السلام عليكم ورحمة الله وبركاته

صينية الجلاش بحشوتين مختلفتين
المقادير
لفة جلاش
عصاج
سمن اوزيت او الاثنين معا حسب الرغبة
جبنه مبشورة اي صنف انا بفضل الرومي
حبة طماطم مقطعة مكعبات صغيرة
حبة فلفل رومي اخضرايضا مكعبات
قرن شطة حراق ومقطع ويستغني عنه حسب الرغبة
زيتون اسود مخلي
كوب لبن
بيضة

الطريقة

هاتي صينية فرن مستطيلة قد مقاس الجلاش
السمن يكون سايح لسهولة التعامل وضيفي اليه الزيت
ادهني الصينية بالسمن
افردي نصف كمية الجلاش ورقة ورقةوحطي بين كل ورقتين او تلاتة
2ملعقة من خليط السمن
حطي العصاج علي نصف الجلاش ممكن تضيفي شوية جبنة
حطي الجبنة والفلفل والشطة والطماطم والزيتون علي النصف اخر
حطي باقي لفة الجلاش بنفس الطريقة السابقة وحطي علي الوجه حوالي خمس ملاعق من خليط السمن
عند الانتهاء من رص الجلاش قطعيه مربعات
ادخليه الفرن الموقد مسبقا
بعد خمس دقائق اضربي البيضة مع كوب اللبن وملح وفلفل وبهارات
ووزعيها علي كل الصينية
ودخليها الفرن مرة اخري\وسويها بطريقتك العادية
بعد الاستواء تبرد قليلا وتقدم دافئة او باردة حسب الرغبة
طبعا ممكن تعملي الصنفين كل علي حدة حسب الرغبة

علي فكرة لو مفيش صينية مقاس الجلاش \هاتي اي صينية وقطعي الجلاش علي قدها
وحطي اللي طلع منه علي الطبقات عادي

تسلمين عزيزتي على الوصفه الطيبه

السلام عليكم ورحمة الله وبركاته
تسلمي وشكرا للمرور

يسلموووووو ايديك

تسلمي يا الغالية على الوصفة

تسلم الايادى يا جميل -بس فين الصورة

السلام عليكم ورحمة الله وبركاته
تسلموا حبايبي كلكم
لكن انا معرفتي بالكمبيوتر معرفة سطحية مش بعرف انزل صور

تسلمى الطريقة كنت اسويها زمان
كتر خيرك فكرتينى بها

وعليكم السلام ورحمة الله وبركاته
تسلم الايادي
وصفة شهية