انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 4 من 55 الأولىالأولى 123456781454 ... الأخيرالأخير
عرض النتائج 31 الى 40 من 549

الموضوع: ملف اكل مصرى صميم: حتى المصريين ميعرفوهوش

  1. #31
    تاريخ التسجيل
    Feb 2007
    الموقع
    مع بنتى اخيرااااااااااااااااااااااااااااااااااااااا
    الردود
    5,248
    الجنس
    امرأة
    لا يا يحيى عمرى ما سمعت عن حاجة كدة

  2. #32
    تاريخ التسجيل
    Feb 2007
    الموقع
    مع بنتى اخيرااااااااااااااااااااااااااااااااااااااا
    الردود
    5,248
    الجنس
    امرأة
    البامية:
    اولا بامية بالصلصة معروفة طبعا "تسبيكة اللى هى بصل محمر مضاف له طماطم معصورة وبعدين تترك على النار حتى تتسبك ثم نضع فيها البامية وافضل طعم ليها لما بتتزود لحمة ضانى وشوربة ضانى وتتحط فى طاجن فخار وتغطى وشها بورقة فويل وسيبيها تستوى فى الفرن براحتها وبالهنا و الشفا
    المفروكة او الويكا:
    بامية خضرا نقطعها قطع ونحطها فى الشوربة مع فصين توم سليمين بدون تقطيع وقليل من الملح تترك على النار حتى تنهرس البامية او يعنى تستوى تماما وبعدين بالمفراك " وهو حاجة كدة خشب ذراع وفى اسفلها قطعه تشبه المروحة توضع فى الطعام ويتم لف او برم الذراع الخشبية للتقليب وممكن بمضرب سمى مضرب اليايى وهو مضرب حلزونى او حطيها فى الخلاط وريحى دماغك حتى تختفى قطع الباميا تماما وبعدين صبيها فى طبق وصبى عليها باقى سمن تحمير اللحم على الوجه
    الباميا الناشفة:
    باميه مجففة وبعدين نطحنها حتى تصير بودرة وبعدين تتعمل زى الملوخية الناشفة بالظبط لكن بدون طماطم يعنى نحمر توم وبعدين نحط البامية قليل جدا لانها بتتقل بسرعة وبعدين نحط عليها الشوربة و الملح ونقلب وتغلى غلوة واحدة فقط

  3. #33
    تاريخ التسجيل
    Jul 2002
    الردود
    337
    الجنس
    أنثى
    يمكن يحيي بتقصد الفايش او الرواني ولو اني بعتقد انة الفايش
    انا بصراحة جربت اعمل الرواني مرة بس مطلعتشي حلوة قوي انا مدقتهاش قبل كدة بس كانت شوية ناشفة ومفرولة اتماسكت شوية لما ضيفت لها الشربات الي هو القطر
    آخر مرة عدل بواسطة nano : 20-10-2007 في 09:39 PM

  4. #34
    تاريخ التسجيل
    Jul 2002
    الردود
    337
    الجنس
    أنثى
    في كمان الفولية الخضراء والفولية الحمرا بتتعمل من الفول المدشوش بتاع البصارة
    علي ما اتذكر
    الفولية الخضراء
    بتجيبي بصلة مفرومة وتحمريها في السمنة لغاية ما يا دوب تصفر لونها ثم اضع عليها فول مدشوش واحط ليها شوية ماء لغاية ما الفول يستوي شوية ويتحط معاها معلقة ارز ثم يتحط عليها ثوم وكسبرة خضرا وشوية ناشفة وبعدين نعمل تقلية من الكسبرةالخضراءوالثوم ونضيفها عليهم
    المهم الفول يا دوب يستوس مش تسيبوة لما يتهري زي البصارة لا يا دوب يستوي

    والفولية الحمرا تقريبا زيها بس بنضيف لها صلصة طماطم والكسبرة تكون ناشفة مش خضراء
    آخر مرة عدل بواسطة nano : 20-10-2007 في 09:46 PM

  5. #35
    تاريخ التسجيل
    Feb 2007
    الموقع
    مع بنتى اخيرااااااااااااااااااااااااااااااااااااااا
    الردود
    5,248
    الجنس
    امرأة
    تسلم ايديكى يا نانو احنا بنقول على الفولية الحمرا دى الكسبرية بس الخضرا دى منعرفهاش
    واذ كان يحيى قصدها الفايش انا عندى طريقته بس مجربتوش قبل كدة

  6. #36
    تاريخ التسجيل
    Feb 2007
    الموقع
    مع بنتى اخيرااااااااااااااااااااااااااااااااااااااا
    الردود
    5,248
    الجنس
    امرأة
    مين يا بنات تعرف الخُبيزا
    دى حاجة خضر شبه الملوخية ماكلتهاش من يوم امى الله يرحمها لان محدش فينا كان اتعلمها منها

  7. #37
    تاريخ التسجيل
    Feb 2007
    الموقع
    مع بنتى اخيرااااااااااااااااااااااااااااااااااااااا
    الردود
    5,248
    الجنس
    امرأة
    البصارة او بيصارو "بالفرعونى"
    ربع كيلو فول جاف بدون قشره
    ربطتين كزبرة خضراء
    بصلة متوسطة
    عدد من فصوص الثوم حسب الرغبة
    قليل من النعناع الجاف
    ملح و فلفل حسب الذوق
    - للتقلية عدد من فصوص الثوم مع كزبرة جافة او بصل


