مرحبا بكِ في منتديات لكِ! هل هذه هي زيارتك الأولى لمنتديات لكِ؟ اضغط هنا للتسجيل

للبحث في شبكة لكِ النسائية:
الصفحة 1 من 6 12345 ... الأخيرالأخير
عرض النتائج 1 الى 10 من 52

محشي ورق ملفوف.. محشي ورق خس.. (حملة فلسطين نبض قلوبنا)

(الأطباق الرئيسة - منتدى لكِ)
هذه الحملة فتحت نفسنا على الأكل والله يستر من العواقب وأنا أفكر شو أعمل لأشارك من جديد هون اجه على بالي الملفوف.. لأني من فترة ...
  1. #1
    SMILE4LIFE's صورة
    SMILE4LIFE غير متواجد النجم الفضي
    تاريخ التسجيل
    Jan 2007
    الردود
    1,926
    الجنس
    أنثى

    محشي ورق ملفوف.. محشي ورق خس.. (حملة فلسطين نبض قلوبنا)



    هذه الحملة فتحت نفسنا على الأكل والله يستر من العواقب

    وأنا أفكر شو أعمل لأشارك من جديد هون اجه على بالي الملفوف.. لأني من فترة طويييييييييييلة ما عملته..بتعرفوا غلبته كتيرة واكله بيخلص في ثواني واللي عندها بنوتة صغنونة حتحوس لأنه محتاج وقت في السلق والتقطيع واللف وهلم جرا..

    المهم نبدأ على بركة الله..

    الحشوة
    عبارة عن رز مغسول ومنقوع ولحمة مفرومة بأقلبها ثواني على النار مع رشة قرفة لتضيع زناخة اللحم..وطبعا البهارات اللي هي ملح وهيل وكمون وبهار مشكل وفلفل أسمر. أنا ما بأحب أحط ثوم جوه حشوة الرز بس فيه ناس بيحطوا ثوم.

    اللحمة بأحب أقلبها على خفيف مع أنه معظم الناس ما بيقلبوها بس هيك تعودت من أمي لأنها كانت تعمل كميات كبيرة لأنا ما شاء الله عيلة كبيرة فتقول أضمن نقلب اللحمة على خفيف حتى لو لفينا الملفوف قبل بيوم أو ضلت طنجرة لتاني يوم بدون ما نستويها نكون متطمنين أن اللحمة ما تخرب الطبخة.

    هذا شكل اللحمة ساعة التقليب

    وهذا شكل الحشوة

    طبعا نيجي للست الملفوفة.. نشيل الجذع من النص وعلى فكرة الملفوفة ما بيترمي منها اي شي..كل شي فيها بيستفاد منه..الجذع بيتقشر وبيتاكل وطعمه طيب بس ممكن يعمل انتفاخ وغازات

    نشيل ورقة ورقة ونحطهم في طنجرة الماء المغلي..يادوب دقيقة أو اثنين ونشيلهم حتى لا يذبلوا كتير ويتمزعوا ويغلبونا في اللف..


    لما يصغر راس الملفوف شوية ونقدر نحطه في الطنجرة نحطه وهو لحاله رح يفك بقية الورق ويسهل علينا المهمة بدل ما نعمله ورقة ورقة..

    والزهرة الصغيرة اللي بتتبقى في الآخر بنتركها زي ماهي لأننا بنحشيها وكنا نسميها الجاجة ونتقاتل عليها واحنا صغار

    نفرد كل ورقة ملفوف ونشيل القوالح البيضا اللي في النص ونحطها على جنب ونقطع الملفوف بشكل مناسب وهذه ملفوفتي بعد ما تقطعت أوصالها


    نجيب الطنجرة ونفرد فيها القوالح البيضاء ونكون قشرنا رأس ثوم ونوزعه بين القوالح


    ونبدأ على بركة الله نأخذ ورقة ورقة ونلفها.. من نصائح الوالدة الله يرحمها.. خطوط الورقة تكون عرضية موازية للي بيلف ..أصبع الملفوف لازم يكون انيق ومرتب وأطرافه متساوية وما يكون دب وتخين كتير ولا طويل كتير يعني يادوب طوله زي الأصبع أو أكبر بعقلة بس..

