السلام عليكم و رحمة الله وبركاته

يا بنات مبارح عملت كوسا محشي بس للاسف الكوسا تشققت و انفتحت
و المشكلة انه جوزي بحب الدوالي و الكوسا تكون حبته قاسية و مش طرية
الي بتعرف كيف تتحكم بشكل حبة الكوسا و الدوالي انهم يكونو قاسيين مش طريين تحكيلي الله يخليكم يابنات
والله نفسي ازبطه و يعجبه

حبيبتى اهلا فيك وكيفك؟

شوفى الكوسا لما تحفريه لا تكبرى الفنحه وبعد هيك لما تحشيه اترك مسافه عقلتين من اصباعك الصغير فراغ فى الكوسا ولا تسكرى الكوسا بالبندورة لانه اذا فى رز اضافى بخرج لوحدة ولا تخافى حتحتفظ بالرز الباقى ههههههه وعند طبخك لورق العنب بقدر الضغط ولا بقدر عادى اذا بقدر الضغط لاتغرمى الورق بالماء يعنى اضغطى على الورق بايدك ستظهر الماء هيك بكون تمام وشوفى الوقت اذا كنت بتخليه نصف ساعه بقدر الضغط خليه ثلث ساعه

امل اكون ساعدتك يا غاليه

الموضوع سهل جدااااااااا وعلى رأى رند لما تقورى الكوسه ما تقوريش جامد وما تمليهاش على الآخر بالارز بس ليه يا اختى حلة الضغط؟؟ دا مش بياخد على النار اكتر من 20 دقيقه؟؟
ولى سؤال معلش ايه الدوالى دا؟؟ اصل دا عندنا فى مصردا اسم مرض بيجى فى الرجلين

[quote=كنتاكي2;4425922]السلام عليكم و رحمة الله وبركاته

يا بنات مبارح عملت كوسا محشي بس للاسف الكوسا تشققت و انفتحت
و المشكلة انه جوزي بحب الدوالي و الكوسا تكون حبته قاسية و مش طرية
الي بتعرف كيف تتحكم بشكل حبة الكوسا و الدوالي انهم يكونو قاسيين مش طريين تحكيلي الله يخليكم يابنات
والله نفسي ازبطه و يعجبه[/quote
اختي العزيزه000000
بالنسبه للكوسا بالبندوره عند حفره خليه سميك شوي اما باللبن حتى لو كان رقيق دي الورقه اكثرشوي مش مشكله0
2-عند وضع الحشوه في الكوسا عليك ان تتركي مسافه بين باب الكوسايه والرز اي ان تضعي اصبعك الصغير ويكون فراغ بمقدار جزئين مش كل الاصبع ولا تسكري الباب باي شي
3-رتبي الكوسا بشكل مائل قليلا اركي على بعض ثم اسكبي صلصة البندوره بعد غليهامع اضافة القليل من الملح ضعيه على النار عاليه لمدة 5-10دقائق ثم نار هادئه ولا تغطي الطنجره حتى لا يتفتح معك الكوسااتركيه مدة 45-50دقيقه وافحصيه اذا تم الاستواء ام لا لا انصح بطنجرة الضغط000وصحتين وعافيه000
بالنسبه للدوالي00000اسلقي الورق ضعيه في ماء يغلي لمدة 2دقيقه
ثم ضعيه في مصفاه عند لف الورقه شدي الورقه ورثبيه
في الطنجره اضيفي صلصة البندوره بعد رش القليل من الملح (كل كوب رز نضع كوب ونصف ماء او صلصة بندوره ادا في الضغط اقل اي كوب واحدوافضل الورق في الضغط اطيب ولمدة 15 دقيقه على نار هاديه لكن قبل اغلاق الطنجره عليك ان تضعي صحن ميلامين اي لا يذوب فوق الورق ويغطيه بشكل كامل واملئي ابريق شاي كبير بالماء يعني وزن وضعيه فوق الصحن حتى ينغمر الدوالي بالماء وضعيه على نار عاليه مدة 10 دقيقه ثم ارفعي الابريق والصحن اذا كانت طنجرة ضغط اغلقيها اما اذا كانت طنجره عاديه اتركيها لمدة ساعه او 50 دقيقه وصحه وعافيه خبريني شو بصير معك

كتبت بواسطة marmar611

الموضوع سهل جدااااااااا وعلى رأى رند لما تقورى الكوسه ما تقوريش جامد وما تمليهاش على الآخر بالارز بس ليه يا اختى حلة الضغط؟؟ دا مش بياخد على النار اكتر من 20 دقيقه؟؟
ولى سؤال معلش ايه الدوالى دا؟؟ اصل دا عندنا فى مصردا اسم مرض بيجى فى الرجلين

