₪موضوع متميز₪فتة المكدوس السورية وفتة دجاج من مطبخ جنة

**جنة الطيور** · 26-03-2008, 02:36 AM

السلام عليكم بعد غياب طوووووووووووويل عنكم رجعتلكم مع فتة الفتة المدوس وفتة الجاج
المقادير والطريقة
فتة المدوووووس اولا
هلق نحن بسوريا منجيب باذنجان صغير ومنحشيه لحمة وبقدونس بس بما اني انا مو بسوريا الان وعنا كل باذنجانة طولها شبر مشان هيك منعملعا دوائر دوائر تقطيع ومتقليهون للباذنجان شي 3 باذنجانات
ثانيا بتكوني مقطعة خبز على هوى كم فرد بقا انا عملت اربع ارغفة سياحي وقليتهون كمان وبتحطيهون في صحن البايركس
ثالثا .بتحطي على النار طنجرة وبعدها بتحطي بندورة علب ومعها نصف كاسة ماء وملح وفلفل وبتخليها تتعقد على النار
رابعا . اكتر العالم ما بيحطولها رز بس انا بلاقيها برز اطيب واقببل ما تكون كلها خبز
بتتطبخي نصف كاسة رز كبيرة طبخ عادي بدون شعيرية طبعا
خامسا :بتجيبي صحن وبتحطي فيه لبن شي نصف كاسة لبن او اكتر وبتحطي اربع ملاق طحينة وسنتين توم معهون وبتخلطيهون منيح منيح مع ملح اليمون وملح
سادسا بتجيبي ربع كيلو لحمة انا حطيت اكتر وبتقليها منيح وبتحطيلها ملح وفلفل
وبتتركيهون بقا كلهون علىجنب
الان جبتي صحن البايركس وحطيتي فيه الخبز المقلي بعدها بتحطي الرز بعدها بتحطي الباذنجان والبندورة وبعدها اللبن وبعدها الطحينة ولو عندك بقدونس اترمي فوقها شوي
وبتتطلع طيبة كتير وكتير حتعجبكون لو جربتوها
وبتمنى تتنال اعجابكون

الان الصور بكل خطوة

هون الباذنجان مقطع ومقشر قلم وقلم

هون البندورة عم تتعقد مع ملح وفلفل

هون الرز عم ينطبخ

هون اللبن والطحينة والثوم

الان نضع الخبز في صحن البايركس

وبعدالخبز نضع الرز

الان نضع البندورة وانا حطيت الباذنجان بقلب البندورة مشان يغب اكتر

الان بتحطي البندورة والباذنجان وبعدها صحن البن فوقهون
وبعدهون اللحمة وصحة وهنا وهنا الطبق الاخير والنهاية

ارجو عدم الرد من الاخوات للتمة الموضوع

**جنة الطيور** · 26-03-2008, 02:44 AM

فتة الدجااااااااااااااااج

المقادير :خبز مقطع ومقلي
سنتين توم
فخدات مسلوقة مع فلفل وبهار وورق غار وقرفة وهال
رز كاسة مو اكتر
ولبن وطحينة وملح
وبس
الطريقة :بتقلي الخبز وبتحطيه في صحن وبعدها بتجيبي الرز وفوقهون وبعدها بتكوني عاملة البن مع طحينة وشوي من مرقة الجاج الي انسلقوا فيهون وسنتيتن توم وملح
وبتحطيهون فوق الخبز وبتكون سخنة طببعا
وبعدها بتكوني منتفة الفخدات وبتحطيهون على الوجه ووصنوبر
وصحة وهنا وكمان طيبة كتير ومن اروع الاكلات

وهاي الصورة بتحكي لحالها
ما صورتها خطوة بخطوة لان قراب من بعض بالشغل

بس ثواني لسى في طبخة

الرجاء عدم الرد عم جوعكون هههههههههههههههههه

**جنة الطيور** · 26-03-2008, 02:51 AM

الان المجدددددددددددددددددددددددددددددددددددددددددددددد ددددددددددرة بالرز
المجدرة بقا اكلة سهلة بالنبسة لهدوليك ما بدها كتير شغل وطيبة كتير كتير
المقادير عدس بني مسلوق منيح
كاستين رز
عشرين بصلة هيك زوجي بحبها ههههههههه

سمنة عربي اربع ملاعق كبار
الطريقة تسلقي العدس وبعدها بتتطبخي الرز فوقهون وبتحطي ملح وبعد ما يخلص بتقلي السمنة عليهون وبتكوني مقلية البصل كمان ومترومين جوانح
وبتحطيه على وجه المجدرة
وصحة والف هناااااااااااااا يارب يالله شو رايكون

طبعا بتاكلي جنبها مخلل لفت ولبن مع نعنع روووووووعة
وهاي الصورة هووووووون

يالله بدي ارائكم يا حلوين
اختكم جنة

**housewife** · 26-03-2008, 03:02 AM

Mashallah Mashallah
your dishes look very yummy
tislami 7abibti

**يسوره4070** · 26-03-2008, 03:20 AM

راااائع

ما شاء الله عليكي

شهيتيني

**shahed60** · 26-03-2008, 04:07 AM

يسلم دياتك يا جنو نقطة ضعفي الباذنجات (الباتنجان ههههههه)
ولا المخلل الي بياخد العقل كلو حلو من تحت دياتك ربي يحفظك ويقومك بالسلامة

**سواد العيون** · 26-03-2008, 04:55 AM

جنو يا عسل

شو هالاكلات الطيبه

يسلمو هالايدين

خدوو كل شي وارتكوولي المجدره

انا بموووت فيهااا

عن جد انت ابدعتي بمعنى الكلمه

يمييييييييي شو اكلك بشهي

**موجو** · 26-03-2008, 06:09 AM

من جد ماشاء الله تبارك الله
بس عشرين بصلة ؟؟؟؟؟؟؟؟؟؟؟؟ أصلا حتى بصلة وحدة لحالها بدون لحمة فوق الرز والعدس ماحس الطعم بيجي حلوو
مدري يمكن أنا عشان عمري ماذقتها بس أكيد من إيديك حلوووووووة
مشكووووووووووووورة

**ام عبید الله** · 26-03-2008, 06:15 AM

يسلم دياتك ماشاء الله

**arwen** · 26-03-2008, 08:39 AM

جنة الطيور تقبريني انت حمصيه شي؟؟
لانو طريقة فتة الدجاج بحطولها رز بحمص نحنا بحلب على طاق الخبز المقلي وال دجاج واللبن بس منشان جوزي صرت اعملها برز ,,,بماانه حمصي يعني,,,,التنتين طيبين وظراف
تسلمي عالتقديم