السلام عليكم ورحمة الله وبركاته
الامس كنت مش عارفه أطبخ ايه لولادى دورت فى التلاجه على حاجه معملتهاش من فتره لاقيت حزمة سبانخ اغرتنى وولادى مش بيطيقوا السبانخ
قلت اتكلى على الله و فننى بس............
اليكم المقادير
حزمة سبانخ
حزمة كزبرة خضرا
نص كيلو لحمه beef
ملح فلفل بهارات
بقسمات
زيت للقلى
بصلتين
راس ثوم
صلصة طماطم
الطريقه
فى مفرمة البصل او الكبه لان الفرم لازم يكون ناعم
فرمت السبانخ ناعم جدا
و كذا الكزبرة الخضرا ناعم جدا
و البصل و الثوم و الزنجبيل مع بعض ناعم
و اللحمه فرمتها ايضا ناعم
ضعى اللحمه فى طبق غويط و فوقها السبانخ و الكزبرة و ثلثى البصل و الثوم و الزنجبيل
و اعجنيهم و ضعيهم تانى فى الكبه و ضيفى الملح و الفلفل و البهارات
ضعيها فى الثلاجه شويه ربع ساعه تكونى سخنتى زيت غزير
صبعى الكفته ضعيها فى البقسمات و اقليها لغاية لونها يكون بنى غامق
فى قدر اخر ضعى قليل من الزيت و بقيه البصل و الثوم و الزنجبيل و الصلصه و 3 كوب ماء يعنى الصلصه متكونش سميكه و سبيها تغلى و ريحة الثوم و الزنجبيل مشهيه
بصراحه انا زودت الملح فى الكفته فلم اضيف اى ملح او بهار لصلصه
ضيفى الكفته على الصلصه و هدى النار و سبيها تغلى غلوتين
اغرفيها و قدميا مع رز بالشعريه
فعلا طلعت رائعه و مفيده جدا للأطفال و خصوصا المتعبين فى الاكل ذى ولادى
و ادعوا لىىىىى
الروابط المفضلة