شعار₪طبق متميز₪ منسف اردني من مطبخي بالصور حياكم الله ...............

**ام أيهم** · 04-02-2008, 01:43 AM

بسم الله الرحمن الرحيم

مسا الخير على الجميع
اليوم جبتلكم منسف اردني على كيف كيفكم وهاد اقل شي اقدملكم اياه بهالمنتدى الرائع
وهاد اقل من واجبكم يا جماعه بس تفضلوا على المقسوم
اول شي راح ابدأ بالمقادير:
لحمه خروف قطع والافضل تكون كبيره
كيلو لبن نعاج
لبن مخيض لتر
بصله مفرومه ناعم
كيلو ارز صنوايت
سمنه عربيه
بهارات منسف
هيل مطحون
بقدونس مفروم
مكسرات صنوبر ولور او حسب الرغبه بس الصنوبر ضروري
وملح

وهسه بدي اشرحلكم طريقة تخضير المنسف
اول شي بدنا نسلق اللحمه بنقوم بغسل اللحمه ووضعها بالطنجره على النار ثم اضافة البصله المفرومه وتركها تغلي
ثم نزيل الرغوه على الوجه عند اول غليه
وتركها لمدة ساعتين على نار هاديه
في هذه الاثناء راح ننقع الارز بالماء الدافئ
ونبدا بتحضير اللبن اللي راح يحتاج انا نضع علبة اللبن بالخلاط مع بيضه نيه وشوية ملح
ونخلطها بالخلاط جيدا لمدة 3 دقائق ثم نضعها بطنجره على الغاز مع اللبن المخيض وبنشغل النار على الحامي
ونقوم بتحريك اللبن المخلوط مع المخيض بملعقه على النار بشكل دائري لحد الغليان حتى اللبن ما يخرب
يعني هون مو لازم نترك اللبن بدون تحريك لانه راح يخرب ويفرط
بعد الغليان نبعده عن النار ونراعي انه اللحمه تكون استوت والمرقه كمان تغلى ونبداباضافة مرق اللحم شوي شوي
على اللبن لحد ما يكون سمكه جيد يعني انتوا لاحطوا انه ما يكون خفيف ونضيف اللحمه والملح ونتركه على النار المتوسطة لمدة10 دقائق مع ملاحظة عدم وضع غطاء على الطنجره
واخيرا نضيف بهارات المنسف او شوية هيل مع شوية كركم علشان اللي بحب يغير اللون وملعقتين سمن عربي
وهيك صار اللبن جاهز
صار دور الارز اللي بده شوية سمنه ونصفي الارز من ماء النقع ونغسله
ونضيفه للطنجره ونحركه من السمنه يعني بدنا نخلي كل حبه يوصلها السمنه وبعدين بنضيف الملح والكركم واخيرا نضيف الماء على ارز حتى يزيد عن ارتفاع الارز بمقدار 3 سم ونغطي الارز ونخليه يغلى شوي بعدين نخفف النار على الارز ونتركه لينضج لمدة ثلث ساعه
وهسه بدنا نصكب المنسف طبعا للسكب كمان طريقه لانه لازم نحضر الخبز العربي ونفرده في الصدر ونسكب عليه من اللبن اللي حضرناه وبعدين نفرد الارز على الصدر زي ما انتوا شايفين بالصوره

وهسه راح ننشل اللحمه من اللبن ونضعها على الارز

وهسه بدنا نزين الصدر بالصنوبر وازا بتحبوا لوز كمان شوية بقدونس مفروم

وهاي صورة اللبن

وهاي كمان صوره للمنسف

وصحتين وعاااااااافيه
واي سؤال انا حااااضره

**سواد العيون** · 04-02-2008, 01:46 AM

يا عمي على الناس المعدله
منسف يا رووووز
انا اليوم كنت طابخه منسف
فعلا انه بيشهي
يسلموو روز يا فنانه
يارب اكون اول رد
علشان اخد الصدر كله
يسلموووووووووووو

**layan232** · 04-02-2008, 02:37 AM

الله يسلموا على هالصدر اللي بشهي
مع اني متغديه من شوي بس شهيتيني على المنسف
وبما اني الرد التاني الصدر رح يكون بيني وبين سي سي ههههههههه

**miss yemen** · 04-02-2008, 02:45 AM

واااااااااااو
شكلو لزيز جدا
تسلم ايدك
ام الأيهم
علي هذة الطبخة الرائعة والمشهية
الله يعطيكي العافية

**ضوء القمر2** · 04-02-2008, 02:51 AM

تسلم يديك على المنسف انا من عشاقة بصراحه اول مره عملته لي صديقتي اردنية وطعمه يهبل لكن انا ماني عارفة فين الاقي الجميد بس اقدر استعمل بداله جبن ابيض المالح والا ايش رايك

**ام أيهم** · 04-02-2008, 03:01 AM

كتبت بواسطة سواد العيون

يا عمي على الناس المعدله
منسف يا رووووز
انا اليوم كنت طابخه منسف
فعلا انه بيشهي
يسلموو روز يا فنانه
يارب اكون اول رد
علشان اخد الصدر كله
يسلموووووووووووو

هلا والله سيسي نورتي حبيبتي
وانتي اكيد اول رد صحتي على قلبك

كتبت بواسطة layan232

الله يسلموا على هالصدر اللي بشهي
مع اني متغديه من شوي بس شهيتيني على المنسف
وبما اني الرد التاني الصدر رح يكون بيني وبين سي سي ههههههههه

ليان هلا يا قمر نورتي المنتدى
وبعدين عيار الشبعان اربعين لقمه
واكيد سيسي راح تطميكي معها
ههههههههههههههههههه نورتوا

كتبت بواسطة maymoona

واااااااااااو
شكلو لزيز جدا
تسلم ايدك
ام الأيهم
علي هذة الطبخة الرائعة والمشهية
الله يعطيكي العافية

ميمونه هلا فيكي يا قمر
نورتي بردك حبيبتي

كتبت بواسطة ضوء القمر2

تسلم يديك على المنسف انا من عشاقة بصراحه اول مره عملته لي صديقتي اردنية وطعمه يهبل لكن انا ماني عارفة فين الاقي الجميد بس اقدر استعمل بداله جبن ابيض المالح والا ايش رايك

حبيبتي ضوء القمر
انا ما عندي هون بالمانيا جميد
وازا قراتي الطريقه تبعتبي بالوصفه
راح تلاقي انه انا بستعمل لبن النعاج مع المخيض
واي سؤال انا حاضره هلا فيكي