شعار₪طبق متميز₪ الناشف أكلة هندية لذيذة***

**ragod** · 31-01-2008, 01:49 PM

السلام عليكم و رحمة الله و بركاته:

أخواتي و حبيباتي

من أول ما أجيت للبحرين ، جبلنا زوجي هالأكلة من أحد المطاعم الهندية و كتييييير حبيناها و صرنا دائما" نجيبها، بعدين قلت لحالي رح نضل ناكلها من السوق لازم أعرف كيف بتصير، شو الهنود أحسن مني

، و اشتغل المفتش كونان بقلب الأكلة لحد ما عرفت كيف بتصير و ساويتها ، و لما داقها زوجي شك بحالو أنو ايمتى جابها و مو عرفان

.
المهم حبوها كتيير و طلعت نفس الشي

.
و بتصير باللحم و بالدجاج، نحنا نحبها بالدجاج أكتر...
طولت عليييييكن و حكيت كتيير

، يلا تعالوا نشوف كيف بتصير:
المقادير:
دجاجة مسلوقة و مخلية من العظم
زنجبيل ، كزبرة خضرا ، بهارات هندية ، ملح
بطاطا مقطعة مكعبات و محمرة بالزيت
بندورة(طماطم) مبشورة
بصلة مقطعة قطع صغيرة
2 سن توم
حبة فليفلة خضرا
ملعقة كبيرة كمون

الطريقة:
*نقلب البصلة و التوم ب 4 ملاعق زيت نباتي.
* نضيف الزنجبيل المبشور و الكزبرة الخضرا المفرومة، و نخلط المواد مع بعض.
*نضيف الفليفلة المقطعة قطع صغيرة.

* نضيف البندورةو نخلط المواد جيدا" .

* نحمر البطاطا نص تحمير.
* بعد ما تدبل البندورة و تقارب على الاستواء نضيف الدجاج المقطع قطع صغيرة و البطاطا المقلية.

* نضيف نص كوب ماء و الملح و البهارات و نغطي الوعاء و نترك الطبخة على نار هادئة، حتى تختلط المواد مع بعض و تتجانس و تنشف المي شوي.
* بصراحة ريحة الكمون مع الزنجبيل طالعة بتاااخد العقل .
* أنا سكبت الطبق قبل بوقت من التمازج النهائي لأنو الشعب العربي كان واقف على باب المطبخ و عم يطالبوا بلائحة منظمة اليونيسف لحقوق الطفل بالطعام و الشراب، أنتو خلوها كمان شوي .
* تؤكل مع الخبز العربي أو الهندي متل ما بتحبوا، أنا عندي ديمقراطية و ما رح اجبركن على شيييي

*و لاكتمال القيمة الغذائية لا تنسوا صحن السلطة و كمان بالطريقة يلي بتحبوها...أنا بحب السلطة الخضرا.

*تفضلوا مع ألف صحة و هنا***
* كلوها و هي ساخنة أطيب و أدفى بالبرد*****

**am munir** · 31-01-2008, 02:01 PM

هههههههههههههههههه
يعطيك الله الصحه والعافيه
بصراحه شي بشهي
و1000 صحه للجميع

**ragod** · 31-01-2008, 02:53 PM

كتبت بواسطة am munir

هههههههههههههههههه
يعطيك الله الصحه والعافيه
بصراحه شي بشهي
و1000 صحه للجميع

تسلمي حبيبتي
و ان شاء الله ألف صحة على قلوبكم كمان****

**ward_84** · 31-01-2008, 03:37 PM

بتجننننننننننننننننننن يا رغوووود خصوصا اني في ها اللحضة كثيييييييير جوعانة بستنى زوجي ييجي ونتغدى بس هو تأخر ..فانا دخلت وشفت هالصحن الي بيشهي ..

تسسلم ايدك يا حلوة..

**حنان(البحرين)** · 31-01-2008, 04:41 PM

تسلم يدكِ عزيزتي على الأكله الطيبه

**omroro-4** · 31-01-2008, 05:00 PM

تسلم ايديك يا احلى محقق كونان الله يعطيك العافيه

**زوجة الاشقر** · 31-01-2008, 05:03 PM

مشكورة ياقمر على الطبق الجميل بصراحة شيء يشهي تسلمين ياقمر

**لالي لافندر** · 31-01-2008, 05:05 PM

كلامك يجنن والله حبيتك من بعيد لبعيد على خفة دمك ولسانك الحلو
يعطيك الف عافية
صحن واااااااااو يشهي ومن اديكي يميم
الله يبارك فيك ويجزيك كل الخير

**سواد العيون** · 31-01-2008, 05:09 PM

تسلمي يا رغوود على هالاكله الطيبه

**حنان المغرب** · 31-01-2008, 05:19 PM

يسلمووووو الأيادي غاليتي
طبق مشهي بالفعل وأنا أفضل طبخ أكلات المطاعم في البيت على الأقل عارفين ايش حاطين فيها
وألف هنا وشفا

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: شعار₪طبق متميز₪ الناشف أكلة هندية لذيذة***

أدوات الموضوع

العرض