اكله وجت معايا كده
عزيزاتى عضوات المنتدى الحقيقه انا كنت محتارة اعمل اكل ايه واحترت اكتر بين اختيارات ولادى وامى واختلاف الاذواق وعملت الاكله دى وجت معايا كده المهم ان الاتنين ماما والاولاد رضيوا وجوزى جزاه الله خير بيرضى بالى اعمله بصوا بقى المقادير :
1\2 كيلو من صدور الدجاج مخلى ومقطع شرائح
بصله مكعبات 3 فصوص توم مفروم
فلفتين رومى مقطعين شرائح
بقدونس مفروم وجزرة مبشورة
ثمرة طماطم مقشورة
مقادير الصوص :
3ملاعق مايونيز
2علبه زبادى او علبه بوزن 1\4 كيلو
1\2 ملعقه خل 1\2 ملعقه زيت نباتى
بصله مكعبات 3 فصوص ثوم
ملح وتوابل حسب الرغبه
الطريقه:
يجهز الصوص بضربه فى الخلاط ويمكن اضافه فنجان ماء حسب الحاجه
تجمر الفراخ مع البصل والتوم حتى تذبل وتقترب للاحمرار ثم يضاف الخضراوات ماعدا الطماطم
تغطى الفراخ الى ان تصل للون الذهبى وتتشرب ماء الخضروات تماما تضاف الطماطم المقشورة وتغطى على نار هادئه حتى تذوب الطماطم تماما
يضاف الصوص وتترك على النار حتى تحسى انها تقترب من السمك قليلا وبالهنا والشفا
ملحوظه اضافه الزعتر يضفى طعما رائعا
الاكله دى الناس بقو يطلبوها منى ويسالونى اسمها ايه مش باعرف اقول اسم بس الولاد بيقولوا عليها فراخ مسكيكى بدل مكسيكى يارب تعجبكوا
رد مع الاستدلال
الروابط المفضلة