    كنا لما نلف معها الملفوف كل ورقة نلاقيها صعبة نحطها قدامها وناخد الورق السهل وهي تضحك وتقول كلمة بعرفش بتريح..حاولوا بدل ما تستسهلوا وترموا الورق..
    أول مرة طبخت الملفوف لحالي كل ورقة مجعلكة أحطها على جنب أقول بأفرمها للشوربة..اجيت على الآخر لقيت رأس الملفوف كله ما عمل لي سطر في الطنجرة! طبعا بعدها استحيت على حالي وصرت شوية شوية أتحايل على كل ورقة مجعلكة وألفها مزبوط

    المهم طولت عليكوا.. نصف أول سطر في الطنجرة والأفضل نلف الورقات الخضراء في الأول لأنهم بيكونا بيتحملوا حرارة اكثر وبعدين بنجيب الجاجة وبنحشيها وبنقعدها زي الملكة في النص..


    ونكمل لف بقية الورق ونحطه بشكل مرتب ومتلاصق في الطنجرة حتى يحافظ على لفته وما يتفلت..


    طبعا أكيد اتبقت معنا شوية زوايد صغيرة من هون وهون..نفرمها بالسكين ونحطها على وجه الطنجرة..كتير بتطلع طيبة مع الليمون.


    هلأ أنا بقي معي صحن صغنون من الحشوة وقلت مش مستاهل أتركه لوقت تاني..قام خطر ببالي نوع محشي تاني كانت تعمله رحمة الله عليها وهو محشي ورق الخس..

    هلأ هذه هي الخسة عادة صح؟ عادة الجزء السفلي منها بيبقى أخضر كتير وبينرمي..
    بنقطعة بشكل مرتب بالسكين.. وممكن ناخذ كام ورقة من فوق برضه .. بنغسله كويس كويس..

    بنحطه لأقل من دقيقة في الماء المغلي لأنه رقيق وعلى طول بيذوب وبنشيله وبنقطعه وبنحشيه

    يادوب طلعوا معي سطرين في الطنجرة الصغيرة


    نرش ملح على وجه الملفوف والخس.. نضيف ماء مغلي لهم بحيث بس بغمرهم ونتركهم على نار عالية حتى يتشرب الماء ونكون عصرنا ليمون كتير لأنه زكاوته بحموضته ونضيفه للملفوف والخس ونتركهم على نار هادية لغاية ما يتشربوا وياخدوا الطعم..

    وهذا شكل جاط الملفوف

    وهذه صورة أقرب

    وهذا الخس يادوب طلع صحن صغير وقضينا عليه من أولها من زكاوته

    وهذه صورة أقرب

    سامحوني رغيت كتير وطولت عليكم بس يارب طبختي تكون عجبتكم
    آخر مرة عدل بواسطة حنان(البحرين) : 01-02-2009 في 12:18 PM السبب: اضافة شعار التميز

    من مواضيع SMILE4LIFE :




  2. #2
    &جروح تبتسم&'s صورة
    &جروح تبتسم& غير متواجد عضو نادر
    تاريخ التسجيل
    Mar 2007
    الردود
    14,616
    الجنس
    امرأة
    انا بدي اخد صحن الملفوف
    بيشهي وطيب بالبرد
    اما محشي الخس ولا بعمري جربته او دقته (حماتي كتيير بتطبخه وبتقول عنه طيب كتيير)
    يسلمواايديكي عالاكلات الطيبة


  3. #3
    soso22's صورة
    soso22 غير متواجد الفائزة الأولى في مسابقة المقبلات واالثالثة لاحلى طبق رئيسي رمضاني
    تاريخ التسجيل
    Dec 2005
    الردود
    15,242
    الجنس
    امرأة
    رووووووووووووووووووووعه ماشاء الله


    تسلم الايااااااااااااااااااااااادي

    أسالكم الدعاء لي بظهر الغيب ان يرزقني الله الذرية الصالحة عاجلا غير آجل

  4. #4
    حنان(البحرين) غير متواجد مشرفة اركان الاطباق
    تاريخ التسجيل
    Jan 2006
    الردود
    21,307
    الجنس
    أنثى
    التكريم
    • (القاب)
      • درة صيفنا إبداع 1431هـ
      • نبض وعطاء
      • طاهية متميزة
    (أوسمة)

