بسم الله نبتدى




دى صورة سمك السردين





المكونات

سردين

ملح خشن ( علشان يحفظة وميملحش زيادة)

شطة

زيت نباتى

عصير ليمونة



الطريقة

1- فى إناء يمكن غلقة بإحكام نضع طبقة من السردين

2- نضع عليها طبقة من الملح الخشن والشطة

3- ثم نكرر العملية لغاية لما نخلص المقدار

4- نضع عليها شوية زيت ونعصر ليمونة ونضع قشرة الليمونة



5- نضع على سطحها كيس بلاستيك كعازل من الهواء



6- نغلق الإناء بإحكام ونتركة من أسبوع إلى عشر أيام ثم نفتح عليه



7- يقدم مع الخيار والخس والبصل



وبالهنا والشفا

ياسلام على السردين الجميل
تسلم ايديك ان شاء الله اجربه

تسلميلى حبيبتى

شكرا لذوقك

الله يسلم ايدياتك يارب ....

من الأكلات اللذيذة والمحببة لكثير من المصريين السردين والفسيخ
بس على فكرة السردين موجود في بلاد تانية كمان لكن الفسيخ صناعة مصرية فرعونية

تسلم ايدك السردين شكله رائع
بس عايزة استفسر عن حاجة بعد ما وضعتي عليه الكيس النايلون
ما تقلتيش على السردين باى حاجة


ونظرا لأني مش خبيرة في عمل السردين وعملته مرة واحدة بس , عايزة أعرف ليه بعض الناس بيحطوه الأول في كيس نايلون وبعدين يحطوا الكيس داخل العلبة هل علشان ما يدخلهوش هواء زى ما قلتي , انت هنا مغطياه فقط بالكيس فهل هذا كافي
وشكراااااااااااااااااااااااااااا لك

كتبت بواسطة roza1

بس عايزة استفسر عن حاجة بعد ما وضعتي عليه الكيس النايلون
ما تقلتيش على السردين باى حاجة

ونظرا لأني مش خبيرة في عمل السردين وعملته مرة واحدة بس , عايزة أعرف ليه بعض الناس بيحطوه الأول في كيس نايلون وبعدين يحطوا الكيس داخل العلبة هل علشان ما يدخلهوش هواء زى ما قلتي , انت هنا مغطياه فقط بالكيس فهل هذا كافي
وشكراااااااااااااااااااااااااااا لك

شكرا لذوقك

الطريقة زى مانا عملتها من غير ثقل عليها ولا حاجة

ويكفى الكيس فوقها فقط

انا عملته اكتر من مرة وبيطلع روعة

جربيه بطريقتى وإن شاء الله بيطلع معاكى جميل

وأى سؤال أنا موجودة

شكرا لردك ان شاء الله حاجربه لأني باحبه
بس قوليلي اأملحه في ايه , علبه بلاستيك ولا زجاج ولا ايه , يعني ايه الأفضل
وكمان نوع السردين لأني مش بافهم فيه
فيه نوع كبير ونوع صغير وباسمع الناس يقولوا سردين بلدي وانا بصراحة مش فاهمة لأني مش باطبخ السردين خالص لكن باحبه مملح فقط

انا عملته فى علبة بلاستيك زى ما إنت شايفها فى الصورة ولها غطاء محكم

نوع السمك أسمه سردين نيلي كبير أو متوسط وصورته اول صورة فى الموضوع

أتمنى تجربيه وتقوليلى وكمان أى سؤال أنا موجودة

شكراااااااااااااااااااااااااااااااااااااااا

بسم الله ماشاءالله عليكى

تسلم الايادى الجميلة

حاجة ررررررررررررررررائعة فعلا

والف هنا وعافية على قلوبكم يارب