السلام عليكم ورحمة الله وبركاته
باختصار شديد ومن غير مقدمات ههههه

شو السر يلي بيخلي اللزانيا متماسكة مع بعضها البعض وما تفرط اثناء السكب او الاكل ??

والله يجزيكم كل خير سلفا

اختي العزيزه
اللازانيا ما بتفرط اثناء السكب ممكن لو توضعي باشميل بين الطبقات وجبنه موزريلا ما راح تفرط وكمان ما تسلقيها كثير علشان راح توضعيها في الفرن وراح اتكمل سوا
وانشاء الله اكون افدتك عزيزتي

عزيزتي الاخت سولاف ما قصرت بالرد واضيف معلومة اخرى
لا تعملي البشاميل خفيف

اشكركم على ردودكم واهتمامكم بس انا هاد يلي بعملو بالظبط بس اول ما بسكبها او ابدا باكلها بتفرط ??!!
يعني انا بحط طبقة بشميل ثم لازانيا ثم الصلصة الحمرا ثم جبنة ثم لازانيا ثم بشميل ثم جبنة ثم لازانيا وهكذا .. هل ما افعله صحيح .. وهل هذا هو قصدك اختي solafjo ام ماذا ??
ارجو ان لا تهملو سؤالي

اختي ممكن بتكوني مزوده الصوص
لما تسلقي اللزانيا ما تسلقيها كثير
بس اشوي خليها مو طريه علشان تستوي بالفرن وممكن اختي اذا بدك ما تسلقيها وصفيها في الصينيه وحطي طبقه اللحم والباشاميل واللحمه طبقات عادي من غير سلق بس يكون في صوص زياده اشوي باللحمه وحطيها بالفرن مده اطول وهيك برضه ما بتفرط وانا بعملها بالطريقتين وومكن الماركه الها دخل جيبي النوع الايطالي

معليش لا تاخذيني تقلت عليك بس يعني تقريبا قديش كمية الصلصة يلي بتحطيها بكل طبقة لان باقي الشروط كلها صح يعني السلق بسلقها نصف سلقة واللزانيا ايطالي اصلا عنا ما بيجي الانواع التانية يعني ما بعرف يمكن انا جدوبة ما في غير هالسبب هههه

اختي اذا كنتي سالقتها نص سلقه ما تحطي صلصه كثير بس اذا ما سلقتي اللزانيا حطي كاسه مرقه صلصه زياده علي اللحمه وما في مشكله اختي كلها راح نتنزل تحت اصلا
انا حابه والله افيدك
وانشاء وصلت المعلومه
احكي الك جربي الطريقه الي ما تسلقيها افضل الك
http://www.lakii.com/vb/showthread.php?t=494534
هاي رابط الاخت فراوله ممكن يفيدك
انا ما بحط خضره معاه بس لحمه وبصل وعصير بندوره وملعقه صلصه

جزاك الله كل خير وسامحيني اذا تقلت عليك بأسئلتي الكثيرة

لا حبيبتي بالعكس انشاء الله حبيبتي تعملها وتنبسطي باكلها
الله معاكي واي خدامه انا مستعده

السلام عليكم
اختي انا اعملها من دون سلق المهم تكون الصلصة مش كثير خفيفة ولا ثخينة تكون وسط و تحطي طبقات بيشاميل وصلصة حمراءتغطي طبقة المكرونة وبعدين بتسكري عليها بفويل ودخليها نص ساعة في الفرن وبعدها تحمري الوجه وحتى ماتفرط عندك استنيها شوي 10 دقايق تفتر اي تفقد حرارتها العالية وقطيعها رح تتماسك وتطلع قطعة وحدة ان شالله اكون افدتك