شعار₪طبق متميز₪ >>>%>> ** مقلوبة الجرز والبطاطا من مطبخي ** <<%<<<

بسم الله الرحمن الرحيم

اليوم عندنا برد وتلج وكان لازم طبخة دافية ولذيذة وسهلة وما في اسهل من المقلوبة تفضلوا نبدأ:

المقادير :

2 كوب رز عادي +2/1 كوب رز ابو كاس

بهارات الارز بعد النقع (بهار مشكل +عصفر +فلفل اسود+قرفة وهي اساس طعم المقلوبة اللي فيها زهرة +جوزة الطيب اقل من ربع ملعقة لان طعمها قوي )

دجاجة مقطعة الى اربع قطع منظفة ومبهرة جيدا(فلفل اسود +بهار دجاج +قليل جدا من الزنجبيل ربع ملعقة صغيرة )

1 جزرة تقطع الى دوائر

2 حبة بطاطا مقطعة دوائر

زهرة حسب الرغبة

1جزرة مبشورة

بصلة مفرومة ناعمة جدا

لوز وصنوبر مقلي للتزيين

الطريقة :

نضع زيت في الطنجرة ونضيف البصل المفروم ناعم ونقلب حتى يذبل ثم نضيف الدجاج ونقلبه على نار هادئة حتى يحمر

نضيف الجزر المبشور مع الدجاج ثم الزنجبيل

عندما يحمر الدجاج نضيف ماء مغلي نتركه يغلي من ربع ساعة الى ثلث ساعة على نار متوسطة
ثم نضيف الملح ملعقة كبيرة

في هذا الوقت نقلي البطاطا والجزر والزهرة

في الطنجرة اللي رح نطبق فيها المقلوبة نرش رشة رز ثم نصف شوية بطاطا
ثم نضع الدجاج وكمان مرة بطاطا
ثم طبقة الجزر
ثم الزهرة

ونضيف مرقة الدجاج ونتركها حتى تغلي على نار قوية (كمية المرقة حسب ما تشوفي بالنظر بس يغطي الرز شوي وحطي ملعقتين زيت قلي على المرقة )

ثم نهدئ النار ونتركها حوالي نصف ساعة

وعندما يستوي الارز نقلب المقلوبة في صينية

ونزينها بالمكسرات وصحة وعافية
(تقدم مع سلطة ولبن )

مهم لا تكثري من الزنجبيل ولا من جوزة الطيب علشان ما يتغير طعم الخضار ولو حبيتي ممكن تستغني عنهم كمان )
واعذروني ما لحقت ازين المقلوبة لان زوجي كان جائع جدا جدا وكان ينادي بدو الاكل بسرعة ....

باقي الصور

حبيبتي مشكورة على الطبق الرائع ويعطيك الف عافية

ماشاء الله عليكى شكلها كتير طيبة يسلموا دياتك ياعسل .أم عبودى

طريقتك متل طريقتي انا بحط للمقلوبة بطاطا وزهرة وجزر وحمص حب منقوع وشرحات بندورة بقاع الطنجرة ممممممممممممممممممممممممم
يسلموا ايديكي شي بيشهي القلب

تسلم ايدك وريتها صحه وهنا

صحه وهناا ع قلبك انت وزوجك
تعررفي كنت محتاره بطبخه بكره
بس خلص لقيتهاا راح نقلبهاااااااااااا
يسلموووووو

ماشاء الله شكلها يجنن

تسلم ايديكِ عزيزتي على المقلوبه الطيبه