للبحث في شبكة لكِ النسائية:
|
ازيك يا قمر الف شكر على الوصفاااااااات التحفة بالذااااااات اليخنى كنت محتارين فيه
تصدقى انا طلعت بعمله هههههه بس معرفش ده اسمه يخنى بس انا مش بعلمه بلحمة مسلوقة
بعمل بكفتة الرز بعملها دواير واحطها فى صلصة تكون زى ما قلتى بصل مقطع كبيير ومحمر نص نص مش للاخر وبعدين طماطم متتسبكش اوى برضه وبعدين نسوي اللحمة او الكفته بمعنى اصح فى الصلصة وبعدين ندخلها شوية الفرن وجنب رز حبة وحبة وبالهنا و الشفا
سانك يووووووو فرى ماتش انا لا احبذ بصراحة مرقة الدجاج الصناعيه انتى عارفة الدسم بتاع الشوربة اهون الف مرة على الصحة من مرقة الدجاج والحاجات دى
بصى يا ستى هناك اراء مختلفة حول هذا الموضوع فى ناس فعلا بتقول على دى ثخينة بس احنا بنقول على الرقاق باللحمة و الشوربة سخينة واللى انتى بتعمليها دى بيقولو عليها خبيصة ههههههه اسم وحش اوى صح بس انا اعرف بيعملوها للست اللى لسه والدة لان العسل الاسودر مفيد جدا بعد الولادة
ادى يا ستى الكشرى حطيتهولك كليوباتر بس اصلى بصراحة الكشرى اكتر اكلة بتنزل فى لمنتدى وبالصور تقريبا بقت اكله عاليمة خلاص فعشان كدة مرضيتش اعيده عشان الملف يبقى مميز واكلاته كلها جديدةوبرضه اول ما اسافر بيوحشونى هههههههه مصرية بقى
وكشرى هيلتون انا عارفها روحته كذا مرة بس المحل ضيق اووى كشرى التحرير احلى منه والمكان احلى بس مجربتش صراحة الرز بلبن لما انزل مصر المرة الجاية هجربة انا اصللى طول ما انا فى مصر بقضيها فول وطعمية من جاد وكشرى من التحرير او ابو طارق لغاية ما اتهرى
ايه كل الحاجات الجميله دى يا بنات انا لسه شايفه الملف دلوقتى من ساعة مرجعت من السفر معرفش حاجه عنه بس بجد ماشاء الله عليكو انا مش عايزاه يتقفل خا اااااالص
بجد ده مفيد لينا كلنا ومش حيخلينا نحتار خاص كل يوم نطبخ ايه
ملك انا كمان بعمل اليخنى بالكفته زيك بس معرفش انه يخنى بس البصل بقطعه مفروم مش كبير
ومره كمان عملت اليخنى باللحمه بس حطيته على مكرونه مسلوقه زى الصوص كده وطلع تحفه بجد
انتو فين ياحلوووووووووووووووووات
مين تعرف الاكلة دى
طاجن اللسان عصفوووووووور باللحمة
هى اكله بتبقى حلوة اوووووى فى العزومات بالذات
بتبقى مميزة جدا على السفرة
وممكن تعمليها فى ايام عادية سهلة ولذيذة
نحمص اللسان عصفووووور " تحميص مش تحمير يعنى بدون زيت او سمن"
نحطه فى طاسة تيفال لغايه ما لونه يتغير
وفى حلة تانية نحط بصل ومع اللحمة المسلوقة و بعدين صلصة الطماطم ولما تتسبك نجيب طاجن ونحط طبقة لسان عصفور وبعدين طبقة اللحمة وبعدين طبقة اللسان عصفور التانية ويكون عندنا صلصة تانية نزودها شوية مية قليلة جدا لان اللسان عصفو بيشتوى بسرعه جدا اسرع من المكرونة واللحمة مستوية ونحطهم على وش الطاجن وندخلة الفرن مبيخدتش تلت ساعه بالكتير
دى طريقتى بس لقيتلكم طرق تانية كتير هننقلهلكم
طاجن لسان عصفور بالكبد والقوانص
المقادير :
كيس مكرونة لسان عصفور
1/4 كيلو كبد وقوانص (يمكن إستخدام اللحم المفرومة)
سمن / زيت للتحمير
صلصة طماطم معبأة(أو طماطم مخفوقة بالخلاط)
شوربة/ماء
الطريقة:
يحمر لسان العصفور في السمن أو الزيت حتى يصبح لونه زهبي
تقطع الكبد والقوانص قطع صغيرة جدا ثم تحمر في الزيت أو السمن(لو لحم مفروم يسوى مع بصله صغيرة)
نخلط الكبدة أو اللحم مع لسان العصفور
نضيف صلصة الطماطم المعبأة أو الطازجة ويفضل خلط الإثنين معاَ
نضيف الشوربة أو الماء الساخن بكمية تكفي لتغطية لسان العصفور و تزيد بمقدار نصف سم
تترك على البوتاجاز حتى تغلي ثم تدخل في الفرن على نار هادئة
ويفضل ان تشغل الشواية حتى يحمر وجة الصينية
باللحمة
المقادير
----------
