او نديرو شوي ديال النضام الحلوة في ركن الحلويات والطواجن في الأطباق الرئيسية اولالا او التالويل لمغاربة ماليه

السلام عليكم يا بنات انا معاكم. nana1970 اشناهية الوصفة ديال الدجاج المشوي

او للا تخدي دجاجة تخسليها بحال القاعيدة بالملحة واللمون وتاخدي التومة دقيها في المهرازمع سكين جبير +الماحة+لبزار +حتى تصبح بوماض زيدي شوي زبدة او سمن على حساب الدوق دهني الدجاجة مزيان بهاد الخليطمن الداخل وتحت الجلد
جيبي صنيو ا خوي فيها بكية ملحة وحطي فوقمنها الدجاجة وديريها في الفران حتى تحمر حطها غير الفوق

ودب واحد الوصفة ديال اللحم
في كوكوت حطي اللحم كيلو على الأقل+2بصلاي مشلضين+زعفران ملح سكين جبير+ابزارغلقي الكوكوت بدون ماء ولا زيت حطيها على نار هادئة جدا لمدة ساعة او ساعة ونصف على حسب نوع اللحمخضري باش بغيتي مشماش او برقوق او سفرجل معسل

الله يعطيك الصحة اختي و لكن اللحم بلا ما ميتحركش

الا ما يتحرقش غير نقصي العافية مزيان وشدي الكوكوت غدي يطلق الماء غير بحديتو مع الم ديال البصلة جربي والله يجي رائع حتى الزيت مادريش ان ديما نديرو لضياف

ان شاء انجربها و نرد عليك الخبار. اش من مدينة انت اختي

نانا حادكة نجرب ونقول لك
البنات بغيت للي تعلمني كيف نحط صور هنا حيت عندي شي وصفات بالصور

حيات النفوس انا من مدينة وجدة وانت
هالولة ربي يخليك من راكي هنا باينا عليك حتى انت حادكة صبري علي غير شوي ونوريك كيف تحطي الصور واخا ا زين

هد الملويات عملتهم في رمضان جاو على منزناتهم ولكن انا شفتهم في واحد المنتدى اخر الله يجازي مولاتهم
نصف كيلو دقيق
كاس صغير زبدة مذوبة
ملح + نصف ملعقة خميرة ديال الخبز
1 خميرة الزا
حليب دافئ حسب الخليط
زنجلان
الحشوة
500 غرام كفتة
بصلة مشلضة + ثوم
ملح ابزار سكنجبير معدنوس
الطريقة
كنخلط المقادير الاولى وتعجنها جيدا للحصول على عجينة رطبة بحال الملاوي و تدهنيه بالزبدة ونصنع منها عبيبدات صغيرةخخخخخخخخخخ اي بحال كويمرات صغار ونتركها جانبا
في هدا الوقت توجدي الحشوة
نضع البصل في الزيت نضيف الثوم حتى تهبط نزيد البزار وسكنجبير و الملح والمعدنوس و نحرك نحط جانبا نعمل الكفتة في المقلة بزبيدة نديها و نجيبها حتى تعقد راسها و نضيفها على البصل
نقبط دوك الكومرات و نطلقهم على الطول (شرائط طويلة) و نحط الحشوة في الوسط طويلة حتى هي نقبط العجينة من هد الجهة ونحط عليها الجهة التانية و نبقا ندور بحال المحنشة و اضع في الصبية مدهونة
ندهنهم بالبيض ونرش عليهم الزنجلان ونخليهم شوي يخمرو و ندخلهم للفرن و بالصحة و الف عافية
فهمتوني ياك حيت بلا صورة
نانا1970 مرسي الزين بشحال عندكوم دوك المقالي تقال ديال وجدة حيت ولو كيصنعوهم غر في الدار البيضا ولاو خفاف و زيرو