يلنجي , اشهى المقبلات التركية ,بالصور

اليلنجي او المحاشي بالزيت ,من اشهر المقبلات التركية , اليوم استعملت الورق و الكوسا وممكن ان نحشي ايضا الفلفل الاخضر او البطاطا الصغيرة او حبات البندورة الخضراء.

المقادير :
1- كوسا مغسول ومنقور ويفضل ان تترك الجلدة سميكة لطعم اغنى.
2- ورق عنب مغسول ومسلوق ومصفى, ويستعمل بالعادة الاوراق الكبيرة.
3-الحشوة وتتكون من ( رز منقوع ومصفى, استخدمت صن وايت, حوالي الكوبين _ حبتين بندورة مفرومة وسط _ حبتين بصل مفرومة وسط _ ضمة بقدونس مفرومة _ رشة نعنع _ ملعقتين الى ثلاثة زيت زيتون كبيرة _ ملعقتين اكل دبس رمان _ عصير ليمونتين _ ملح وفلفل وبهار مشكل وقرفة )
ملاحظه: احتفظي بالمرق المتكون في الخلطة,من الزيت و الليمون والدبس ,سنستعمله في الطبيخ.

الطريقة :
1- نحشي حبات الكوسا بالحشوة ونرتبها في الطنجرة ونضع تحتها شرحات من الجزر.
2-نحشي الورق ونرصه فوق الكوسا.
3-نضع الطنجرة على نار هادئة جدا مدة 10 دقائق , حتى تتماسك اوراق العنب الملفوفة.
4-نضيف ملعقتين اكل زيت زيتون ورشة ملح و مرقة الحشوة (فيها كل طعم الحموضة) .
5 نضع صحن يغطي حبات الورق ويرصهم.
6-نضيف ما يلزم من الماء المغلي, بحيث لايزيد ارتفاع الماء عن 1.5 سم
7-نترك الطنجرة حتى تغلي على نار قوية ,ثم نتلركها تستوي على نار هادئة,لساعة ونصف,وكل ما كانت النار اهدى كانت النتيجة اطيب.
8- تقدم باردة ,وتاني يوم بتكون ازكى وصحتين.