كتبت بواسطة سارة هانى

اية وصلت متاخرة اوى بس اية الحلاوة دى ياملك رجعتينى مصر وفكرتينى بجدتى ملف روعة وكان نفسى اشارك فية بس للاسف مش عارفة مقدير اى حاجة من القديم وعلى فكرة الرز المعمر مش حلو بس ماما بتحط علية ملح وبتعملة مع صنية البطاطس بالفراخ بس الغريب ان الرز الاكلة الوحيدة المصرية الى ما بتتظبطش معايا وكل ما اعملة لا زم يبوز وقلت يمكن السبب هو ان اللبن الى فى السعودية مش زى الى فى مصر مش عرفة لية بيطلع معجن او حتت مش مش سايب معندكيش فكرة لية واكون مشكورة ليكى جدا

سااااااارة حمدالله على السلامة المهم انك لحقتى تييجى برضه ههههه
بالنسبة للرز فى حاجات كتييييير
اولها واهمها اختارى صينية مقاسها مظبوط يعنى بحيث الرز يكون فيه فراغ فوقه عشان تسمح بان حجمه يزيد او اغسلى الرز كويس من النشا قبل ما تغسليه لان لو الرز فيه نشا كتير ممكن يعجن وياريت لو تقدرى تشترى طاجن فخار مش بايركس يكون افضل
بس اكيد مش اللبن
جربى تانى وانشاءالله يكون كويس وبالهنا و الشفا

السلام عليكم يا بنات،بجد موضوع يجنن واكتر من رائع.
بس للاسف انى ما قراتوش الا متاخر اوى بس هحاول اشارك معاكو فى موضوعك الى اكتر من رائع ملوكة حبيبتى.
انا ماما موسوعة فى الاكل المصرى ده وكمان جدتى موجودة ربنا يخليها ليا يا رب وانشاء الله هسالها.
انا هجيبلكم طريقة عمل الكسبرية،الممبار،الكرشة بالحمس كلها اكلات مصريه قديمة ماما عارفة وصفتها انشاء الله هجيبها وقولكم عليها وان كنت انا مبحبش الاكلات ديه بسبب اعتدينا على الاكلات السريعة بس انتم صح لازم نعود ولدنا على الاكل الصحى يعنى ياكل رز وسبانخ مثلا احسن من البرجر.
ان شاء الله هاخد الوصفات من ماما واكتبهلكم،واى وصفة مش عرفنها قولوا عليها وانا ممكن اسال جدتى عليه واجبهلكم.
انا ليا تعليق على الخبيزة،احنا بنعملها بنغلى الشوربه وفيها الرز ونكون دقين التوم ومعاه كسبرة ناشفة وحتة فلفل حار صغيرة اوحسب الرغبة وناخد حبه على طرف المعلقة من الخليط ده على الشوربه وهى بتغلى،وبنقطف الخبيزة وعليها االخضرة ونخرطها زى الملوخية بس بنخليها خشنه شوية عن الملوخية وبعدين نحطها على الشوربة وتاخد غلوتين ونطفى عليها وبعدين نحمر التوم والكسبره الناشفة اللى احنا عملينها ولما تحمر نحطها على الخبيزة زى الملوخية بالضبط ديه طريقة جدتى وكانت بتحط جنبها عيش بالردة وباذنجان مخلل وهجبلكم طرق عمله المختلفة منها انشاء الله.
واخيرا شكرا يا ملوكة يا قمر على الموضوع الحلو جدا.

