اليكسس
جديد كباب الارانب ده
اول مرة اسمع عنه
و اللسان عصفور بالخلطة شكله طعمه حلووو
تسلم ايديكى يا قمر

شكرا يا كليوباترا على وصفات العيش سيفتها
انا كنت بسال لو حد يعرف العيش بتاع الفلاحين ده لان طعمه مميز جدااااا

فى وصفات كتير يابنات بالصور للرقاق فى المنتدى
سواء الدقيق نفسه ازاى يتعمل رقاق او تحضير الرقاق باللحمة

كتبت بواسطة بريــ الماس ــق

انا مش مصرية بس بعرف البليلة والبصاره طبعا غير الكشري ده لا يخفى على احد ويعض الاكلات المعروفة

اهلا يا قمر نورتى الملف بمشاركتك وبالهنا و الشفا عليكى البليلة و البصارة و الكشرى وانشاءالله يفيدك الملف فى باقى الاكل المصرى

كتبت بواسطة ياسمين و فل

السلام عليكم ورحمة الله وبركاته
إزيكم يا بنات يا سكر
ما شاء الله عليكم .. منورين .. إن شاء الله .. دايما
ياترى فيه بنت شطورة تعرف تجيب لنا سر كباب و كفتة الحاتي
ياله ورونا الهمة يا عسل إنتي و هي

بيتيهالى يا ياسمين السر فى الفحم انك تشوى على الفحم يعنى
وكمان نوع اللحمة بيفرق
بس بصراحة الكباب و الكفته فى مصر لهم طعم تااااانى خالص
غير اى مكاااااان

كتبت بواسطة te te faro

ازيكوا ياقمرات
ملف رائع جدا

عجينة الرقاق لعمل صينية متوسطة الحجم(3كوب دقيق ورشة ملح ويتعجنوا كويييييييييييس بماء دافىثم تشكليهم حوالى8كور وتغطيهم وتسيبيهم يرتاحوا نصف ساعه بعدين تفردى الكوربالنشابةورشه دقيق وعلى قد ما تقدرى تكون رقيقه وتكونى محميه الفرن قبل الفرد تفردى وتخبزى علطول والخبز يكون على صاجة الفرن بس لازم تاخدى بالك لانه مش بياخد وقت خالص فى الفرن وتطلعيه تفرشيه بعيد عن بعض عشان ينشف وتعملى بيه احلى صنيه رقاق.
يارب اكون افدتكم وتنفذوه ويعجبكم

كتبت بواسطة te te faro

الطريقه
3كوب ارزتغسليهم وتصفيهم كويس من الميه وتدعكيهم ب 2ملعقة سمنة(ويفضل البلدى طبعا)وم ك ملح ورشة فلفل اسود
تجيبى لحمه او حمام او بط او وراك فراخ بتكون احلى من الصدور وتتبليهم كويس بملح بسيط وفلفل
وتجيبى 3كوب حليب ومعاهم كوب ميه تغليهم
التطبيق
تحضرى طاجن ويفضل الفخار وتدهنى سمن او زيت وتحطى الاول تلت كميه الارز ثم اللحم ثم باقى الارزثم الحليب الملخلوط بالميه وتدخليه الفرن فى الرف الاول على نار عاليه حتى يتشرب الحليب ثم ترفعيه فى الرف الوسط وتغطية بفويل وتوطى النار ويترك حتى يستوى بياخد معايا ساعه ونصف فى الفرن
دى يا احلى ماما اسرارى فى عمل المعمر متغلاش عليك يا قمر
جربوها وان شاء الله هتعجبكواااااااااااااااااااااااااا

ايه الجمال دة --اشكرك جدا على الوصفتين ها جربهم واقوللك واكيد طبعا روعه

كتبت بواسطة ملك المالكى

اهلا يا قمر نورتى الملف بمشاركتك وبالهنا و الشفا عليكى البليلة و البصارة و الكشرى وانشاءالله يفيدك الملف فى باقى الاكل المصرى

بيتيهالى يا ياسمين السر فى الفحم انك تشوى على الفحم يعنى
وكمان نوع اللحمة بيفرق
بس بصراحة الكباب و الكفته فى مصر لهم طعم تااااانى خالص
غير اى مكاااااان

سمعت شيف قبل كدة بيقول ان السر فى كفته الحاتى ان اللحم بيكون
تلت لحمه ضانى وتلت لحمه كندوز وتلت لحمه جملى وهى دى اللى بتدى الكفته تماسك وقوام مميزويتفرموا مع بعض والتوابل والبهارات والبصل وبتتشكل على الاسياخ وعند الشوى الدهون تنزل على الفحم وتعطى النكهه المميزة

كتبت بواسطة ملك المالكى

اليكسس
جديد كباب الارانب ده
اول مرة اسمع عنه
و اللسان عصفور بالخلطة شكله طعمه حلووو
تسلم ايديكى يا قمر

كبلب الارانب دة مميز جدا ويختلف كتير عن ما تاكلى الارنب مسلوق مثلا ودة منتشر عند اهل البحيرة ودايما بيعملوة مع الكسكسى فى المواسم

اما لسان العصفور فانا احب اعمله فى العزائم لانه بيطلع شيك جدا بالرغم من بساطته ودايما بيحوز على استحسان الجميع جربى الصنفين دول وقوليلى رايك

السلام عليكم ورحمة الله وبركاته
عزيزتي ملك تصدقي انك جيتي علي الوجيعة
خبز الفلاحين الجميل للاسف في قريتي قرب علي الانقراض
والله لما بسافر اجازة للقرية بزعل
اغلبهم بيشتروا العيش جاهز من الافران
حتي لو حد هيخبز بقوا يعملوا عجين ويفردوه علي ماكينة فرد المكرونة بيطلع طويل وطعم بين الرقاق وبين العيش الفلاحي
يعني المحافظين علي التراث وبيخبزوا بالطريقة القديمة اصبحوا نادرين
مش انتي قلتي احنا جيل خايب
صدقي ايام جدتي رحمها الله كان كفاية تشمي رائحة الخبز وممكن تاكليه لوحده من حلاوته

يا ملك
الملف بتاعنا جميل لكن لى راى
عايز يترتب بحيث الوصفات تبقى ورا بعض حتى يسهل الاطلاع عليه لان عدد الصفحات بقى كبير
ياترى حد ممكن يعملنا الموضوع دة اذا كان ممكن علشان نقدر نستفيد من المجهود الكبير المبذول فيه احنا و الاخوات اللى بيطلعوا عليه

تسلموا يا بنات على الرد و بارك الله فيكم

برافو يا بنات والله انا مبسوطه اوى من الحماس ده والملف اكتر من رائع والصفات كلها احلى من بعضها