تجهيز الاكل من قبلها بيوم .... تعالوا نتشارك

**azmiralda000** · 21-08-2008, 06:01 AM

كل سنة و انتم طيبين
ربنا يبلغكم رمضان بكل خير ان شاء الله

الموضوع باين من عنوانه
عايزين نفيد بعض فى تجهيز الاكلات من قبلها بيوم

يعنى على رأى قناة فتافيت
جهزى سفرتك النهاردة و ارتاحى بكرة

و لو ان مافيش حاجة اسمها راحة

يالا كل واحدة تقولنا ايه الاكل اللى ممكن يتجهز من قبلها بيوم
يعنى عشان على ميعاد الفطار يكون يدوب تسخين

فى انتظاركم

ما تتاخروش الجو حار زى ما انتم شايفين

**azmiralda000** · 21-08-2008, 06:02 AM

انا هبدأ

يعنى مثلا انا بجهز المكرونة البشاميل من قبل بيوم
بسلق المكرونة اعصج اللحمة و اعمل البشاميل
و ارصهم فى الصينية و اشيلها فى التلاجة
و تانى يوم ادخلها الفرن

و كمان المسقعة
بقلى الباذنجان و البطاطس و اعصج اللحمة و اعمل الصلصة
و ارصهم فى الصينية و اشيلها فى التلاجة
و تانى يوم ادخلها الفرن

البيتزا بقى بعملها من الصبح و احط عليها المكونات كلها
بصل , لحمة , فلفل الخ الخ الخ
ماعدا الموتزاريللا
و بدخلها الفرن 10 دقايق تستوى نص سوا
و قبل الاكل بحط عليها الجبنة و ادخلها الفرن 10 دقايق كمان تكمل سوا و تسيح الجبنة

كمان الجلاش بحطه فى الصينية و احط الحشوة
و بغطيه كويس بالفويل او البلاستيك و احطه فى التلاجة
و قبل الاكل بحط عليه البيض و اللبن و ادخله الفرن

**تغريد2007** · 21-08-2008, 02:45 PM

بصراحه انا مابحب اجهز قبل بيوم يعنى الا مثلا ورق الدوالي والمحشي بجهزو وبطبخو فى اليوم التاني
او مثلا الكبه بجهزها فى الثلاجه وبقليها تاني يوم
بس الاكل عمري ما جهزت قبل بيوم ما بحب التسخين
يعني الغضروف في رقبتي من قليل ههههههههههه الله يسعدك يا رب ويرضى عليكي

**ghada00** · 21-08-2008, 03:36 PM

******

**ghada00** · 21-08-2008, 03:47 PM

ازميرالدا حبيبتى انا تقريبا كل اكلى بعمله من قبلها بيوم و ساعات حاجات تستنى يومين تلاتة على رف التلاجة على التسوية بس

طبعا ده بسبب ظروف شغلى باجهز من بليل و اكمل لما ارجع البيت

الفراخ البانيه والاسكالوب باتبلها و اغطيها بيض وبقسماط و في التلاجة على التحمير بس

الكفة بانواعها برضه متبلة و في التلاجى على التحمير او الفرن

السمك متبل باللمون و التوم والتوابل و في الصينية من بليل يا اما على الفرن او على القلية تانى يوم و يادوب اروح اعمل الرز و السلطات

الفراخ و اللحمة باسلقها من تانى يوم و ده غالبا بيكون في حلة الضغط و الخضار نى في نى و ياخد غلوة واحدة بس و اكلم تانى يوم و يا دوب على ما اعمل الرز و السلطة يكون كله خلص

و غالبا بادخل المطبخ في الويك اند و اعمل كام حاجة كده من دول مرة واحدة و يادوب على التسوية يعنى دايما بيكون عندى فراخ متبلة على الشوى بس او متبلة بانية وعلى التحمير بس او صوانى سمك او كفتة و اهى ماشية الحمد لله

المحشى كمان باحشيه و على التلاجة يا دوب يتسوى بس و دايما بيكون عندى في الفريزر شوربة من سلق طيور او لحمة

و ده طبعا نظامى في العزومات باعمل كل حاجة من قبلها بيوم و يوم العزومة يبقى السلطات و التسوية بس

يعنى تقدرى تقولى كل اكلى باعمله من قبلها بيوم و الحمد لله ماشية ظروفنا هى اجبرتنى اتصرف كده

يارب اكون افدتك و تسلمى على الموضوع الجمييييييييييييل

**ام سفيان** · 21-08-2008, 04:04 PM

انا نفس الشئ لا احب اجهز الاكل الا في نفس اليوم
الا قي العزائم

**sama_sehab** · 21-08-2008, 04:17 PM

ازميرالدا كل سنه وانتي طيبه

انا اللي باعمله قبلها بيوم المكرونه بالبشاميل واللازانيا والكانيلوني والمحاشي والبانيهات باتبلها

وتاني يوم على الدقيق والبيض والبقسماط

كمان طبعا الشاورما والفاهيتا والشيش طاووق برده اتبل بليل

كمان الجلاش باعمله واشيله في الفريز

طبعا عرق اللحمه البارد اكلة الزنقات ههههه باشيله جاهز دايما في الفريز مطبوخ طبعا

ده اللي فاكره دلوقتي لو افتكرت حاجه تانيه اكيد هاكتبها

بس انتي مش كتبتي بتجهزي ايه

**ananas** · 21-08-2008, 04:17 PM

انا كمان بعمل زى الاخت ghada00
برضه علشان ظروف الشغل لان الوقت بيبقه يادوب حتى لما اخدت اجازة كنت بعمل نفس الحكاية اوضب اكل واحطه لى التلاجة واسويه تانى يوم
فى حاجات مهم جدا لازم تكون فى الفريزر بتاعى على طول ما تتقطعش زى الموخية عجينة السمبوسك والبيتزا والبطاطس المحمرة السمك المتبل على القلى او الشوى البفتيك اللحمة العصاج الخضار المشكل و الجزر المبشوروالبشاميل وعجين العيش الاسمر