طلب خاص للمغربيات

السلام عليكم
للمغربيات ممكن وصفة ديال سفة شعرية ?
جزاكم اله كل خير

السلام عليكم اختي اش اخبارك انا لم اطهو هذا الطبق من قبل و لكن سوف انقل لك عدة طرق اتمنى ان تستفيدي.

[FONT='Arial','sans-serif']سفة الشعرية بطريقة حنان المغرب [/font]

السفة تدهنيها بالزيت وتعمليها في الكسكاس وملي تفور المرة الأولى كتشدي داك الماء طايب اللي تفورات فيه كتكبيه عليها ثم ترجعيه للبرمة وترجعي السفة للكسكاس تفور مرة اخرى وهكذا 3 مرات كل مرة تفور تصبي عليها الماء الساخن جدا اللي تفورات فيه وترجعيها. في التفويرة الثالثة كتعملي الزبيب معاها.
من بعد عمليها في قصعة ودهنيها بالزبدة.
في هذه الاثناء كتكوني طيبتي الدجاج مع الزعفران الحر والسكنجبير والابزار والملح مع بصلة مشلظة، الواليدة كتشرمله في هاد ليقامة بالليل. عمليه يطيب مع بصلة اخرى مشلظة رقيقة بحال ديال الدجاج محمر بعد ما تمرقي وتعملي قبطة قزبور ومعدونس معاه. ملي يطيب الدجاج حيدي ديك القبطة ديال القزبور والمعدنوس خليه يبرد شويه ثم فرتتيه كله قطع صغيرة بحال ديال البسطيلة ثم خلي البصل يتدغمر مزيان ثم اضيفي عليه التفرتيت ديال الدجاج وخليه شويه يتشحر حتى يتشرب تماما كل المرق.

بالنسبة للتقديم فهو كالتالي

في طبسيل عملي السفة بالزبيب المدهونة بالزبدة مع شويه سكر صقيل وقرفة مدقوقة.عملي الدجاج المدغمر. ثم طبقة اخرى من السفة اللي خاصها تغطي الدجاج كله ثم زوقي بالسكر الصقيل والقرفة.وقدميه بالصحة والعافية.
ثقوا بيا كيجي مذاقها رووووووووعة والدجاج كيجي مدغمر ولا يعلى عليه وهاد الوصفة ولينا كنعملوها في بلاصة الكسكسو نهار الجمعة ولا في الأعياد السعيدة.
انا في عيد الصغير الأخير درت عوض الزبيب قطع من المشماش يابس اللي رقدتو في ماء الزهر وطلع رووووووووعة.

[FONT='Arial','sans-serif']سفة الشعرية بطريقة [/font][FONT='Arial','sans-serif']oume nadia[/font]

الطريقة الاولى: السفة رشيها بزيت و ملح و ملي تطلع التفويرة في الكسكاس ديريها التفور و غطيها. الماء اللي في البرمة ديري فيه بصيلة باش تنسمي السفة. ملي تفور مزيان حيدي الكسكاس و ديه مباشرة تحت الروبيني و ما تخافيش طلقي الماء و حركي مزيان حتى تطلق.وعاودي ادهنيها بالزيت و خليها تتقطر ورجعيها تفور. و دائما
غطيها باش تطيب.عاودي العملية 4 مرات حتى يدخلها الطياب مزيان.في الأخير ادهنيها بالزبدة وتكون بلدية احسن.

أما الدجاج نصبيه بوحده مع كأس ماء و الملح و ابزار و زنجبيل و عود قرفة وبسيبيسة و قعقلة و زعفران شعرة. خليه يغلي مزيان و ياخد اللون عاد زيدي البصل و الربيع مربط و سمن و زيت و مرقي غير القياس و خليه ينضج على نار مهيلة. إذا بغيتي تزيدي تتفنني طيبي الزبيب و بنفس التوابل و البصل تفاية بوحده و عسليه. المهم ملي تبغي تسقي السفة اقسميها على 2 نصف في الأسفل سقيه و حطي الدجاج ثم غطي بالنصف الآخر ناشف. و زيني بهذاك الزبيب المعسل و اللوز محمر و ستفي بيض مسلوق. قدميها مع القرفة و السكر كلاصي.
حيت كاين لي باغيها مالحة و كاين لي باغي الحلاوة.

الطريقة الثانية: إذا بغيتي ديريها بلا دجاج ما عليك غير تفوريها بنفس الطريقة و معاها الزبيب في نفس الكسكاس. و التقديم كيختلف رشيها بحليب نيستلي و زيني بالقرفة و اللوز مهرمش كتجي رائعة مع نيستلي. واللي مريض بالسكر نرشوها لو بابوريسيما. نتمنى وصفتي يجيوكم بالشهوة.

إضافة: ممكن السفة تكون بالكسكس الرقيق و كتسمى الطوبة.
كيتفور الكسكس عادي و قبل التفريرة الاخيرة كيترش بالحليب و الزهر عوض الماء. و من بعد يتفرق بالزبدة و يتقدم مع السكر كلاصي و القرفة و اللوز و التمر أو الزبيب و البيض مسلوق.كيجي ممتاز حتى هو.
و ممكن كذلك تجربوه مع اللحم مقطع طريفات و مدغمر. أو الدجاج مدفون طبعا. نستلي او بوريسيما غير تقبي الطاسة و رشي بحال شي خيط فوق الطبسيل و لكن هي آخر مرحلة قبل التقديم. تيجي ممتاز و احسن من السكر كلاصي.