  5. #5
    - بنت الأحرار -'s صورة
    - بنت الأحرار - غير متواجد رئيسة أركان الأسرة - محرره بموقع لكِ
    تاريخ التسجيل
    Aug 2006
    الموقع
    فلسطين - غزة
    الردود
    43,854
    الجنس
    امرأة
    التدوينات
    18
    التكريم
    • (القاب)
      • مكتسحات القمة
      • نجمة إبداع في ركن الجوال
      • خبيرة برامج
      • وهج عطاء الكمبيوتر
      • درة صيف31/ 1432هـ
      • لؤلؤة شتوية نادرة
      • تربوية مثقفة
      • لمسة عطاء
      • مبدعة صيف1430هـ
      • مدربـة متميزة
      • ريحانة الحوار
      • عطاء ركن التغذية والصحة
      • ضياء العلم
      • شعلة العطاء
      • فرحة عدسة
      • لمسة إبداع
      • مستشارة ركن الحاسوب
      • احساس راقي
      • الأم الحنون
      • متميزة ركن الأمومة والطفولة
      • بصمة مبدعة
    (أوسمة)

  6. #6
    لبنان وحبايبه's صورة
    لبنان وحبايبه غير متواجد كبار الشخصيات "متألقة مطبخ لكِ"
    تاريخ التسجيل
    Jul 2007
    الموقع
    اليوم في الإمارات وغداً الله أعلم
    الردود
    11,921
    الجنس
    امرأة

  7. #7
    &قطرة ندى&'s صورة
    &قطرة ندى& غير متواجد متألقة صيف 1432هـ
    تاريخ التسجيل
    Jul 2005
    الموقع
    فلسطينية في الغربة المانيا
    الردود
    6,419
    الجنس
    امرأة
    صراحة امووت بالملفوف والخس اول مرة اعرف انه بنحشى
    بس باين عليه زاكي
    ان شاء الله بجربه قريبا
    تسلم ايدكط يا عسل


  8. #8
    ام سنا 2003's صورة
    ام سنا 2003 غير متواجد النجم الفضي
    تاريخ التسجيل
    Feb 2008
    الردود
    3,194
    الجنس
    امرأة
    رووووووووووووووووووووعه ماشاء الله


    تسلم الايااااااااااااااااااااااادي



  9. #9
    sumayya غير متواجد النجم الذهبي
    تاريخ التسجيل
    Sep 2006
    الموقع
    العراق- بغداد
    الردود
    6,914
    الجنس
    أنثى
    تسلم الايادي


  10. #10
    lady samara's صورة
    lady samara غير متواجد النجم البرونزي
    تاريخ التسجيل
    Jul 2007
    الموقع
    le portugal بلاد البرطقيز
    الردود
    640
    الجنس
    أنثى
    تسلم الايادي ماشاء الله طبق بيشهي


    اللهم انى اعيذك ابني زيد وزوجى ونفسى واهلى بكلمات الله التامة من كل شيطان وهامة ومن كل عين لامة
    اللهم ارزق كل مشتهى ومحروم وكل بنات المسلمين بحمل صالح معافى عاجلا غير اجلا
    استغفر الله الذي لا اله الا هو الحي القيوم و اتوب اليه

مواضيع مشابهه

  1. الردود: 41
    اخر موضوع: 27-12-2009, 09:38 AM
  2. الردود: 74
    اخر موضوع: 17-05-2009, 07:56 AM
  3. محشي البطاطا( لحمله فلسطين نبض قلوبنا)
    بواسطة زهره النارنج في الأطباق الرئيسة
    الردود: 27
    اخر موضوع: 09-02-2009, 02:58 AM
  4. الردود: 38
    اخر موضوع: 09-02-2009, 02:32 AM
  5. محشي كر نب (ملفوف)يستاهل بؤك؟ِ
    بواسطة ASEELL في الأطباق الرئيسة
    الردود: 4
    اخر موضوع: 25-10-2004, 01:59 AM

الروابط المفضلة

الروابط المفضلة

قوانين الكتابة

  • لا تستطيع إرسال مرفقات جديدة
  • لا تستطيع إرسال ردود
  • لا تستطيع إرسال مرفقات
  • لا تستطيع تعديل ردودك
  •  
لكِ | مطبخ لكِ | جمالكِ | منزلكِ | جوالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100