اللحمة المسلوقة في خطوة تبئى طبق تاني(للكسولات فقط)
السلام عليكم يا اخواتي......
من كم يوم كنت لوحدي في البيت وكسلت اطبخ ...فتحت التلاجة لقيت قطعتين لحم مسلوق باقي من قبل كده...طبعا كلكم عارفين طريقته...المهم عملت الاكلة اللي انتو شايفينها في الصورة ودي المقادير والطريقة
المقادير:
لحمة مسلوقة متبقيه منك طبعا من قبل كده(عشان دي للكسولات)وتقطعيها زي الشاورمة
بصلة متوسطةمقطعة شرايح طويلة-ملعقة ونص صغيرة مستردة-2 ملعقة طعام طحينة سايله-فلفل اخضر مقطع صغير -بهارات(كاري واي بهارات تانية)-ملح-عصير نص ليمونة-1 طماطم مقطع مكعبات-كسبرة خضرة مفرومة او اي اعشاب تحبيها
الطريقة
في طاسة تيفال تحطي شوية زيت ..يشوح فيهم البصل حتى يذبل ثم تضعي البهارات والكاري(عشان ريحتهم تطلع وتفحفح) وتحطي باقي الخضار واللحمةوتضيفي الطحينة والمستردة وعصير الليمون ومعلقة مياه عشان تمزج المكونات كويس..وتقدميها مع رز ابيض او في ساندوتش عالسريع ماشي مش مشكلة......وبس بالهنا والشفا
وصدقوني جميلة وتحسي انك بتاكلي حاجة تانية مش لحمة مسلوقة و مدية على طعم هندي كده او باكستاني متعرفيش...وسريعة جدا ...يلا جربو وادعولي
رد مع الاستدلال
[
كتبت بواسطة noorelhoda
الروابط المفضلة