كتبت بواسطة alexess

الست ام alexessما بتتقلبش يا ملك ---لانها علمتنى والحمد لله من وانا صغير ة اقف فى المطبخ واتعلم كل حاجه من غير ما اضطر اقلبها فهى خدومه جدا وتحب ان تنقل خبرتها الى الناس لانها تفتخر بخبرتها التى اكتسبتها على مدى العمر --بعد ما شبعت تجارب فينا----عموما انتوا كنتوا سالتوا على الكسكسى الفلاحى اللى على اصله ---اهل المحله بياكلوة كدة وكدة بس الاغلب مالح----وكمان فى المغرب وتونس بياكلوة ايضا مالح---طيب جربيه وانا واثقه انه ها يعجبك جدا

خلاص يا عم متزعلش انا بهرج معاكى ربنا يخليهالك يااااارب واهل المحلة كلهم جدعان وخدومين
عموما اششكريها لنا مرة تانية انها علمتك واحنا بقى اللى هنقلبك هههه
تعرفى طريقة اى نوع عيش بيتى مرحرح بتاو
عشان انا عاوزة اعمل عيش يكون مخبوز فى البيت لان هنا معندهمش غير اللى بنقول عليه فى مصر العيش الشامى وطبعا ده مبيمشيش خالص مع الملوخية و البامية و الحاجات دى

اهلا يا قمرات على فكرة الكسكسى بالشوربة دا تحفة كنت مرة عند قرايب لينا وكلتة وكمان كان معاة كفتة الرز معاة برضة كانت تحفة
انا نفسى فى حد يعرف طريقة عمل اللرقاق المصرى ممكن اعملة فى البيت ازاى اصلى نفسى فية بالحمة المفرومة بس مش لاقية هنا رقاق مافيش غير جلاش والطعم بيختلف طبعا

[quote=sefo2;5994267]اهلا يا قمرات على فكرة الكسكسى بالشوربة دا تحفة كنت مرة عند قرايب لينا وكلتة وكمان كان معاة كفتة الرز معاة برضة كانت تحفة
انا نفسى فى حد يعرف طريقة عمل اللرقاق المصرى ممكن اعملة فى البيت ازاى اصلى نفسى فية بالحمة المفرومة بس مش لاقية هنا رقاق مافيش غير جلاش والطعم بيختلف طبعا[/quot

ربنا يخليكى يا sefo

جربى تعملى الكسكسى بالطريقه بتاعتى وبعدها مش هايعجبك الا هوة
والله كان بودى اعرف انا كمان الرقاق بيتعمل ازاى لان هنا ايضا الرقاق تخيين جدا وطعمه غير
ياريت حد يعرف و يقولنا---سلام

كباب الارانب
سلسله الظهر فى الارنب والافخاذ- شبت وبقدونس ونعناع وكسبرة خضراء-ملح وفلفل-بصل مفروم ناعم-ارز مطحون ناعم-كبدة الارنب -بصل وعصير طماطم تقيل
الطريقه
ينسل لحم سلسله ظهر الارنب والافخاذ ويتبل بملح وفلفل ويفرم ناعما فى الكبه ونضيف له البصل المفروم والارز المطحون ناعم
نفرم الخضراوات فرما ناعما جدا (زى التبوله) ونضيفها الى الخليط السابق ونعجن وتتكون معنا عجينه ناعمه متماسكه وملساء نتركها على جنب
نقطع كبدة الارنب ناعم جدا ونشوحها مع بصله وقليل من السمن وملح وفلفل ثم يضاف اليها عصير الطماطم السميك وتسبك جيدا
ناخد كميه من عجينه الكباب ونشكلها قرص صغير ونحشيها بتسبيكه كبدة الارنب بعد ان تبرد ونقفل العجينه ونلمها ونضغط عليها بايدنا فتكون مثل قرص الهامبرجر صغير وسميك شويه
نحضر ماء لسلق الكباب ونضع فيه ملح وفلفل ومستكه وحبهان و ورق لاورو وبصله صحيحه
عندما يغلى الماء نسقط فيه اقراص الكباب -سترقد فى القاع وعندما تقارب على النضج تطفو على السطح -تحتاج حوالى تلت ساعه
تنشل من الشوربه وتصفى ثم تحمر بقليل من السمن وفص مستكه
وفيه ناس بيغطوها بيض وبقسماط ويقلوها
جربوها ها تعجبكم جدا

