أنا وحدة من الناس أعشق جوانح الدجاج عند بيتزا هت وماخليت طريقة ما جربتها ومن بينهم الطرق اللي بملفات الوصفات السرية للمطاعم والله ما عطتيني الطعم الحقيقي واللي جربت الطرق أكيد تعرف قصدي وشافت الطعم عادي ، بس هذي الطريقة والله بتعطيكم أحلى جوانج دجاج ممكن تتخيلونها "لان فيها سر :22: " ، وطعمها أحلى من بيتزا وغيرة بمليووووووووووووون مرة ، والصور تثبت كلامي ..


المقادير:
ا كيلو جوانح دجاج مغسولة عدل
10 م ك ثوم مهروس <<< أدري الكمية كبيرة جدا بي اهيه اللي تعطي طعم روعة
فلفل أسود
زيت غزير للقلي

السر هو :22: : صلصة جوانج الدجاج "Chicken Wing Sause"،وهذي صورتها :



وإذا تحبونها حارة ضيفوا عليها بعد هالصلصة:الصلصة الحارة "Indofood" ،وهذي صورتها :



وتقدم مع الشيبس "البطاطا المقلية"

الطريقة:
نغسل الجوانح لما نتأكد انها نظيفة جدا ، نصفيها من الماي بمشخال..



نحمي الزيت ونقلي الجوانح لحد ما يتغير لونها ..

يصير هذا اللون ذهبي باهت ، مو تحمر (ما نبيها تستوي)..



نحط الجوانح المقلية على طول بصينية فرن ونرش الثوم عليهم "مع الفرك شوي عشان يعطي طعم بس ديرو بالكم حارة"..

نصب الصلصة على الجوانح بهالطريقة "وحركيهم عشان يتغطون بالصلصة" واذا تحبون ضيفوا الصلصة الحارة "تطلع احلى عندي" ..







ندخلها الفرن "إما الفرن الكهربائي أو العادي <<< جربها بالأثنين ما تفرق وايد ، بس الفرن الغاز يخليها مقرمشة أكثر وانا احبها مقرمشة " على حرارة عالية "الكهربائي خليه على الاخر" والغاز على درجة حرارة 200 لمدة 10 دقايق وبعدين خليها 180 لحد ماتحمر يعني يبيلها 10 دقايق ثانية "الوقت مو لازم تتقيدين فيه يعتمد على مدى حرارة فرنج "..





وهذا الشكل النهائي..



وقدميهم مع الشيبس ..



ملاحظة:
كمية الصلصة تعتمد على الجوانح يعني أنا هالكمية أخذت علبة كبيرة صوص ، لازم تغطي كل الجوانح..

وهذي صورته الفرن الكهربائي للي مايعرفه ولازم يكون حار قبل لا تستخدمينه..

دعواتكم لأبوي الغالي ان الله يشفيه وطولنا بعمره وعمر أمي الغالية..
وان الله يرزقني الــزوج الصالح الغني بدينه وماله وأخلاقه اللي يفرح قلب امي وابوي..
اللهم أميــــــــــــــــــــــــــن ..

يسلموا الايادي
طريقتك في وقتها
بس يارب الاقي الصوص الخاص بها

حلوة ويسلمون ايدينج ..
والله يرزقك الرجل الصالح اللهم آمين ..

تسلم ايدك على هالجوانح اللي شكلها يشهي ويفتح النفس

تسلم ايديك هموسه تعجبني اطباقك بعالم حواء

امممممممم
شو هادا يا همووووووووووووسة
تسلم هالديات يارب


و ربي يشفيلك الوالد يا رب و يبارك بعمرو و عمر الوالدة و يرزقك الزوج الصالح يا رب
بس انتي احكي امييييييييييين يا رب العالمين

وااااااااااااااااااااااااااااااااااااااااااااااااا ااااااااااااااااااااااااااااااااااااو
روووووووووووووووووووووووووووووووووعه
تسلمين

هلا قلبي

روعة الله يعطيج العافية عيوني تسلم ادينك حبيبتي

تسلمين يالغالية ... والله يخليلك اهلك ويخليك لهم