هلا أختي زهر الربيع ومشكورة على التعليق الجميل ومثل ما قلت ما في أحلى من الكثرة بهذه الأكلة فمثل ما كتبت بالبداية كنا حوالي اكثر من 60 شخص نجتمع على ضفاف نهر بردى أيام زمان ونساوي هالأكلة ما بنسى هديك الأيام لهلق


هلا أختي موزي البيت بيتك وبتشرفينا متى ما جئت بس المهم تكوني بالسعودية لحتى أستقبلك
عم أمزح نحنا ما عنا نسوان تطلع برا بيوت أزواجها ولا تصدقي أنه زوجك يطردك أنا متأكدة أنه رح يقول فدا عيونك ألف طبخة وإن شاء الله تزبط معك ولا يهمك والتمر هندي عمله هنا هو جعل الأكلة حامضة ياه ه ه شهيتيني وخليتيني أتلحمض على طعم هالأكلة



هلا أختي المرج الأخضر والله يعافيك يا رب


هلا أختي أم لومي وعليكم السلام ورحمة الله تعالى وبركاته وبارك الله بك على مرورك

هلا أختي أم راشد والله يعافيك بس لهلق ما قلت لي أنت من وين بسورية ووين عايشة بالكويت
بتعرفي أم راشد ما عاد ينجلس بعين الفيجة بعد اليوم صارت مقززة بسبب النهر اللي صار بينبكى عليه الله يرحم هديك الأيامات لما كان عم يخدق خدق

تسلم ايديكي اختي احنا بفلسطين بنسمية رقاق بعدس و في الاردن رشتة بنسلق العدس وبنضيف عليه رقائق العجينة وفي النهاية البصل المقلي والثوم و عصير الليمون و العحين المقلي و الكزبرة للزينة بس اكلة ولا في اطيب منها وخاصة في الشتاء بجانب الدفاية مع جمعة نسوان وهات يا حش في الناس

هلا بأختي الفلسطينية وصدقت ما في أطيب من هالأكلة بأيام الشتاء لأنها تدفئ بالفعل مشكورة على المعلومات وأسعدني مرورك وتعليقك يا أختي

مممممممممممممممممممممم تسلمهل الادين يارب اختي عاشقة الحلويات
انا كتير بحب هل الاكلة ما يحرمنا منك يارب

تسلم إيديكي عاشقة الحلويااات


شو طلعنا جيران حبيبتي


أكلة لذيذة جدا و مكمان مغذية

سلااام

هلا وغلا بسنووايت الغالية أسعدني مرورك وتعليقك وما يحرمنا من أكلاتك أنت لأننا ما بنطلع شيء أمام فنك

هلا بالأخت منى مسرورة بمرورك وتعليقك بس شو بتقصدي بجيران يعني أنت هون بالسعودية

اختي عاشقة الحلويات انا من حمص
بس ساكنةبالشام من اول ما خلقت عالدنيا
تزوجت من سنة ونص بالكويت(منطقة الجهراء)
وزوجي كويتي الجنسية بس هو ابن عمتي موغريب
وكل ما بسافر عسورية بروح عالفيجة
ولهلق عم ادرس بجامعةدمشق بروح بالامتحانات
وكلما بشوف اخت سورية بالمنتدى بفرح وبحب اتعرف عليها
وبحب قلك كل عام وانتي بخير مشان كون اول المعايدين

هلا بأختي أم راشد حيا الله أهل حمص كلهم على فكرة هون فيه حولي نسوان من حمص تعرفت عليهم من جديد لأنني متنقلة من ثلاثة شهور للمدينة التي أعيش بها الآن وما شاء الله عليهم

وإن شاء الله زواج الدهر أنت وزوجك ولا يحرمكم من بعض سلمي لي على الشام وأهل الشام يا ليت نسمة من هواها تدخل بصدري اشتقت لها واستقت أكثر لأمي وأبي وأخواتي آه من القلب من الغربة وسنين الغربة


لما ذكرت جامعة دمشق تذكرت البرامكة وشوارعها وتذكرت كل حي من أحياء الشام اللي بإمكاني أمشي فيها مغمضة العيون سلامي لك بس شو عم تدرسي بأي جامعة

وكل عام وأنت بخير كمان أنت وزوجك وأهلك كلهم

الله يسلمك يا غالية
انا عم ادرس ادب عربي وهي ثالث سنة
بجامعة دمشق بالمزة
الظاهر انتي بالسعودية مو هيك؟

هلا وغلا بطالبة كلية الآداب بنت بلدي
على فكرة اليوم سلقت العدس وقررت بأن أقوم بطبخ حراق أصبعه ومهما كانت النتيجة يعني مو معقول إنقل الوصفة من أختي وحطها بالمنتدى وأنا مالي مجربتها أبداً
وجواباً على سؤالك يا أختي نعم أنا عايشة في السعودية مع زوجي
بارك الله بك
ما خبرتيني ساويت الطبخة ولا لسه