كتبت بواسطة ام عبد الرحمن 8

السلام عليكم يا بنات،بجد موضوع يجنن واكتر من رائع.
بس للاسف انى ما قراتوش الا متاخر اوى بس هحاول اشارك معاكو فى موضوعك الى اكتر من رائع ملوكة حبيبتى.
انا ماما موسوعة فى الاكل المصرى ده وكمان جدتى موجودة ربنا يخليها ليا يا رب وانشاء الله هسالها.
انا هجيبلكم طريقة عمل الكسبرية،الممبار،الكرشة بالحمس كلها اكلات مصريه قديمة ماما عارفة وصفتها انشاء الله هجيبها وقولكم عليها وان كنت انا مبحبش الاكلات ديه بسبب اعتدينا على الاكلات السريعة بس انتم صح لازم نعود ولدنا على الاكل الصحى يعنى ياكل رز وسبانخ مثلا احسن من البرجر.
ان شاء الله هاخد الوصفات من ماما واكتبهلكم،واى وصفة مش عرفنها قولوا عليها وانا ممكن اسال جدتى عليه واجبهلكم.
انا ليا تعليق على الخبيزة،احنا بنعملها بنغلى الشوربه وفيها الرز ونكون دقين التوم ومعاه كسبرة ناشفة وحتة فلفل حار صغيرة اوحسب الرغبة وناخد حبه على طرف المعلقة من الخليط ده على الشوربه وهى بتغلى،وبنقطف الخبيزة وعليها االخضرة ونخرطها زى الملوخية بس بنخليها خشنه شوية عن الملوخية وبعدين نحطها على الشوربة وتاخد غلوتين ونطفى عليها وبعدين نحمر التوم والكسبره الناشفة اللى احنا عملينها ولما تحمر نحطها على الخبيزة زى الملوخية بالضبط ديه طريقة جدتى وكانت بتحط جنبها عيش بالردة وباذنجان مخلل وهجبلكم طرق عمله المختلفة منها انشاء الله.
واخيرا شكرا يا ملوكة يا قمر على الموضوع الحلو جدا.

ام عبد الرحمن اهلا بيكى ومرسى يا جميل على ردك
انتى عندك كنز اسمه مامتك وجدتك واكيد هنستغلك ونخليكى تستغليهم لنا
تسلمى حبيبتى على طريقة الخبيزة
وبالنسبة للكرشه و الممبار انا هكتبلك طريقتهم
عشان نستغل الكنز بتاعك فى حاجة تانية
واهمها طبعا المخللات لان محدش يعرفها غير الناس الخبيرة صح زى جدتك ومامتك انا عاوزاكى تعتصرى خبراتهم وتجيبلنا طرق كل انواع المخلل
اللفت
الخيار
الزيتون وعلى فكرة مخلل الزيتون المصرى هنا فى الخليج بيموتو فييييييه وبيطلبوه بالاسم
البصل والجزر

كتبت بواسطة ملك المالكى

بالهنا و الشفا للرز يا يحييى وعلى فكرة مفيش حد فى الدنيا كلها بياكل البطاطا نية غيرى هههههه متتخيليش الاشمئزاز بتاع جوزى لما بيشوفنى بقرقش فيها بس مش اى بطاطا لازم تكون حمرا ومسكرة بس والله وحشتنى اوى هنا فى البحرين البطاطا مش حلوة زى عندنا فى مصر
بس انا عاوزاكى تجربى سلق القلقاس بالطريقة المكتوبة احلى كتيييييييير يعنى حمرى التوم وحطى السلق والخضره على التوم لحد ما يدبلو وبعدين اطحنيهم وحطيهم على القلقاس

انا عارفه ان القلقاس بياخد وقت فى طبيخه وكمان القلقاس وتنضيفه مشكله كبيره
وبصراحه يا نورا انا عندى خالتى فرنسا مغلبانى ع الاخر ومش بعرف اعمل منها حاجه خالص يادوب الاكل بعمله ع السريع بس ان شاء الله لما تكبر شويه اوعدك انى اعملها وبكره تجربى ان شاء الله وتبقى مش عارفه حتى تسرحى شعرك عشان كده ادلعى براحتك ودلعى جوزك دلوقتى بعد كده حتروح عليه خلاص هههههههههههه

هههههههه يا يا سمسم والله لما تيجى انا وجوزى مش هناكل اصلا هنقعد بس نتفرج عليها
القلقاس بسبق من غير مش هتفرق
بس ايه خالتى فرنسا دييييه هههههههههههههه
حرام عليكى حد يسمى بنته كدة

هههههههههههههه خالتى فرنسا ده اسمها لما بتغاظ منها ههههههههههه
وبقى مشهور قوىكمان

