السلام عليكم ورحمة الله وبركاته

عزيزتي ملك شوفي الملف ده هيعجيك


http://www.lakii.com/vb/showthread.php?t=331601

انا مش مصرية بس بعرف البليلة والبصاره طبعا غير الكشري ده لا يخفى على احد ويعض الاكلات المعروفة

كتبت بواسطة alexess

الكسكسى الفلاحى على طريقه اهل المحله الكبرى
جاهزين
ياللا معايا

نصف كيلو دقيق وماء للعجن وقليل من الملح
يذاب الملح فى الماء
نضع الدقيق فى اناء العجن ونبدا برش عليه الماء شويه شويه ونفرك بايدينا كاننا بنبسسه
هايكون ممثل حبيبات الرمل الكبيرة
نفضل نضيف الماء شويه شويه ونفرك الدقيق لحد ما كل الدقيق يختفى ويبقى العجين على شكل فتافيت اوحبيبات الرمل الكبيرة
مهم جدا ان كل الدقيق يتشرب يعنى ما يكونش لسه فيه دقيق فاضل فى الاناء لم يصله ماء عشان الكسكسى ما يطلعشى ناشف ويشرق فى الاخر ---ماما بتقول كدة ---اسمعوا الكلام
لما نوصل للمرحله دى بدا نضربه فى الكبه وننعمه بس مش خالق يبقى بودرة لا يبقى زى سميد البسبوسه الخشن ---ماشى كدة--الخطوة دى بدل الغربال
هاتى الحله المخصوصه لتسويه الكسكسى اللى فوقها حله مخرمه واذا لم تكن متوفرة ممكن تجيبى حله غويطه تحطى فيها لنصها ماء وبعدين تحطى فوقها مصفاة المونيوم او حتى منخل استانلس استيل بنفس حجمها
نغلق الفاصل ما بين الحله السفليه والمنخل اوالمصفاة السابق ذكرهم بعجينه لزجه منالماء والدقيق من كل الجوانب حتى لا يتسرب منها البخار اللازم لتسويه الكسكسى------برضه مامال بتقول كدة---حاضر يا ماما ---امين
نجيب قماشه كبيرة بيضاء ونضيفه ونضعها فى المصفاة ونضع فيها الكسكسى المضروب فى الكبه ونقفل عليها القماشه ونجيب الاطراف كلها على بعضها كويس وبعدين تغطى بغطاء محكم وتتركى الكسكسى يستوى على النار ساعه كامله لا يقل عن كدة ---ماما قاعدة جنبى بالساعه اهى--- وكل ربع ساعه مثلا نفتح على الكسكسى ونقلبه كويس من كل الجهات عشان يكمل سوا ونقفل عليه تانى لحد الساعه بتاعت ماما ما تخلص

بعد كدة ننزله من على النار ونشربه بالاتى
شوربه دجاج او لحم او المتوفر عندك بس المهم شوربه مش ماجى +ملح وفلفل وجوزة الطيب و قرفه
نرش هذة الخلطه على الكسكسى ونقلبه فى بعضه كويس جدا بحيث كله يتشرب بالنكهه بس من غير ما يبقى بايش
نرجعه تانى الى القماشه فى المصفاة على النار ونقفل عليه وعلى نار هادئه لمدة ربع سلعه كمان عشان يتشرب ويتفلفل كويس من النكهه وحبايته تنفش ---ماليش دعوة ماما هى اللى بتقول كدة وانا اعمل---هى المخ وانا العضلات ---
عند التقديم يوضع فى سرفيس ويجمل بالعصاج سواء لحم مفروم او كبدة وقوانص حسب المتاح والمكسرتت والزبيب المحمر
دى طريقتنا فى الكسكسى وكلنا بنموت فيه
جربوة وقولوا لى رايكوا

حبيبتى ايه الشطاره دى برافو عليكى
انا بعمل حاجه اسمها مخروطه بنفس الطريقه تقريبا
تسلم ايدك ومنتظرين اكلاتك المصوره

