السلام عليكم أخواتي

من يومين كنت عند أختي وشفت هالوصفة عندها
فحبيت ساويها وصورها وكانت كتير طيبة
رح أترككم مع الوصفة والصور واللي تجربها وتعجبها
لازم ترد علي

مقادير الكبة
كوب ونص برغل ناعم منقوع بالماء لمدة ساعة
ثلاث حبات بطاطا صغار مسلوقين ومقشرين
نصف حزمة كزبرة خضراء
حبتان من التوم
رشة ملح+كمون+جوزة الطيب+بهار كبة

نضع الجميع في الخلاط الكهربائي ونخلط مع البهارات
ثم نضع الخليط على جنب في البراد لحين تحضير الحشوة
وهيدي الصورة

الحشوة
نصف كوب حمص منقوع ومفقوش (انا استعملت حمص نخي)
بصلة
ملعقتين زيت زيتون
نصف كوب جوز خشن
ملعقة رب رمان
رشة ملح+سماق

نقطع البصل جوانح ونقليهم بزيت الزيتون حتى يذبلوا ثم نضيف الحمص والجوز ونحرك بعدها نضيف باقي المكونات
وهيدي الصورة

نمد في صينية للفرن نصف كمية الكبة ونضع الحشوة على وجهها ثم باقي كمية الكبة على الحشوة هكذا ونحدد حواف الصينية ونقطعها مربعات من غير ما ننزل لأرض الصينية
ونضعها في الفرن لمدة ثلث ساعة وصحتين

ان شاء الله أكون شرحتلكم جيد وانا حاضرة لأي استفسار

يسلمو ايديك شكلها لزيزة وفكرتها حلوة كتييير
بس سؤال لو سمحت ليش مابنقطع لآخر الصينية
وشكرا لك

شكرا كتير على ردودكم
شكرا mahmouds_angel
بالنسبة للتقطيع الافضل الا تقطعيها لآخر الصينية حتى ما يتخرب وجهها
والافضل تشكيل المربعات قبل ما تدخليها للفرن
حتى يسهل تقطيعها بعد الخبز

شكرا randd

شكرا على الموضوع

الله يعطيك العافيه

يا عيني يا عيني !!!!

تسلم ايديكي وايدين اختك

شكلها كتير حلو

واكلة كتير طيبة وتنفع للنباتيين اللي ما بياكلوا لحمة

وسؤال حبيبتي شو هو الحمص النخي؟؟؟؟

وان شاء الله اساويها قريبا واقولك النتيجة

تسلم ايدك بتشهي انا حاجربها

شكرا

مشكور كل من رد علي

شكرا emy89 يوري um usama أم الافكار

بالنسبة للحمص النخي هو الحمص الحجم الصغير متل حبة العدس
موجود بالخليج باسم حمص نخي

تسلم يدك ويد اختك عزيزتي يعطيك العافيه