شعار₪طبق متميز₪ صينية رقاق لذيذة جدا وسهلة جدا جدا خطوة بخطوة (بالصور)

اخواتى وحبيبات قلبى
النهارده عملت لكم صينية رقاق بس تجنن
جميلة جدا وسهلة جدا جدا

المقادير
كيلو رقاق

كوب (سمن/ زيت ذرة ) علشان ما تكون دسمه
4 كوب شوربه (يفضل شوربة لحم)

نصف كيلو لحم عصاج

طريقة العصاج

نصف الكيلو لحم مفروم

2 بصلة كبيره مفروم ناعم
بهارات + ملح + فلفل اسمر
2 ملعقة سمن
نحمر البصل المفروم فى السمن حتى يصبح لونه اصفر ذهبى

يضاف اللحم المفروم والبهارات والملح والفلفل
يغطى ويترك 10 دقائق على نار هادئه
حتى يتشرب كل الماء النازل منه...يعنى يكون اللحمه ناشفه خالص وما فيها اى ماء

دلوقت كل حاجه جاهزه...نبدأ الشغل

اول خطوة انا فضيت الشوربه فى صينيه كبيره علشان الرقاق ما يتكسر منى

دهنت الصينية اللى هحط فيها الرقاق بزيت ذرة

نبلل كل واحدة رقاق فى الشوربه لكن بحرص علشان ما تتكسر منا

نتأكد ان الرقاقه كلها اتبللت كويس علشان ما تنشف منا فى الفرن

نبدأ نرص الرقاق فوق بعضه فى الصينية المدهونه بالزيت
وبين كل رقاقة والثانيه ندهن القيل جدا من ( السمن / زيت الذرة )

عند ثلث الكميه تقريبا نضيف نصف كمية اللحم المفروم ( العصاج )

ونكمل بنفس الطريقه..نرص الرقاق بعد بلله فى كل مرة
وندهن

( السمن / زيت الذرة ) بين كل رقاقه والثانيه

وبعد ثلثين الكمية تقريبا نضيف باقى اللحم المفروم ( العصاج )

على فكرة الطريقه لا تأخذ اكتر من 10 دقائق ابدا وسهله جدا
بس انا اللى بشرح لكم بالتفصيل الممل

ودى الصينية فى النهاية
وياريت تضيفى على وشها

( ربع كوب لبن ) قبل ما تدخل الفرن

علشان الوش يطلع احمر وطرى وجميل...

بدخلها فرن فى درجة حرارة عالية ولمدة لا تذيد ابدا عن 10 دقائق
لان الرقاق مستوى اصلا وكذلك العصاج

وده شكلها بعد ما استوت وشغلت عليها الشوايه دقيقتين بس

شكلها جميل وريحتها خطيــــــــــــــــــــــــــــــــــــــــرة

انا غطيتها بورق فويل علشان ما تنشف ووشها يطرى اكتر

فى النهايه
يارب اكون وصلت الطريقه صح وبسهوله وبالتفصيل وما اكون نسيت حاجه

وده طبق منى لكل حبيباتى واصدقاء دربى
لكل عضوات منتدى لك الرائعات
وبالهنا والشفا

لا تحرمونى من دعواتكم

تسلم الايااااااااااااااادى اختى وان شاء الله هعملها بكره واقولك

تسلمى انتى يا حبيتى يا مصرية
الطبق ده ليكى اهداء خاص
علشان اسمك فيه اغلى الناس... زوجى وعلشان مصريه
شكرا حبيبتى على المرور والرد
وان شاء الله لما تعمليها تعجب كل اللى هياكلها ويدعولك
وبالهنا والشفا عليكى وعليهم

مشاء الله تبارك الله ..
صحن يشهي ..
تسلم ايديك يارب ...

تسلم الايادى

تسلم ايديكى شكلها يجنن اسمحيلى استعين بالايات الى فى توقيعك اضعها فى توقيعى بينى وبين الايات الاولى قصه طويله
شكرا لكى حبيبتى وجزاكى الله كل خير

تسلم الايادي عيوني رووووووووعه

تسلم ايديك ، باين عليها بتشهي***
بيصير نستخدم ورق الكلاج بهالوصفة؟؟؟

السلام عليكم ورحمة الله
تسلم الايادي يا قمر

شهية الله يعطيك الف عافية