مقلوبة الخضار المشكل بالصور

**جنة الطيور 2** · 29-12-2008, 11:52 PM

السلام عليكم ورحمة الله وبركاته

نبدأ باسم الله

تسوينها بالدجاج أو اللحم ..

والخضار .. بصل - بطاطس - جزر - كوسى - باذنجان - طماطم - فليفلة خضراء - أي نوع خضار تحبيه ممكن تضيفيه..

نقطع الخضار اللي عندنا كلها ..

طبعا بالنسبة للباذنجان أقليه أحلى مو قلي وتشريب زيت لا .. تشويح قلي في الفرن أخف .. والكوسى نفس الشي للي يحب ..

أول خطوة بعد تقطيع الخضار بالنسبة ليي عشان النكهة .. أقلي الدجاجة بالزيت مع شوية بهارات ..

أخليها على ظهرها عشان لما نقلب الطبخة .. وأضيف البصل بعدها..

وأضيف عليه شوية بهار وأكثر من اللومي العماني إما مطحون أو ملبب أهم شي تكون نكهته باينة ,,

وباقي الخضار قبل لا أضيفه أخلطهم مع بعض وكمان أبهرهم وأهم شي الليمون الأسود برضو ..

آخر شي أضيف الكوسى والباذنجان ..

وأعبيه بالليمون الأسود ..(روحي وعقلي الليمون الاسود)

وآخر شي اسلق الرز يادوب تفتح الرزه عندي يعني ربع سلقة تقريبا وأحطه فوق الخضار ..

وأضيف له حسب كمية الخضار والدجاج من ثلاثة أرباع كوب ماء إلى كوب مع تذويب الملح طبعا فيه.. أو أكثر حسب الإحتياج ..
وربع كوب زيت بس أني أقلل لأن الطبخة دسمة .. ونغطيها زين بالقصدير.... نحكم الإغلاق .. ونتركها على نار عالية وبس يبدأ الماي بالغليان نهدي النار ولما نحسه قربت تنشف نخليها نار هادئة .. عشان البصل والدجاج يتحمروا شوي .. وأحلى شي إنك تقلبيها في الصحن للتقديم على طول .. وصحة وعافية
اخذنا غدانا وطلعنا البرررررررررر