تطبيق متميزتطبيقي لنجرسكو وفراخ بالشمايل بطريقة بطوطة القمر

**فرح1983** · 11-02-2009, 03:14 AM

بسم الله الرحمن الرحيم
ازيكوا يا قمرات
النهاردة انا عملت صينية نجرسكو وبباقي الفراخ عملت الفراخ بالشاميل بطريقة الغالية كوسة وبط على الرابط دة
*موضوع متميز*ملفى لإستغلال بـــــواقى الفراخ $$ من مطبخ بطوطة $$

على فكرة الفراخ بالشاميل كانت تحفففففففة وطريقة كانت بالنسبة لي جديدة وعجبت حبيبة قوي عشان كور وماشاء الله لذيذة جدا وباباها كمان
تسلم ايدك يا بطوطة وجزاك الله خيرا وربنا يخليلك حسن يا ام حسن(اغلى اسم عندي) وعلى فكرة مش اسم جوزي اسم باباهههههههههههه ربنا يخليهولي يارب ويجزيه عنا كل الخير

نيجي للصور
دي صورة صينية النجرسكو(معلش الصور بكاميرا الموبيل مش واضحة قوي، لان الكاميرا في رحلة عند ناس صحابنا، ربنا يجيبها بالسلامة)

ودي صورة الفراخ بالباشميل

ودي صور لطبق من قريب لاول واحدة هترد

معلش المرة دي ما صورتش الخطوات بس هيا في رابط القمر بطوطة واضحة جدا
وما تنسوش تدعوا لبناتي وزوجي

**loverose233** · 11-02-2009, 03:19 AM

ماشاء الله الطبقين احلى من بعض تسلم ايدك وايد بطوطة الجميلة

**صاحبة الـ@ـسك** · 11-02-2009, 03:37 AM

وبعدين بقى يا جماعة
كده هتخلونى أتغر بجد
وأعمل فيها بأعرف أطبخ بحق وحقيقى

ما شاء الله الأطباق شكلها
رووووووووووووووووعة
وأكيد طعمها جنان
علشان من إيد الغالية
أم حبيبة
وربنا يخلى لك حسن الكبير
وزوجك وحبوبة العسل

وطبعا بما إن محدش لسه لطش فأنا
أول واحدة تلطش الطبق

تسلمى يا غالية

**فرح1983** · 11-02-2009, 03:49 AM

كتبت بواسطة loverose233

ماشاء الله الطبقين احلى من بعض تسلم ايدك وايد بطوطة الجميلة

ربنا يخليكي ياقمر
كلك زوقك وشكرا لمرورك الكريم

**فرح1983** · 11-02-2009, 03:54 AM

كتبت بواسطة كوسةوبط

وبعدين بقى يا جماعة
كده هتخلونى أتغر بجد
وأعمل فيها بأعرف أطبخ بحق وحقيقى

ما شاء الله الأطباق شكلها
رووووووووووووووووعة
وأكيد طعمها جنان
علشان من إيد الغالية
أم حبيبة
وربنا يخلى لك حسن الكبير
وزوجك وحبوبة العسل

وطبعا بما إن محدش لسه لطش فأنا
أول واحدة تلطش الطبق

تسلمى يا غالية

لا والله اتغري براحتك ليك حق ياقمر
المفروض توري ابو حسن الانجازات العظيمة دي عشان يعرف كويس هو واخد مين ، قوليلو شفت البنات بيعملو زيي ازاي؟؟ ههههههههههه
بجد جزاك الله خيرا يا حبيبتي الطبقين كانوا طعمين قوي وتغيير عن اللي الواحد بيعملهم وانا والله من كتر ما عجبوني من ساعة ما شفتهم ما استنتش اما بقى عندي بواقي فراخ انا عكلتهم مخصوص ببانيه ني
تسلم ايدك يارب وربنا يخليلك حسن الصغير وابو حسن
ويخليلي حسن الكبير وحبيبة وحلا وزي بعضه باباهم
مرورك نورني وطبعا مش الطبق كله ليكي الصينية بحالها