للأخوات اللي عندهم طريقة المراصيع مظبوطة ومجربة0000 عشان أنا على وشك الولادة0
وبعد اللي تعرف طريقة المطازيز(انا اقصد الملاحظات الصغيرة عشان يطلع مظبوط ولا الطريقة سهلة)
وأي أكلة تنفع للنفاس ياليت تكتبونها لأختكم0000
والله يجزي صاحب الخير بالخير

اختي روان اولا الله يطلعك بالعافية ثانيا شو هو المراصيع ارجو التوضيح
يمكن تكون جولة وعسل هنا في عمان يعملوها للنفساء

اختى روان..انا دائمآ اسويها بس مقادير من عندى بس روعه....شوفى اجيب الخلاط واضع 2بيضه+فنجان قهوه حليب بودره+ملعقة خميره كبيره+2ملعقه زيت+ماء دافى يمكن 2 كوب وتخلط ثم يضاف الدقيق بالتدريج لما يصير مثل البانكيك ويترك ساعه او اكثر ..بعدين انا اسويه بالة المصابيب بس اسويها صغيره اصب دائره صغيره واتركها واذا بدت تتفتح زى القطايف هى دليل نجاحها.وبعدين اقلبها على الجهه الثانيه.واذا خلص المقدار كله اسخن ملعقه كبيره سمن برى وارشها على المراصيع وطبعآ العسل.هاذى طريقتى انا والمقادير تقريبيه وبعض المرات اضع بصل مع الخلطه بس رهيبه ومفيده ولذيذه ومافيه بعد كذا.وايضآ فيه طريقه للاقراص اذكر وحده قصيميه تسويها للنفاس بس مفيده لاقصى درجه وتقول انها اتجيب منقوع التمر ويكون مصفى ومخلوط بالخلاط وتضع عليه البر ويمكن ملعقه خميره وتتركه ساعتين وتسويه على الصاجه الحديد الدائريه او بصوانى التيفال المسطحه واذا خلص ترشه بهيل وسكر وسمن وتلفه كل اثنين بقصديره وكل يوم تفطرين فيها بالنفاس ومع عسل اذاتبين بس انا مجربتها مره ممتازه بس هى تبيعها واخلى اختى كل ماولدت توصيها هاذا اللى اعرفه وسلامتكم

حياك الله أختي روان وشكلك باديه الاستعدادات الله يهون عليك ويرزقك الذرية الصالحة ...

الطريقة الي ذكرتها leeman2000 هي مصابيب على حد علمي وليست مراصيع وتختلف المراصيع عن الصبيب ....
طريقة المراصيع هي عباره عن دقيق بر وماء وذرة ملح وبعض الناس يقطعون معه بصل لكن تراه ماينفع البصل للنفاسيه ...
تعجيننها مع بعض وتكون رخوة يعني مي متماسكه بس مي سائلة وتحمين مقرصه أو صاجة على حسب الي عندك وتضعين مقدار دائرة متوسطة ثم تتركينها لما تستوي وإذا استوت ترشينها بماء وتقلبينها على النار حتى تستوي من الجهة الثانية ...
يمكنك عمل كمية كبيره منها وتجميدها لحين الاستعمال ....
إذا اردتي تقديمها احمسي كمية من البصل المفروم ناعم مع سمنه حتى يذوب قليلاً ثم اضيفي حليب أو ماء على حسب الرغبة لكن لاتكثرين وذرة ملح ...
وبعد مايغلي صبي على المراصيع الي تكون موضوعه في قدر ثاني حتى يرطبها بس مايغطيها واتركيها ربع ساعه على نار هادئة ... يمكنك اضافة الليمون الاسود المطحون والقرفة المطحونه معها ...
وبالهنا والعافيه ...
على فكره فيه شيء اسمه مخامير مدري تعرفينه وإلا, لا إذا كنت تبينه خبريني واكتبه لك .
بالنسبة للمطاطيز يبيلها قعده وان شاء الله راجعه لك ....

اختى اسيرة الغربه شكرآ على التوضيح.بس بما ان الاخت طلبت اكلات للنفاس ومفيده ان كتبت اللى اعرفه واسويه.وانا مااحس فيه فرق بين المراصيع والمصابيب وان اختلفت التسميه هى تقريبآ المكونات وحده وكلها تعتمد على البر والسمن .بس انا افضل عمل المصابيب لانها سائلهوتقدرين تسوينها اقراص كبيره كالخبز او صغيره المهم انها مفيده ولكم الشكر على التعاون

وهاذى طريقه اخرى http://www.lakii.com/vb/showthread.p...threadid=12170

هلا leeman2000 حياك الله شكلك اخذتي على خاطرك ...
انا ما اقصد شيء بس حبيت اوضح المسميات والمراصيع إذا عملت بالصاجة قبل بلها بالحليب أو الماء تكون قاسيه بالمره بخلاف المصابيب الي تكون مثل البان كيك لينه وطريه ...
وعلى العموم ماصار إلا كل خير واعذريني إذا كنت اخطأت في حقك ...

اختي اربقية00000 أولا 00لك وحشة من زمان عنك 00عسى المانع خير00000 وما يمنع اكتبي لي طريقة الأكلة اللي قلتيها اذا تنفع للنفاس00والله يجزاك خير
*********

أختي ايمان2000 0000 كفيتي وفيتي والله يجزاك بالخير0000 وعجبتني طريقة منقوع التمر 0000 انشاالله بسويه000
*********

الغالية الأخت00أسيرة00000 والله مثل ماقلتي قربت ساعة الصفر ويقال اختك هالمرة بتعتمد على نفسها صارت خلاص( حرمة)000000 عشان كذا قاعدة اجمع من تجارب واكلات عشان اطبق على نفسي00000 والله يجزاك خير طريقتك حلوة اللي ذكرتيها بس لازم حمس البصل في النهاية00

اختي اسيرة 00000
لاتنسين المطازيز00000 ترى بنتظرها منك
واكتبي لي طريقة المخامير

اختى اسيرة الغربه..وش الكلام هاذا الله يهديك مو بينا الزعل والكلام الفاضى ..واسفه انا اذا فهمتينى غلط...ولك حق تزعل ثم لك حق نرضيك