االسلام عليكم ورحمة الله وبركاته
علي فكرة العيش البلدي الاسمر في الصفحة رقم 26
الاخت صاحبة الملف جزاها الله كل خير
عامله فيه مجهود كبير

الملف رائع وجميل بشكرك حبيبتى على المجهود
بس حبيت اوضح شئ مهم وبما انى من الصعيد يعنى حفيدكم اكتر المخروطه صحيح زى مالاخت كاتبه بس احنا عندنا فى الصعيد بتتعمل من البيض والبن وتكون زى عجينه متامسكه ونحطها على مكنه مخصصه لها وبتتخرط على شكل اسباغتى رفيع وبعدين بنحطها فى حله بخار وبعدين بنحطها فى صوانى ونرشلها سمنه بلدى وتتدخل الفرن وبعدين نسقيها بالشيره او السكر المحلى وفى حاجات كتير اوى من الصعيد وحلوه اوى وربنا يقدرنى واحطها فى القسم

كتبت بواسطة azmiralda000

يا الكزس اعملى بحث هتلاقى كذا اخت منزلة طريقة الرقاق

متشكرة ليكى قوى يا ازميرالدا وفعلا فيه اخت نزلته وها جربه واقولكم-

كتبت بواسطة sefo2

واضح انة حلو لسان العصفور دا حجربة واقولك اية الاخبار وعلى فكرة انا مرة جربت اعمل الكسكسى بنفس الطريقة بس انا عملتة فى الكبة وكنت بحط المية على الدقيق والملح وهى شغالة لحد مالاقية رمل فعلا زى ما قلتى بس اللى حصل انة كان ناشف شوية كان عايز سايل تانى شوربة او لبن بس كان طعمة حلو

لازم ما اضفتيش شوربه له بعد مرور ساعه من السوا زى ما انا قلت عشان كدة طلع ناشف الخطوة دى مهمه جدا وهى دى اللى بتعطي للكسكسى طراوة ومذاق ه المميز --
جربيه تانى بخطواتى وهاتلاقى النتيجه تعجبك ----
وانا فى انتظارك

كتبت بواسطة noorelhoda

حبيبتى ايه الشطاره دى برافو عليكى
انا بعمل حاجه اسمها مخروطه بنفس الطريقه تقريبا
تسلم ايدك ومنتظرين اكلاتك المصوره

تسلمى وتعيشى وان شاء الله ها تشوفى شغلى قريب وتشوفينى تلميذة فالحه والا عجزت وراحت عليا

السلام عليكم ورحمة الله وبركاته
إزيكم يا بنات يا سكر
ما شاء الله عليكم .. منورين .. إن شاء الله .. دايما
ياترى فيه بنت شطورة تعرف تجيب لنا سر كباب و كفتة الحاتي
ياله ورونا الهمة يا عسل إنتي و هي

كتبت بواسطة نونى احمد حسن

الملف رائع وجميل بشكرك حبيبتى على المجهود
بس حبيت اوضح شئ مهم وبما انى من الصعيد يعنى حفيدكم اكتر المخروطه صحيح زى مالاخت كاتبه بس احنا عندنا فى الصعيد بتتعمل من البيض والبن وتكون زى عجينه متامسكه ونحطها على مكنه مخصصه لها وبتتخرط على شكل اسباغتى رفيع وبعدين بنحطها فى حله بخار وبعدين بنحطها فى صوانى ونرشلها سمنه بلدى وتتدخل الفرن وبعدين نسقيها بالشيره او السكر المحلى وفى حاجات كتير اوى من الصعيد وحلوه اوى وربنا يقدرنى واحطها فى القسم

اهلا يا نونى يا حبيبتى
نورتينا والف شكر يا جميل على رايك وفعلا حماتى من اسبوع قالتلى ان المخروطة بيتحط لها بيض يعنى بتتعمل نفس عجينة المكرونة
اما اللى من غير بيض فدى اسمها القادوسية وبتتساب تنشف لحد تانى يوم وبعدين تتسلق فى مية وبعدين تتاكل
انا على فكرة عملتها وصورتها وانشاءالله هنزلهلكم قريب