39 PM
  4. مهم جداااااااااااااااااااااااااااااااا
    بواسطة اروى2 في العناية بالجسم والبشرة والمكياج والعطورات
    الردود: 6
    اخر موضوع: 18-03-2007, 10:27 AM
  5. الردود: 6
    اخر موضوع: 20-02-2003, 07:40 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