السلام عليكم يا أحلى أخوات...
شفتوا بعد هالغيبة إجا النشاط .. بس لا تملّوا مني ....
بصراحة هدول كام أكلة صرلي فترة مصورتهم بس ما كان عندي وقت ونشاط انزلهم....
فقلت احسن شي واختصاراً للوقت أحطهم كلهم في موضوع واحد....
الطبق الأول
كوسى أبلما
المقادير
كوسى
لحمة مفرومة
بهار مشكل (سبع بهارات)
صنوبر محمر بشوية زيت
رب البندورة
بندورة حمراء مهروسة
بصلة مفرومة
ملح
قرفة
فلفل اسود
الطريقة
نقلب البصلة بشوية زيت مع ملح حتى تذبل..نضيف اللحمة والبهارات...
بعدما تستوي اللحمة نطفيء النار تحتها ونضيف الصنوبر ونخلطهم ببعض..
نحشي الكوسى المحفورة ثم نقليها بشوية زيت غلى أن تحمر "متل الصورة"
بالطنجرة نضع البندورة المهروسة وشوية رب البندورة (صلصة) ونتبل بالملح والفلفل الأسود ونضيف الكوسى ونتركهم يغلو تقريباً نصف ساعة (حسب حفر الكوسى غذا كانت سميكة ممكن تعوز أكتر وقت للإستوا..
تقدم مع الرز الأبيض وجنبها فليفلة خضراء ومخلل...وبالهنا...
وهذه الصورة النهائية للطبق
ما شاء الله ولا قوة إلا بالله
الطبق الثاني
كفتة بالصينية
طعمها بيجنن
المقادير
كفتة نشكلها أقراص
دوائر بندورة وبطاطا (بطاطس)
سبع بهارات وقرفة وملح
رب البندورة (صلصة)
الطريقة
نحمي الفرن
نلوح بالزيت على النار دوائر البطاطا والكفتة إلى ان يحمرّوا ونصف الدوائر كلها مع البندورة بالصينية بهذا الشكل....
نخلط رب البندورة مع الماء والملح والبهار ونغمر الدوائر به..
نرش على الوجه شوية فلفل اسود وندخلها الفرن..
نقدمها مع الرز المفلفل وأنا عملت جنبها سلطة فتوش...
وهذا شكل الصينية لما تخلص من الفرن.....
ما شاء الله ولا قوة إلا بالله
الرجاء عدم الرد لأن الموضوع لم ينتهي بعد غالياتي.....
الروابط المفضلة