لسان العصفور بالخلطه
هذة من احب الاكلات الى
الطريقه
2 كوب لسان العصفور تشوح على فى ملعقتين طعام سمن حتى تاخذ كلها اللون الذهبى الجميل
نضيف لها 3 كوب شوربه دجاج او لحم وانا افضلها بالدجاج ونضيف لها ملح وفلفل وجوزة الطيب وواحدة قرنفل وقطعه قرفه خشب وملعقه صلصه طماطم وتتك تستوى وتتشرب الشوربه كلها مثل سواء الارز
تنقل على نار هاديه حتى تمام النضج
نحضر عصاج كبد وقوانص دجاج ومكسرات منوعه حسب المتوفر وعند التقديم نغرف لسان العصفور فى سرفيس التقديم وفوقها نرص العصاج ونجمل الوجه بالمكسرات
جربوها هاتعجبكم ان شاء الله

يا الكزس اعملى بحث هتلاقى كذا اخت منزلة طريقة الرقاق

واضح انة حلو لسان العصفور دا حجربة واقولك اية الاخبار وعلى فكرة انا مرة جربت اعمل الكسكسى بنفس الطريقة بس انا عملتة فى الكبة وكنت بحط المية على الدقيق والملح وهى شغالة لحد مالاقية رمل فعلا زى ما قلتى بس اللى حصل انة كان ناشف شوية كان عايز سايل تانى شوربة او لبن بس كان طعمة حلو

اووالتطبيق بس نسيتى الرز المعمر وطريقته ياريت تكتبى عنه وعن مقاديره لانه غالبا مبيظبطش معايا بسبب المقاديراولا بشكرك جدا لطرح الفكرة دى اللى اكتر من رائعة وفعلا رجعتنا لريحة مصر واكلها الطعم وايام زمان تسلم الفكرة وجزاكى الله خيرا

ازيكوا ياقمرات
ملف رائع جدا

عجينة الرقاق لعمل صينية متوسطة الحجم(3كوب دقيق ورشة ملح ويتعجنوا كويييييييييييس بماء دافىثم تشكليهم حوالى8كور وتغطيهم وتسيبيهم يرتاحوا نصف ساعه بعدين تفردى الكوربالنشابةورشه دقيق وعلى قد ما تقدرى تكون رقيقه وتكونى محميه الفرن قبل الفرد تفردى وتخبزى علطول والخبز يكون على صاجة الفرن بس لازم تاخدى بالك لانه مش بياخد وقت خالص فى الفرن وتطلعيه تفرشيه بعيد عن بعض عشان ينشف وتعملى بيه احلى صنيه رقاق.
يارب اكون افدتكم وتنفذوه ويعجبكم

الطريقه
3كوب ارزتغسليهم وتصفيهم كويس من الميه وتدعكيهم ب 2ملعقة سمنة(ويفضل البلدى طبعا)وم ك ملح ورشة فلفل اسود
تجيبى لحمه او حمام او بط او وراك فراخ بتكون احلى من الصدور وتتبليهم كويس بملح بسيط وفلفل
وتجيبى 3كوب حليب ومعاهم كوب ميه تغليهم
التطبيق
تحضرى طاجن ويفضل الفخار وتدهنى سمن او زيت وتحطى الاول تلت كميه الارز ثم اللحم ثم باقى الارزثم الحليب الملخلوط بالميه وتدخليه الفرن فى الرف الاول على نار عاليه حتى يتشرب الحليب ثم ترفعيه فى الرف الوسط وتغطية بفويل وتوطى النار ويترك حتى يستوى بياخد معايا ساعه ونصف فى الفرن
دى يا احلى ماما اسرارى فى عمل المعمر متغلاش عليك يا قمر
جربوها وان شاء الله هتعجبكواااااااااااااااااااااااااا