اخواتى الحبيبات اول مره اشارك معاكم باكله بس لانها عجبتنى جدا وعجبت الولاد هقولكم عليها طريقة الكشرى بتاع المحلات طعمه لذيذ ورائع شوفوا تجيبوا 3بصلات كبار وتقطعوهم شرائح وعليهم رشة ملح ويتحمروا فى الزيت لحد ما البصل يبقى لونه بنى وبعدان تصفوا البصل على ورقه وبعدان تاخده حبه من الزيت القليته بى البصل تحمروا فى الشعريه وبعد كده تضيفوا عليها الرز وتسقوا الرز بماء سلق العدس الهتكونوا سلقتوه نص سلقه وصفتوه من الماء الهانخده بعد كده ونسقى بى الرز واول ما الرز يتشرب نضيف العدس ونقلبه مع الرز فيكمل سوا مع الرز ونوطى على وبعد كده نعمل الصلصه ناخد حبه تانى من الزيت القلنى فى البصل وناخد بصله كبيره وحوالى 6او7فصوص توم ونضربهم مع بعض ونضيف عليهم عصير طماطم من غير ما نحمر البصل والتوم يعنى كله نى فى نى ونحط عليهم شوى من زيت تحمير البصل ونسبهم يسبكوا مع بعض على النار وبعد كده نسلق المكرونه تكون نوعين اسباكتى وصغيره وبعد ماتستوى نغسلها ونضيف عليها شوى من الزيت الحمرنا فى البصل وشوية فلفل وبعدان نيجى للدقه عباره عن توم مفروم وعليه ملح وكمون وليمون وشوية خل وشوية ميه ونقلبهم مع بعض وعند الغرف باه نحط الكشرى فى الطبق وعليه المكرونه وبعد كده الصلصه وفوق الوجه البصل المتحمر وبالف هناء بس ملاحظه هامه جدا ان طعم الكشرى بيجى من نكهة الزيت المتحمر فى البصل والصلصه تكون كله نى فى نى ويتسبك مع بعضه

الله يسلم ايدياتك أختي

بانتظار المزيد من وصفاتك الحلوة ...

شكرا ياام السنفور انا بحب الكشري كتير واليوم راح اعملو

مشكورة نستنا المزيد باالصور

يعطيك الف عافيه

يسلمــــــــــــــــــــــــــوا

تسلم ايدك على الوصفه الروووعه

في انتظار باقي وصفاتك

مشكورة حبيبتي على الوصفة

الله يعطيكى الف عافية على الوصفة الجميلة

مشكوره عزيزتي على الوصفه الطيبه