هذة الطريقة اخذتها من وحدة ومظمونها
ما شاء الله الله يعطيها العافيــــــــــــة
الجريش
قطعي بصل خلي القطع كبيرة مرة واحمسيها في قدر مع زيت وشوي كمون وبعدين صبي علية
ماء مغلي وبعدين ضيفي الملح والماجي الابيض (الملح الصيني )و الماجي العادي (ماجي الدجاج1مكعبة) وبعدين صبي عليةاللبن الكبير او صبيه كلة (2ل)
وبعد ما تشوفينة بدء يفوح حطي علية الجريش تصيرين(مجهزة قبل 2ك جريش و1ك رز مصري ) ودائم خلي في بالك ان الرز يصير نص مقدار الجريش.وحركيهم على النار وبعد ما يفوح هدي شعلة النار علية وكل شوي حركية واذا يحتاج ماء لا تزيدينها ماء زيدي حليب مهوب لبن !! حليب عادي مثل السعودية - الصافي ومن هذة الاشكال
وبعدين نظفي نص دجاجة وحطي عليه عادي من غير تقطيع ولا تنسين كل شوي تذوقين الملح لانة يمكن يحتاج زيادة ملح اذا احتاج ضيفي . وخلية علىالنار لمدة ساعة تقريبا(نار هادئة)
ثم دخلية الفرن على 450 وطبعا كل فترة وفترة حركيه ثم اضيفي لة 1 اصبع زبدة وزدي حليب اذا احتاج زيادة وخلية حوالي 4 او 5 ساعات على حسب نوع الجريش حتى تشوفين حبة الجريش ذاءبة مرة .
واذا بغيتي تغرفينة صبي علية ربع كاس ليمون وحركيها وخلاص ولاتنسين الكشنة حقتة
الكشنة:
بصل مقطع مكعبات يحمس على النار ثم يضاف اليها لومي اسود مطحون وشوي بزار وشوي بهارات وحبة مكعبة ماجي ونص اصبع زبدة اذا حبيتي وخلي لونها مائل للبني . واذا حبيتها حمراء اضيفي الفلفل الاحمر المطحون والصلصة وشوي كتشب
وبالعافيــــــــــــــــة
------------------
<center><FONT size="5"><FONT face="Georgia"><FONT COLOR="DarkMagenta">سبحانك اللهم وبحمدك اشهد ان لا اله الا انت استغفرك واتوب اليك </FONT c></FONT f></FONT s></center>
رد مع الاستدلال
الروابط المفضلة