اللحمه الرستو او البارده او عرق التلبينكو او لحمه الزنقات من أم شادى (بالصور)
السلام عليكم و رحمه الله و بركاته
كل عام و انتم بخير و سعاده
اخواتى الاعزاء حبيت اقدم لكم اليوم طريقه اللحمه الرستو او البارده او عرق التلبينكو او لحمه الزنقات كلها مسميات لنفس النوع
هو عباره عن عامود من اللحمه يوجد فى فخد البقره و هو من الاصناف الرائعه و الشيك و اللذيذه و خاصه فى العزائم التى على الابواب وكمان بيعطى كميه كبيره و ممكن يتعمل قبل العزومه بمده ودا بيوفر مجهود كبير
الاخت الفاضله الزينب قدمته بطريقه صحيه للرجيم رائعه و دى طريقتى التى أقدمها باستمرار يا رب تعجبكم
بسم الله نبدأ
المقادير
عامود تلبينكو(عامودى وزنه 1 و نصف كيلو )
2 جزره (نقشرها و ناخذ منها عامودين )
2 بصله متوسطه
1 طماطم
فصوص ثوم
كرفس
ملح /فلفل/ جنزبيل /خيط
2 ملعقه سمن
الطريقه
نحضرالسيخ الخاص بالمشاوى (او سكين بحد طويل وهذا ما استخدمته ) و نبدأ نعمل فتحه فى منتصف العامود و نلف السكين و نضغط عليه للداخل كأننا بنقور اللحمه حتى نصل للناحيه الاخرى
نبدأ ندخل الجزر من الفتحه و نضغط عليه للداخل و الجزره التانيه من الناحيه الاخرى (ممكن بدل الجزر نعمل شقوق فى اللحم و نضع فصوص الثوم بها )
نبدأ فى لف عامود اللحم بالخيط
نضع السمن فى الوعاء و عندما يسخن نضع اللحم
و نحمر اللحم من جميع الجهات بواسطه التقليب المستمرحتى تتحمر من جميع الجهات
نضع باقى الجزر و البصل و الثوم و الكرفس و الملح و الفلفل و الجنزبيل
ثم نغطى الوعاء و نهدى النار و نتركها حتى تنزل مائها و تشربه مع التقليب من حين لاخرحتى تتسبك ثم نزودها مقدار كوب من الماء و نتركها حتى تنضج على نار هادئه
نتركها تبرد ثم نضعها فى التلاجه ثم نخرجها و نفك الخيط
و نقطعها بالسكين الكهرباء او العاديه ( بس تكون حاميه ) الى ترنشات غير سميكه و نصفى صوص اللحم
ترص فى طبق التقديم و يسخن الصوص و يوضع عليها
و يمكن تقدم بارده بدون صوص
و يقدم جنبها خضار سوتيه او مشوى او بطاطس محمره و هذا ما يفضله الجميع
اخواتى الاعزاء ممكن توضع فى الفرزير فى علبه محكمه بعد تقطيعها بس بنفس ترتيبها و نخرجها يوم العزومه او الضيوف المفاجئه
ممكن بقسم العامود و اعمل نصفه بالجزر و نصفه بالثوم
اتمنى مكنش طولت عليكم و ان اكون وضحت لكم فكره جديده للتغيير
وكل عام وانتم بخير
اترككم فى رعايه الله و امنه
لا تنسونى فى الدعاء أكرمكم الله
رد مع الاستدلال
كتبت بواسطة تغريد2007
الروابط المفضلة