اختى الغاليه

انا بحكى عن حله الضغط لورق العنب ( الدوالى بالفلسطينى ) مش الكوسا

دمتم بخير

حبيبتي يمكن .. انت حشيتي حبة الكوسا أكتر من اللازم
يعني المفروض بس لـ ثلاثة ارباع الحبه واحيانا لنص الحبه على حسب الحشوه
وفعلا زي ما قالت حبيبتي رند ما تحفري الكوسا كتييير
يعني خللي فيه لب داخل حبة الكوسا منشان تكون متماسكه
(مو كتييير تخللي ههههه بعدين راح يقولك زوجك يا بتطخو يا بتكسر مخه هههه)
بمزح معك حبيبتي .. انت جربي وشوفي

حياتى لحاعطيك خبرة الوالدة اللى اعطتها لى و هنا الحشو كما قالت لك الاخوات من غير ما تبالغى و السر هو حط صحن مقلوب و كبسه على الكوسا و اليبرق (ورق العنب) و حط تقل و حطه عالنار عادى و هون الصحن يجب ان يغطى كل الطنجرة حتى لو اضطرتى لاخراجه بعد استواء الطبخة بطرف سكين و ابضا رصى الكوسة رص و انا اضمن لك حتى لو خبصت بالاكله ما حتخرب لأنو الصحن و التقل اللى عليها(انا بحط صحن غويط و املأه بالماء كثقل)بيضبوا الكوسة و ما بتخرب لو شو ما صار مع الالتزام طبعا بعدم المبالغة بالحشو ووضع عظم او ريش غنم و بهارات و توم كتيررررررررررررررررو ملح ليمون على اليبرق و توم كتيرررررررررر و نعناع عالكوسة و بون ابتى

اختي مشكلتك سهلة الله يجعلها اكبر المشاكل
اول شي: الكوسا لما تحشيها ما تعبيها كتير انا بعبيها لنصها وبعدين بحركها لما يضل متجمع بآخر الكوساية
بالنسبة لحفر الكوسا انا بحفرها على الآخر بحب جلدتها تكون رقيقة
ولما احشيها بغطي الفتحة بورق عنب

ورق العنب انا لما الفه بحاول وانا الف فيه دائما اكون شادة الورقة لما تفتح مع الطبخ

هلا بعد ما تصفيهم بالطنجرة انا بصف الورق قبل الكوسا<<<شفت الطريقة مرة بالتلفزيون وعجبتني
وبصب ماء لتحت مستوى الكوسا بمقدار 2 سم ما بخلي الماء يغمر الكوسا
وبغطيها بصحن كبير وبتقلها بابريق فيه ماء او بطنجرة صغيرة فيها ماء
وبتركها على النار لتنشف الماء تقريبا وبعدين بشيل الابريق وبغطي الطنجرة وبتركها تستوي منيح على نار هادية

النتيجة بكون الكوسا والورق رائع الرز الي من حوا مفلفل مو طري<<<انا ما بحبه طري

بالنهاية مع التجربة والتكرار اكيد رح تزبطيها وتعجب زوجك
وصحتين مقدما

ادخلي هنا
ان شاء الله تستفيدي بالصور

السلام عليكم أنا من حلب المشهورة بالمحاشي و الكبب أنا خبيرة المحاشي أول شي لكل كيلو كوسا حجم صغير ثلاثة أرباع كأس رز ولكل كيلو كوسا حجم كبير كأس رز (أقصد رز لا منقوع ولا مغسول)
تغسلي الرز جيدا وتنقعيه بالماء العادي مدة ربع ساعة (أكثر يجوز أقل لا يجوز)
تضيفي اللحمة والملح والبهار و الدهنة أو السمنة (يجب ان تكون كمية الملح و البهار جيدة و ليست قليلة حتى تذهب رائحة اللحمة النيئة )بس انتبهي ما يصير مالح كثير
نخلطي المقادير جيدا اذا جوزك بحب الكوسا قاسي لا ترققيه عند الحفر وكمان لا تسمكيه كثير لانه يصبح ما طيب
احشي الكوساية ثلاثة أرباعها وصفيها في الطنجرة نحن في حلب نضع في قاعدة الطنجرة عظام خروف مقسمة من عند اللحام ومغسولة
اذا ما عندك عظام ضعي ملاعق أو شوك حتى لا يعلق الكوسا ثم ضعي خليط (ماء+رب البندورة+ملعقة كبيرة ثوم مدقوق+نعناع يابس+ملح+ملعقة وسط ملح ليمون)حتى يصل الخليط الى سطح الكوسا ضعيه على النار العالية عندما يغلي اخفضي النار كثيرا واتركي الطنجرة مغطاة بعد ساعة تذوقيه اذا أعجبتك قساوته اطفي النار و صفيه من الماء ضروري حتى ما ينخبص و اذا كان قاسي كتير و ما عجبك اتركيه على النار و كل شوي شوفيه حتى يستوي مثل ما بده جوزك وانت لما تصفيه انتبهي ما تحرقي يديك لانه اكيد جوزك بس يتذوق المحشي بده يقول تسلم يديك الحلوين على فكرة سر نجاح المحشي انه تتبعي التعليمات بحذافيرها واذا نجحت معك الطبخة ادعيلي الله يرزقني ولد صبي لأني عندي ثلاث قمرات