    الطريقة:

    - ينظف الفول و يضاف كمية من الماء كافية لسلقه , تضاف الكزبرة الخضراء و النعناع الجاف و البصلة و الثوم , يجب عدم وضع اى ملعقة اثناء تسوية الخليط لكى ينضج الفول و ندعه حتى يستوي تماماً .
    - بعد تمام النضج , ندع المزيج يبرد قليلاً ثم يخلط بالخلاط .
    - يعاد الخليط للنار قليلا و يتبل بالملح و الفلفل حسب الذوق .
    - تتم عمل التقلية بالثوم و الكزبرة الجافة المدقوقين جيدا و يحمر فى القليل من الزيت و السمن ثم يزين بها وجه الطبق او يتم عمل بصل محمر "شبه المستعمل فى الكشرى " وهو الافضل و تقدم .

  8. #38
    تاريخ التسجيل
    Feb 2007
    الموقع
    مع بنتى اخيرااااااااااااااااااااااااااااااااااااااا
    الردود
    5,248
    الجنس
    امرأة
    طاجن عكاوى
    نشترى العكاوى وهى "ديل البقرة او الجاموسة" وعشان كدة بتبقى عبارة عن فقرات عظمية
    نخليها نخلى العظم عن اللحم نسلق العظم عشان الشوربة واللحم نحمره مع بصل واى خضار تفضليه وبعدين شوية شوربة عكاوى السابق عملها وطماطم وصلصة طماطم وندخله الفرن وبالهنا و الشف

  9. #39
    تاريخ التسجيل
    Nov 2006
    الموقع
    مصرية مقيمة فى الامارات
    الردود
    1,488
    الجنس
    أنثى
    تعقيب كتبت بواسطة yehia2007 عرض الرد
    اهلا يا ملك ازيك موضوعك جميل
    انا مره كنت اكلت اكله بيعملوها الفلاحين بس هى حلوه عامله زى الكيك بيتقطع وبيبقى ناشف شويه
    مش عارفه تقريبا اسمها الحلبه ياريت لو تعرفيها تقوليلى عليها
    ايوة هية عاملة زى الكيك بس لونها بيبقى اصفر اوى و بتبقى ناشفة اكتر هبقى اسال عليها و انزلها لو عرفت

  10. #40
    تاريخ التسجيل
    Nov 2006
    الموقع
    مصرية مقيمة فى الامارات
    الردود
    1,488
    الجنس
    أنثى


    انا نقلتلك طريقة الخبيزة يا ملك زى ما بنعملها بالظبط

    الخبيزة على الطريقة المصرية


    المقادير:
    1/2 كيلو خبيزة

    حزمة سلق
    حزمة شبت
    حزمة كسبرة
    نص وعاء شوربة لحم
    ربع كوب أرز
    2 بصلة كبيرة
    4 ملاعق كبيرة سمن
    رأس توم مدقوقة

    الطريقة:
    يغسل الشبت والكسبرة ويقطع إلى قطع رفيعة جدا بالسكين ثم نضعهم على الشوربة على نار متوسطة.
    نغسل الأرز واضعه ليسلق مع الشوربة
    .
    تنظف الخبيزة جيدا (تقطف الزهرة (وتغسل وتُصفى ثم تُخرط مع السلق، أو نضعها على النار لتسلق مع السلق ثم نضربهم في الخلاط
    .
    خذي الخليط وضعيه على الشوربة وبعد غلوتين وبعد أن نجد الخليط قد أصبح سميكا بعض الشيء نطفي النار
    .

    الطشة
    :
    نقشر البصل ونبشره بالمبشرة ونضعهم مع السمن في وعاء على نار متوسطة لتحمر
    .
    بعد أن يصفر لونه ضعي عليهم رأس التوم المدقوقة

    بعد أن يحمر الثوم ضعي عليهم الخبيزة (الخليط الذي تم صنعه سابقا)
    ثم أقلب وأطفي.

مواضيع مشابهه

  1. ::: مصرى مصرى مصرى ؛؛؛ << شوربة البسلة ::<؛
    بواسطة woman_my man في المقبلات والسلطات والشوربات والمشروبات
    الردود: 4
    اخر موضوع: 19-04-2008, 03:48 PM
  2. ؟؟ مصرى مصرى مصرى ؟؟ ...اللحم بالبطاطس والطحينة $$$
    بواسطة woman_my man في الأطباق الرئيسة
    الردود: 11
    اخر موضوع: 18-04-2008, 11:31 AM
  3. ركن المصريين المصريين يجو معايا واللي بيحن المصرييين
    بواسطة الاء الله في ملتقى الإخــاء والترحيب
    الردود: 2
    اخر موضوع: 03-12-2005, 03:27 AM
  4. طعام سليم لقلب سليم
    بواسطة مليكة الطهر في ركن التغذية والصحة والرجيم
    الردود: 1
    اخر موضوع: 13-11-2000, 11:01 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