اليبرق السوري على اصوله يمي يمي طبعا بالصورة

كيفكن يا ستات شو اخباركم مبارح عملت يبرق يعني ورق عنب ملفوف بس مو بزيت لالالالالالالالالالالا

هاد بالرز واللحمة يعني الاصلي

اول شي شوفو الصورة وبعدين بنحكي عالطريقة

[IMG][/IMG]

هلا بنجي على الطريقة بسم الله
اولا بتجيبي ورق عنب اذا كان معلب بتغسلي وبتصفيه اما اذا كان طازج او مجمد بتغسليه وبتحطي بشوية ماء مغلي وبتخلي يغلي شوي بس مشان يطرى ويسهل لفه وبتشيلي العنق تبعه طبعا بعدين بتجهزي الحشوة وهي بدون مقدار لحمة مفرومة ورز مصري( البسمتي ما بيصلح لهالاكلة) بحيث يكونو متناسبين الكميات انت وحسب شو بتحبي وبهارات سورية بتلاقيها عند العطارين وفلفل وملح وملعقة سمنة بتعطي نكهة طيبة واخلطي الكل مع بعض منيح وحركيهم بعدين هاتي الطنجرة او الحلة او القدرحسب لهجتك المهم وحطي فيه عظام عليها لحم ودهنة حسب الكمية او ممكن تحطي دجاج لو بتحبي اكثر من اللحم الاثنين اطيب من بعض وانا مجربتهم صفي العظام او الدجاج بعد غسله جيدا وتقطيعه بالاسفل ثم خذي ورقة عني ضعي الطرف الاملس من تحت والخشن مقابلك وافرديها جيدا ثم ضعي كمية قليلة من الحشوة على اول الورقة من الطرف العريض ولفي الطرفين الي على جنب للداخل والي فوق لتحت متل الساندوتش الصغير بحيث مايطلع اي شي رز او ورق خارج الورقة والصور واضحة طبعا نسيت صور مراحل اللف بس جبتهم من موقع تاني اما الصور الي عليهم تاريخ صوري المهم وصفي اليبرق فوق العظام ولو حبيتي بين كل طبقة يبرق والتانية حطي شرحات بيطلعوا بيجننو وبالاخر حطي صحن عليهم كبير وتتقيلة او حجر تقيل بس يكون نضيف وظريف وحطيهم على النار والمرقة هي ماء وحمض لو حمض حصرم اطيب شي او ليمون او خل شوي وملح وتوووووووم كتريه طيب فيها ولو صحيح احسن وبس تركيها على النار لتغلي وبعدين خففي النار على الاخر وتركيها شي عشر ساعات معلش بس اقل مدة ست ساعات ولا تخافي اذا النار خفيفة لاقصى حد مابيصير شي بس بدك تتابعي المرقة مشان ما تنشف ومرة خليته 12 ساعة وما صرله شي الحمد لله بالعكس كل ما طول اطيب بكتير ويصفى من المرق ويقدم بجانب المرق واللحم او الدجاج المطهي معه ومع الخبز العربي والفليفلة والففففففففففففففف صحة وهناء بالعافية او باختصار ممكن تشتروا الة لف اليبرق ههههههههههه بعد كل هالشرح اتمنى يكون الشرح واضح ووافي

اترككم مع الصور ان شاء الله تكون واضحة ومفيدة


[IMG][/IMG]

[IMG][/IMG]



[IMG]
[/IMG]

[IMG]
[/IMG]


[IMG]
[/IMG]


هاد صغير للي عاملين ريجيم تفضلو

[IMG]
[/IMG]

وسلام بانتظار رايكم وردودكم

تسلم ايديك حبيبتي

ابدا ما توقعت انه اليبرق ورق عنب
بس الصراحه انتي فنانه باللف

تسلم يدك عزيزتي على الطبق الطيب يعطيك العافيه

الله يخليكم يارب تسلمو على المرور الرائع خجلتوني مشكورين

يسلمو يا غالية

انا عامله رجيم الطبق لى اه اه اه اه

بدى الصحن الكبير بس عامله رجيم

يعطيك العافية يا قلبى كثير روعه

مشكوره عزيزتي ام البراء والله اليبرق لا يعلى عليه الا الله
جزيتي خيرا

هلا برند والله نورت الموضوع حبيبتي الطبق كله والطبخة على حسابك تسلميلي على المرور الرائع


رندوش مشرفتنا الغالية الله يخليك وبالفعل يبرق وبس شكرا لمرورك الكريم وان شاء الله ناوية دايما اصور اطباقي واخذ رايكم فيها نفيد ونستفيد وهلا فيك مرة تانية

تسلمين
انا الورق عندي ينفك عن الخلطة
واحس الورق اللي عندي خفيف ومصفر هومعلب ماركة حلواني