كيلو لسان عصفور - 2بصلة متوسطة - كيلو ونصف طماطم - ملح - فلفل - نصف كيلو لحمة مفرومة - 4 ملاعق سمن - ونصف كوب زيت- بهارات - 4 فصوص ثوم كبار مفروم- 3 بصلات متوسطة للحمة المفرومة0
الطريقة :
----------
تسلق اللسان العصفور نصف سلق يعنى ما يستوى ويصفى ويترك فى المصفاه لغاية ما تعملى المحتويات الاخرىوهتلاحظى أن اللسان العصفور كمل نضجة فى المصفاة0
- توضع اللحم المفرومة على النار ويوضع عليها البصل المفروم و2 ملعقة سمن والملح والفلفل الاسود والبهارات وجزء من الزيت0 ويترك ليتم نضجة
-يقطع البصلتين مربعات ويوضع عليها ملعقتين السمن وربع كوب الزيت ويحمر البصل وأول ما يصفر يوضع الثوم المفروم ويحمر مع البصل وبعد تحميرة كويس يوضع الطماطم المضروبة فى الخلاط ويظبط بالملح والفلفل الاسود والبهارات وممكن أضافة ملعقتين كبار صلصة طماطم وتترك ليغلظ قوام الصلصة 0
-نحضر طاجن متوسط أو صنية حسب الموجود وتدهن بالزيت من الجوانب والقاع جيدا 0وتترك لتجهيز اللسان العصفور
ضعى جزء من الصلصة المجهزة على اللسان العصفور وتخلط باللسان كويس وتوضع نصف المقدار فى الصنية او الطاجن حسب رغبتك وتسوى سطح اللسان كويس ويوضع العصاج ويوضع نصف مقدار اللسان العصفور الباقى على العصاج ويسوى السطح كويس بظهر الملعقة ويوضع من فوق باقى مقدار الصلصة الغليظة المسبكة فوق الوجة وتوزع على الوجة كلة وتوضع فى الفرن 0 وبالهنا والشفا
تصدقى يا ملك القلوب عند بعضه انا لسه شايفه امبارح طاجن لسان عصفور بصدور الفراخ المخليه عجبنى اوى والنهارده لما نزلت جبت لسان عصفور وفراخ بانيه عشان اجربه
بس الشيف عمله ازاى
حمص لسان العصفور بشوية زبده لما لونها بقى دهبى وحطها فى الطاجن وعليها صدور الفراخ وعليها طبقه تانيه من لسان العصفور وبعدين بسله وطبقه اخيره لسان عصفور وسقاها بشوربه
لما اجربها حبقى اقولكم عليها
اه نسيت اقول ان حط عليها من فوق طماطم مقطعه صغير
السلام عليكم ورحمة الله وبركاته
الف حمد علي السلامة يا ملك
شفتي لما رجعتي لميت البنات ازاي
متحرمشي منك يا قمر وشكرا علي الاطراء الجميل
احنا نيجي جنبك ايه دا انتي ماشاء الله موسوعة
يلا بقي املئي الملف تاني باللي منعرقوش
آخر مرة عدل بواسطة cliopatra : 08-05-2008 في 04:51 PM
تسلمى يا كليوباتر
اخجلتينى بكلامك هههه
انشاءالله نتلم كلنا تانى ومنبطلش اكل هههه
سمسمة طب الفراخ مستوية ولا نية اصل انا بعمل اللحمة مسلوقة عشان لسان العصفور مبيخدش سوا و البسلة برضه تبقى مسلوقة ولااية؟؟
بس طماطم بس مش هيطلع طاجن مسبك كدة هههههههه بس اكيد هيبقى صحى اكتر طبعا
يغسل الارز وينقع نص ساعه
هاتى ملعقه طعام سمن وحمرى فيها ثلات اربع كميه الارز لحد ما تاخد لون ذهبى غامق
اضبفى عقد الارز ماء على شوربه يعنى لو عامله مثلا كوب لرز وها تحطيله عيارة كةب ونصف ماء خليها تلات اربع ماء وتلات اربع شوربه لحم او دجاج
اضيفى ملح وقليل من الفلفل وملعقه صغيرة قرفه مطحونه و ملعقه صغيرة صلصه طماطم
بعد ما يبدا يغلى اضيفى باقى الارز اللى لسه ما اتحمرش
نقطع الكبد والقوانص الفراخ ونشوحها فى قليل من السمن ومعاها بصل مكعبات صغيرة جدا وملح وفلفل حتى تتعصج
جهزى مكسرات حسب الرغبه لوز مقشروبندق وشوحيهم فى قليل من السمن حتى تشقر ثم اضيفى لها الزبيب وقلبلى لحد ما الزبيب ينتفخ
عند التقديم نضع المكسرات فى قاع قالب او سلطانيه عميقه ثم نضع فوقه الكبدوالقوانص ثم نغرف فوقها الارز ونسوى الوجه جيدا ثم نقلبها فى سرفيس التقديم
هاااا اتبنجتوا والا لسه
جربوا الارز بالخلطه بالطريقه بتاعه ماما وتيته وها تعجبكوا جدا ----طريقه اهل المحله الكبرى
الروابط المفضلة