تفضلوا شوفوا سحوري ايش كان ...؟؟؟

**shoody** · 01-10-2007, 09:11 AM

السلام عليكم

كيفكم يا بنات إن شاء الله تكونوا بألف خير

حبيت أنزلكم سحوري قبل أمس وكانت السفرة (أفغانية) يعني سويت أكل أفغاني وحبيت أنزله لكم مع الوصفات وأتمنى إنكم تجربوها لأنها بصراحة شي خرافة

الأطباق كانت رز أفغاني وكباب أفغاني

نبدأ أول شي مع الكباب يلا ...

المقادير ::

لحم مفروم
بصل مفروم ( أنا حطيت بصلتين متوسطة الحجم )(كلما كترت البصل يطلع الكباب طري ولذيذ)
فلفل أخضر حار مفروم(اختياري )
2 فص ثوم مفروم
كزبرة مفرومة (اختياري ) (أنا ماحطيتها عشان ماكانت متواجدة عندي)
م\ص فلفل أسود
م\ص كمون
ن م \ص بهارات مهران مشكل
3 ملاعق دقيق أبيض

الطريقة ::

-تخلطي جميع المقادير جيدا ..

-تجيبي صينية وتكبكبي الكباب على حسب رغبتك بس أنا أفضل الشكل اللي في الصورة ..

-ولما تخلصي دخلي الصينية في فرن ساخن وإذا بقيت كمية من اللحم ومافي مكان في الصينية استني 5 دقائق وخرجي الصينية تلاقي الكباب اتجمع على بعضو وفي فراغات واسعة اجمعيه وحطي باقي الكمية لحد ماتخلص وبعدين غطيها بقصدير لحد مايستوي ..(يعني بدل ما توسخي أكتر من صينية )

-لاتنسي في الفرن شيكي عليه كل بعد 10 دقائق ..
-بعدما ييستوي حمري من فوق وقدميه مع بطاطس مقلية (ولاتنسي تزيني الصحن بشوية بقدونس وليمون وفلفل )

وبالهنا والعافية

**shoody** · 01-10-2007, 09:19 AM

ودحين اكتبلكم وصفة الرز

لا احد يرد

**shoody** · 01-10-2007, 10:18 AM

معليش حبايبي

من أول جالسة اكتب وبعدين لما أضفت المشاركة يقولولي خلصت 30 دقيقة وماأدري ايه على العموم عشانكم راح أكتب الطريقة مرة تانية

المقادير ::
رز منقوع في ماء دافئ
ماء يغلي في قدر مع ملح
زيت + 3 م\ط سكر + قليل زعفران منقوع في قليل من الماء
رشة هيل

الطريقة ::
تسلقي الرز وتصفي من مويته

ترجعي الرز للقدر وتعملي في حفرة صغيرة بس لاتوصل لقاع القدر
تحطي الزيت في قدر تاني وتحطي له السكر وتخليه على النار لحد مايتحمر زي اللي في الصورة

تسكبي بحذر على الرز ولما توصلي للسكر اسكبيه في الوسط

اجمعي الرز على بعضه واعملي فتحات وحطي الزعفران بمويته على جنب ورشي رشة خفيفة من الهيل وغطي القدر بمنشفة رطبة والغطاء وخليه على نار هادئة جدا لمدة ربع ساعة او نصف

عند التقديم اخليطيه بحذر عشان مايتكسر الرز وبالهنا والعافية