اخواتي جربو الطبق وانا متأكده مليون في المليون انه بيعجبكم جربوه ولا تترددون
المقادير : عشرة افخاذ من الدجاج
غرشة دقوس بو صقر
زبدة
فلفل اسود واحمر
ثلاث ليمونات
ملعقتين او ثلاث ملاعق طعام خل
ملح
بصل مفروم
الطريقه :
نتبل الافخاذ لمدة ساعه او اكثر في الخل والليمون والفلفل الاسود والاحمر والملح والبصل
ثم نخلط ثلاثة ارباع غرشة الدقوس ب ملعقة زبده او اكثر حسب الرغبه ونضعهم في قدر على جانب
الحين نجيب الافخاد ونقليهم في الزيت وبعد ماتستوي نرفها من الزيت ونضعها على طول في خليط الدقوس ثم نخرجها منه بع ما نتأكد انها تغطت بالكامل بالدقوس وبالعافيه عليكم .

تسلمين يالغاليه على الطبق وتسلم ايدج فعلا رهيب

تسلمين يا ام احمد بس صدقيني جربيه وردي عليه اكيد بيعجبك

عزيزتي ما هي غرشه الدقوس

يعطيك العافية اختي شكلها لذيذ

اختي nevena غرشة الدقوس هي الشطه الحاره او نقول التاباسكو (الفلفل السائل الاحمر ) تلاقينه في اي سوبرماركت وتوجد منه نوعيات كثيره بس انا استعمل نوع عليه رسمة الصقر وجربيه وادعيلي واذا ما عرفتيه خبريني وبعد بشرحلك هو عباره عن ايش


اختي ام ردين اهلا بيج وانشاء الله تجربينه لانه بدون اي شك لذيذذذذذذذذذذذذذذذذذذذذذذذذذذذذذذذذذذذ

اختي nevena غرشه معناها زجاجه مثل زجاجة الكاتشب او البيبسي.

تسلم اديكي
لذيذ وشهي
بالذات الفلفل اللي فيه عطاها طعم فظييييييييييع
يعطيكي العافية

شكرا لكي يا ام حميد انا خلاص عرفتها وان شاء الله اجرب الطريقه في اقرب
وقت وتسلم الايادي

جربوه وادعولي شكرا لكم دموع الحزن وnevena