|
للبحث في شبكة لكِ النسائية:
|
متميزة صيف 1429هـ
يسلم ايديكو يا بنات بس مش عارفة ليه ماحدش مشارك فى الموضوع غير المصريات حتى لو بالاستفسار او التشجيع
\انا كمانفى اكلات كتير ما اكلتهاش من يوم جدتى الله يرحمها توفت زى البصارة و الخبيزة
ان شاء الله لما اكلم ماما قريب على النت هسألها على طريقة الكشك و اشارك بيها فى الموضوع هنا ان شاء الله ولو حد عارفها ينزلها و اهو نستفيد كلنا مع بعض و جزاكم الله خيرا
متميزة صيف 1429هـ
نسيت اقولكو عارفين اللوبيا اللى بعين سودا (نوع من البقول) فى ناس بتعملها بالصلصة لكن احنا بنعملها بالسلق زى القلقاس و بتكون تحفة هسأل ماما برضو ان شاء الله و انزلها
النجم البرونزي
ملف هايل كمللى ومتابعينك
النجم الفضي
تسلم ايديكم
النجم الفضي
ايه الجمال ده تسلمو يا بنات مصر
فكرتونى باكلات زمان
انا هعلق على المكرونه باللبن لانى من بحرى وبنعملها دايما
دى مكرونه مقصوصه بنسلقها ومنغسلهاش
وبعدين نغلى اللبن وندوب نشا فى كوبايه ميه ونضيفه على اللبن ونحط السكر والسمنه البلدى
وبعدين نجيب صنيه وندهنها سمنه ونضيف الكرونه على انشا باللبن ونقلبهم ونحطهم فالصنيه
ونحط مكسرات جوز هند وزبيب واى مكسرات عندك
وفوق الوش معلقتين سمنه وندخلها الفرن لحد متتماسك وتتحمر
وتتقطع بعد متبرد مربعات وبالهنا والشفا
النجم الفضي
وكمان الملوخيه
عندنا الملوخيه مطبوخه زى الخضار وبتتاكل برز او عيش
يعن تحمرى بصله مفرومه وتضيفى الصلصه والتوابل وتسيبيهم يتسبكو شويه
وبعدين تحطى الملوخيه وتقلبى
وتجهزى التقليه طبعا ثوم وكسبره ناشفه
ودى جميله جدا جربوها ودى كمان اكله من بحرى
النجم الفضي
وعندى كله تانيه اتحدى حد يكون عارفها
ههههههههههه
مش حلبه
ودى نجيب حلبه ونطحنها ونحط عليها كوبايه ميه كبيره ونسيبها لتانى يوم تتخمر
هتلاقى حجمها زاد وشربت الميه
تجهزى بطرمان وتحطى مايه وملح وشطه مطحونه وبعدين تحطى الحلبه وتقلبيهم
وتدقى 4 فصوص توم وتضيفبه عليهم
ودى بتتاكل بعيش محمر ومعاها سطله
النجم الفضي
ملك هية دية البامية و لا بلاش زى ما جدتى كانت بتعملها بالظبط جربوها يا بنات بالذات الويكة
اما تالت نوع بامية انا اول مرة اسمع عنة بس هجربها
و كمان اول مرة اسمع عن المكرونة الحلوة دية و الملوخية اللى بالصلصة بس يمكن عشان جدتى صعيدية و الاكلات دية من بحرى اظن تسلم اديكى ملك و شمس
النجم الذهبي
شكرا ليكم يا بنات ع التشجيع
ازميرالد الف شكر وبالنسبة للوبيا انا اعرفها بصلصة بس معرفش زى اللى زى القلقاس
وتسلمى يا شمس ع الوصفات الجميلة فعلا استفدت كتييييييير منها
وحابه اعدلكم طريقة العيش الشمسى:
اولا اللى معندوش عيش اصلا وعاوز يعمله من الاول خاااالص
يجيب نص كوباية دقيق ويحط عليه ميه لحد ما تبقى شبه عجينة الزلابية بس اتقل شوية وبعدين نحسيبها بره يوووووم كامل وتانى يوم نحط عليها كوبايتين دقيق وبرضه مية لحد ما تبقى شبه الزلابية شوية ونحطها فى التلاجة تلات ايام وبعدين دى هتبقى الخميرة وبعدين ناخدها ونحطها على كيلو دقيق "لازم يكون الدقيق من النوع الممتاز ونضيف ملح طبعا ونعجن على اد ما نقدر وبعدين اختصار لقصة التخمير فى الشمس نغطيه ونسيبه ساعتين مثلا وبعدين ممكن نحطه فى صينية مدهونة قليل من الزيت بشرط ان ارتفاع العيش يكون ربع الصينية فقط لانه هيعلى وندخله فرن متوسط زى الكيك لحد ما يحمر وجهه
النجم الذهبي
نانسى بالهنا و الشفا للبامية وبالنسبة للمكرونة دى تحفففففففففففففه وسهلة جدا جربيها وهتحبيها هى قريبة شوية من ام على بس بجد هتعجبككتبت بواسطة nancy kareem
أعضاء قرؤوا هذا الموضوع: 0
رد مع الاستدلال
الروابط المفضلة