اللحمة بورق العنب

تحتاجي الى
اوقية ونصف ورق عنب
3 اواق لحمة مفرومة ( للكفتة )
راس بصل
حوالي اربع معالق كبيرة من السمن
شوية بقدونس
كيلو بندورة
بهارات وملح

انزعي قمعة ورق العنب واغسليه جيدا , اغسلي كذلك البندورة , افرمي اللحمة والبقدونس والبصل
على آلة فرم اللحمة , ثم تبليها بالملح والبهارات واعجنيها قليلا حتى تتماسك , ادهني الصينية بقليل من السمن , ثم خذي كل ورقتين او ثلاث مع بعض واحشيها بقليل من اللحمة وطبقي عليها ورق الدوالي
رتبي ورق العنب المحشي بالكفتة في الصينية ثم قطعي البندورة بشكل دوائر او هلال ( نصف دائرة ) ووزعيها فوق بالصينية فوق الورق و رشي عليها ملح ثم وزعي 3 معالق من السمنة على الصينية واغمريها بالماء , اخبزيها بفرن متوسط الحرارة حتى تنضج
وصحتيين وعافية

ملاحظة : لما تحشي ورق العنب , حطي اللحمة بمنتصف الورقة وطبقي عليها بقية الورقة من كل الجهات , يعني مو متل ما بينحشى ورق العنب العادي بالرز