من الاكلات الشعبية الفلسطينية والتراثية الحمصيص هي اكلة لورق يسمى في الامارات حميض بضم الحاء اما عندنا بفلسطين بسموه حمصيص وهو من فصيلة الاسبانخ والسلق ..يعني ولاد عم تقريبا .. ههه
طبعا يوم الخميس دايما بتكون زيراتنا لبيت الاهل والاخوات كلهم بتجمعو ببيت العيلة وماما وبابا بصير عندهم وش من الاطفال ومشاكساتهم وبتكون ست الوالدة محضرة سفرة معتبرة ..الله يطوولنا بعمرها يا رب .. انا اول ما سفت الحمصيص على السفرة لطشت الصحن واخدت اصور فيه قلت هاد هو التراث الفلسطيني بعينو ...
ندخل بالطريقة على طول
المقادير حسب كمية الافراد ....
يغسل الحماصيص جيداً و يقطع شروشه و يرص متل السبانخ و يفرم و نضعه في الطنجرة على النار ونضيف القليل من الماء و نضع العدس المغسول نتركهم يغلو و ينضجو مع بعض
بعدين بنجيب المفراك (أداة فلسطينية بحته) صورتها بالاسفل و نفركه لنزع العروق نتركه على نار هادية
في مقلى نحوس البطل المقطع بزيت الزيتون البلدي ونضيف عليه ملعقة طحين ونحركه حتى يصبح مزيج اللون عاطي على شقار ونضيف الملح والكمون ثم نضيف ما في المقلى على طنجرة الحمصيص مع الاستمرار بالحركة تدريجيا
حيث الطحين يقوم يسحب كل الماء الموجود في الحمصيص
ثم نضيف عصير ليمونه عليه
وقدم مع قروون الفلف الاخضر الحراق ورغيف الخبز البلدي
المفراك بالصورة
انتظروني بموضوع جديد بركن جديد من حملة
الروابط المفضلة