تعالوا شوفوا فطورنا اليوم شو كان

**قوية الارادة 1979** · 27-09-2007, 03:19 AM

مرحبا صبايا كيفكم ان شالله بخير

اليوم من الصبح وانا محتارة طول اليوم بالطبخ
لانه اخواني ما شالله اذواقهم مختلفة والي بيعجب واحد ما بيعجب التاني
وكل واحد طلب مني طبخة شكل
بالنهايةانا عصبت

قلت لاعملهم مقالي مع سلطات وشوربات وعصائر ويصطفلوا

بس قلبي ما طاوعني حرام

قبل الفطور بساعة غيرت رايي وقررت اعمل شي عالسريع

اخوي الصغير كان طالب مني ملوخية وهو بحبها تكون سائلة كتير مو تقيلة وتومها كتير
وبياكلها مع ارز بشعيرية
بس باقي العيلة بتحبها تكون شديدة مو سائلة

فقررت اعمل ملوخية سائلة وخفيفة مع ارز بشعيرية لاخوي الصغير وللي بحب ياكل معه

وعملت لباقي العيلة صينية دجاج بالبصل
ولانه ما في وقت كتير كان ضايل للفطور قطعت الدجاج قطع صغيرة ليلحق يستوي وخليت الطبخة كلها تستوي على الغاز قبل ما احمرها بالفرن عالسريع

الشوربة<<<اندومي عملتها شوربة عالسريع دقيقتين وكانت جاهزة لانه انلحقت بالوقت مزبوط
العصائر<<<اكيد فيمتو
والسلطة<<في طريقة مرة كنت قراتها بالنت من ايام الدايت لسلطة مغذية وزاكية وما كنت جربتها قبل هيك فقررت اجربها على الفطور وطلع طعمها كتير زاكي

والحمد لله نزل الفطور على الوقت بس تاخر دقيقتين بعد الاذان
واعذروني على الترتيب لانه ما كان في مجال كله شغل على السريع
وهلا بترككم مع الصور وان شالله يعجبكم شغلي

صور للسفرة كاملة

صينية الدجاج بالبصل

الارز بالشعيرية

الملوخية متل ما بحبها اخوي الصغير كتير خفيفة

وهادا صحن السلطة طبعا الكل ترك الاكل وصار ياكل من السلطة

ولانهم حبوها كتير بالسهرة عملت كمان صحن للسحور وهلا انا عم باكل فيه قبل ما تصحى العيلة
والله اعلم ازا رح اتركلهم شي او لا

وهاد صحن السحور

**قهوة وهيل** · 27-09-2007, 03:22 AM

ماشاء الله شهيتيني كتير

يسلمو عزيزتي

**al esraa** · 27-09-2007, 03:30 AM

can i have the salad reciepe
thanks
teslam al ayady

***الجنوبية*** · 27-09-2007, 03:41 AM

اممممممممممممممممم

تسلم ايدينك من جد سعبلت هع هع هوووع

ثااااااااااااانكس قلبي .......

**ام أيهم** · 27-09-2007, 04:02 AM

شوهاد يا قوقو ما شاء الله
رووووعةالسفرة شكلها بيشهي
وادا كان هيك عالسريع كيف وانتي مو مستعجلة
ما شاء الله ا....يعطيكي العافية
والصراحة انا بدي طريقة السلطة
لانه عن جد شكلها بيشهي
يا ريت تكتبيلنا الطريقة
والله يجزيكي الخير

**قوية الارادة 1979** · 27-09-2007, 04:17 AM

كتبت بواسطة قهوة وهيل

ماشاء الله شهيتيني كتير

يسلمو عزيزتي

الله يسلمك قهوة وهيل واهلا وسهلا فيكِ بالموضوع

كتبت بواسطة al esraa

can i have the salad reciepe
thanks
teslam al ayady

الله يسلمك الاسراء
وطبعا رح اكتبلكم طريقة السلطة

**قوية الارادة 1979** · 27-09-2007, 04:18 AM

كتبت بواسطة *الجنوبية*

اممممممممممممممممم

تسلم ايدينك من جد سعبلت هع هع هوووع

ثااااااااااااانكس قلبي .......

الله يسلمك جنوبية
ومشكورة لمرورك

**قوية الارادة 1979** · 27-09-2007, 04:19 AM

كتبت بواسطة ام أيهم

شوهاد يا قوقو ما شاء الله
رووووعةالسفرة شكلها بيشهي
وادا كان هيك عالسريع كيف وانتي مو مستعجلة
ما شاء الله ا....يعطيكي العافية
والصراحة انا بدي طريقة السلطة
لانه عن جد شكلها بيشهي
يا ريت تكتبيلنا الطريقة
والله يجزيكي الخير

اهلا والله بام ايهم
مرورك هو الرووعة عزيزتي والله يعافيكِ يا رب
والله ازا مو مستعجلة ببدع بس المهم اشتغل على رواق

السلطة ان شالله رح انزلها مصورة
بس هي عبارة عن بندورة
خيار
فلفل اخضر حلو
جرجير
بصل اخضر
زيت زيتون
ملح
خل تفاح
ليمون
بقدونس
كزبرة
جزر مسلوق
ذرة حلوة مسلوقة<<بتكون جاهزة بعلب بس انا ما كان عندي
جبنة<<حلوم او موزاريلا او باراميزان او شدر المهم تكون مبشورة <<انا ماحطيت جبنة
زيتون اسود واخضر مبزر ومقطع على شكل انصاف دوائر <<<وكمان انا ما حطيت زيتون
رشة سماق

والباستا المسلوقة اكيد
وانا جربت نوعين
الي على شكل فيونكات
او الباستا rotini
بصراحة التانية ازكى واسهل للاكل من الفيونكات

المقادير انا عملت على النظر ما اتبعت مقادير محددة
بس جد كتير طلعت طيبة وخفيفة

وان شالله قريبا بنزلها لانه ما صورت غير النتيجة النهائية

ومشكورة لمرورك الحلوووووووووووووو