المفتول من غزه

مفتولي بدو نص حبه قرع مقطع لمكعبات صغيره

(طبعا بتزيد الكميه بزياده عدد الافراد)

كيس مفتول جاهز (ممكن بعدين ابقى افتل انا وانشالله بحطها)

دجاجتان

لعمل اليخنه (تختلف الكميات حسب الرغبه)

4 - 5 حبات بصل مقطع لأجنحه

4 - 5 حبات طماطم مقطعه لمكعبات

علبه حمص حب

لعمل الكمره

3 بصلات مفرومه

3 فلفل اخضر (للبحب الطعم الحراق بزيده)

2 م كبيره عين جراده مطحونه خشن

1 م كبيره كمون مطحون

نظفت الدجاج وقطعته وحطيته للسلق

لعمل الكمره نفرم البصل و الفلفل ونطحن عين الجراده وهاي هيه للي ما بعرفها

بعد الفرم ندق البصل مع الفلفل بس شوي ونضيف عين الجراده

بس لحد م ينخلط منيح بعدين نزيد الملح والكمون

بعد ما انسلق الدجاج حمرته في الفرن

لسه استنو شوي راجعه مره تانيه

وهلا بدنا نحضر لليخنه

في شوية زين نقلي البصل الاجنحة شوي بعدين نضيف الطماطم والحمص ونقلبهم شوي بعدين ضفت مرقة الدجاج ونخليهم لحد ما تتماسك بعدين حطيت شوي من الكمره وبعدين دوقي الملح






هلا نحضر المفتول وهوسهل بس حطي عليه نص لتر من المرقه المغليه مع مكعبين زبده (طبعا كل نوع وعليه طريقة الاستعمال ممكن تنزاد كمية المرقة اللي راح تحطيها)
وسكري عليه لحد ما ينتفخ المفتول 5 دقائق








هلا انا حطيت القرع في اليخنه قبل التقديم بنص ساعة بس لانه بيستوي بسرعة حتى بدون قلي





وهلا بتحطي المفتول في الجاط او السدر بعدين بتوزعي الكمره عليه او بتخليها على جنب للي ما بحب الفلفل كتير
على الوجه بيتوزع شوي من اليخنه مع قطع الدجاج

هاي المنظر النهائي مع صحن من اليخنه والكمره على جنب





والف صحه وهنا على قلوبكم

هادا يا اخواتي مفتول حماتي الله يرحمها
اطلبولها الرحمه توفت السنه الماضيه
والله اني اكلت مفتول كتييير بس اللي كان
من تحت ايديها كان غير شي

يسلم ايديكي يا ام المجد ...
انا اول وحده برد شو الي؟؟؟؟؟؟؟؟؟؟

حبيبتي ام ايهم الك الجاط كلو هههههههههههههههه
صحتين وهنا على قلبك

تسلمين حبيبتي على المفتول الرائع والشهي يعطيك الف عافيه

الله يرحم حماتك ما في اطيب من مفتول الستات المعدلات تشكري على الموضوع اللذيذ و الصور الشهية

ما شاء الله .. شكله بيشهى
تسلم ايديك و ايدين حماتك يا رب
بس بصراحة .. انا توقعت ان المغرب العربي (ليبيا و تونس و الجزائر و المغرب ) بس هم اللى بيعملوا الكسكسى

الله يجازيك خير

كتبت بواسطة حنان(البحرين)

تسلمين حبيبتي على المفتول الرائع والشهي يعطيك الف عافيه

الله يعافيكي حبيبتي وشكراااااااا كتيييييييير

كتبت بواسطة سهر الليالي

الله يرحم حماتك ما في اطيب من مفتول الستات المعدلات تشكري على الموضوع اللذيذ و الصور الشهية

تسلمي عيوني اه والله يرحمها
جربيها حبيبتي كتيييير شهيه


[quote=RAWAD;3818672]ما شاء الله .. شكله بيشهى
تسلم ايديك و ايدين حماتك يا رب
بس بصراحة .. انا توقعت ان المغرب العربي (ليبيا و تونس و الجزائر و المغرب ) بس هم اللى بيعملوا الكسكسى

الله يسلمك يا رواد وشكرا على مرورك
هم صح المغرب العربي هم اصحابه
بس عشانو زاكي كتييييير اخدنا احنا واعملنا
عليه تغيييرات كمان ههههههه هلا بس عرفت
انهم بيعملوه فيه حلو شوي

مشكورة ام الجد على المفتول الطيب ..