الكرشة والممبار
اهم شئ التنظيف ثم التظيف ثم التنظيف وقبل التنضيف تجيبيها من جزار تعرفيه كويس
لازم اولا يتنظفو كويس انا شخصيا اى حاجة لونها مش ابيض بشيلها هههههه
الكرشة:
تتنظف ثم تتنضف وبعدين ندعكها بلمون وملح وخل ونشطفها كويس
وبعدين نحطها فى حلة وحليها بصل وتوم وملح وتوابل وصلصة طماطم وعصير طماطم ونسيبها على النار لغاية ما هى تنزل الميه بتاعتها الافضل تقلبى البصل و بعدين التوم وبعدين الكرشة تقلبيها معاهم على النار شوية وبعدين زودى الطماطم وسيبيها شوية وبعدين زودى ميه حسب الحاجة
بس اقول لكم الصراحة انا مبعملهاش
مش بقرف بس بيتهيالى انها ملهاش اى قيمة غذائية لانها لا لحم ولا عظم وانما جلد يعنى اكيد مفيهاش اى بروتين او عناصر غذائية
الممبار بقى بموووووووت فيه
بس برضه اشتريه من حد تعرفيه " بيتهيالى كل الناس فى مصر كل عيله ليها الجزار اللى بتثق فيه"
وبعدين اغسليه بمية واقلبيه وشيلى بالسكين بس برفق عشان ميتقطعش اى شئ جواه "الجزء الاصفر" وادعكيه طبعا بلمون وملح وخليه فى اللمون شوية
وبعدين قطعيه حسب ما تحبي انا بحب اعمله قطع صغيرة عشان تتاكل على طول او ممكن تعمليه قطع كبيرة وتقطعيه عند التقديم
وتجيبى الخلطة فى ناس بتستعمل خلطة المحشى العادية "رز وصلصة و بقدونس "
بس انا بحب اعمله برز وبعدين نص الطماطم عصير والنص التانى مقطع قطع صغيرة جدا جدا وطبعا بقدونس وتوابل " كدة اخف لانه هيتقلى كمان مش يبقى مقلى ومسبك مع بعض كتير ههههه"
وبعدين تفتحتى الممبار وتحشيه ثبتى طرف من الممبار على الصينية اللى فيها الرز وامسكى الطرف التانى بايديكى الاتنين وافتحيه وبعدين دخللى الرز باطراف اصابعك
لا تحشيه للاخر واتركى مسافة لنضج الارز
وبعدين تحطى ميه على النار تغلى وتحطى فيها الممبار واحدة واحدة ووطى النار حتى لا ينفجر و هتلاقيه انكمش وبعدين لما اتحسى الرز نضج ممكن تختبريه بسكين بس كونى حريصة جدا
وبعد النضج طلعيه فى مصفاه ثم حمريه فى الزيت وبالهنا و الشفا

والله الاكلات ده فىمنتها الجمال مثلك تمام وبجد فكرتنا بزمان وناس زمان ومشكوره علىمجهودك

ماشاءالله تسلمى بس فين بقى البيصاره والفول المقللى والحاجات الشعبى الجميله

السلام عليكم ورحمة الله وبركاته
وحشتونى ياأهل مصر كلكم
وكفاية بقى تحمير وقلية حرام عليكم مش عارفين نكمل الست أيام من شوال ، ريحة الطبيخ مفوحة من النت ومغطية البيت كله ، بعدين العيال يفتكروا أن أنا اللى طبخت كل الحاجات دى

على فكرة يا ( موكى ) الكرشة عشان تبقى بيضة جدا بنغلى ماء ونضع فيها كربونات ونسقط الكرشة فيها ونطلعها ونكحتها بالسكين لغاية ما تنضف دى طريقة سهلة جدا وبتخلى الكرشة زى الفل ومالهاش ريحة خالص
أما طريقة طبخها بنجيب بصل مقطع كتير ( زى اليخنى كدة ) ونحمرة خفيف فى السمن يادوب يبقى لونه أصفر ونحط
عليه قطع الكرشة وننقلب لغاية قرب ما تستوى ونكون سالقين ( حمص طبيخ ) على جنب نغسله ونصفيه ونحطه على الكرشة يتشرب من ميتها طبعا على نار هادية .

الممبار : أنا بأعمله بنفس خلطة المحشى وبأضيف عليه رشة نعناع ناشف وقرون فلفل حامى مقطع صغير جدا
بس بحمره فى سمن بلدى كمان عشان نكمل التقل والدسامة والواحد يأكل ويتنح وما يعرفش يقوم من مكانه .

وبما اننا داخلين على الأضحية والعيد يا ريت بقى نتعرف على طريقة ( الفشّة والطحال وبلاش اللسان عشان بخاف منه هو والجوهرة )
استدراك : ( احنا لسة ما خلصناش الكحك ولا البيتى فور ولا البسكويت ) وبرضه بنفكر فى عيد الأضحى .