₪موضوع متميز₪كباب هندي على طريقتي .. ومنزلة زهرة القرنبيط

**alyaman** · 14-10-2008, 02:25 PM

السلام عليكم

اخترت لكم اليوم اكلتين الاولى باللحم وممكن تعتبروها صحية و قليلة الدسم
كباب هندي
اكلة سورية
بس ليش اسمها هندي والله ما بعرف
المهم انو اهلنا عملوها ابا عن جد
استعملت فيها لحم خالي من الدهن تماما
وضعت على اللحم رشة ملح وبهارات
و شكلت القطع وقلبتها بقليل من زيت دوار الشمس

ثم وبنفس الزيت وضعت كمية من البصل المقطع جوانح
وقلبته
وضفت عليه بندورة مقشرة ومقطعة مكعبات متوسطة

ثم قطعت مجموعة من الخضار تقطيع ناعم جدا و استعملت محضرة الطعام حتى يكونو ناعمين كتير
الخضار هي ..
( جزرة ..حبة فلفل اخضر حلو .. وممكن اضافة الحار وحبة بطاطا متوسطة وحبتين كوسا ..)

نضيف الخضار المفروم الى البندورة والبصل ونحركهم ثم نضع رشة ملح وفلفل

ونصفصف قطع اللحم فوق الخضار

ونضع الصينية بالفرن لمدة 45 دقيقة الى ساعة

وهذا شكلها النهائي
والف صحة وهنا

اما اكلة القرنبيط

اولا نبدأ بسلق القرنبيط المقطع لمدة 7 دقائق
ثم نقلي الحبات حتى يصبح لونها اشقر فاتح

ثم نضعها في صينية الفرن
ونضع عليها كزبرة مفرومة وثوم ناعم وملح
وقليل من الماء المذوب فيه ملعقتين كبيرة من رب البندورة

ثم الى الفرن
وعندما تستوي نرش عليها قليل من الكزبرة الخضراء للزينة

وصحة وعافية

**تغريد2007** · 14-10-2008, 03:24 PM

اذا بنتي بتشوفي طبخت القرنبيط بطير عقلها بتموت على شي اسمه قرنبيط
الله يسلم دياتك يا قمر طبختين ولا اروع

**كرز وتوت** · 14-10-2008, 03:28 PM

تسلم الايادي

**alyaman** · 14-10-2008, 03:55 PM

شكرا لردك الرائع اختي تغريد
ولك مني كل التحيات اخت طيور المهاجرة

**ماما الاء** · 14-10-2008, 03:56 PM

بسم الله ما شاء الله
طبقين احلى من بعض
وانا جلست على طبق الكباب الصحن كله لياااااااااااااااااااااااا
ومن غير ما يزعل احد من البنات
الله يعطيك الصحة حبيبتي ويجازيك عنا كل خير
واكيد جاااااااااااري التطبيق