رز بالخلطة يستاهل دعوة منكم ...............
بسم الله الرحمن الرحيم
السلام عليكم و رحمة الله و بركاته،،
هاعمل لكم رز بالخلطة يستاهل بؤكم و بيكون حلو أوي في العزايم ،،،،،،، ممكن تقديمه مع اللحم أو الفراخ أو الحمام المحشي و لكنه لا يعلى عليه مع الديك الرومي،،،،،،،، يا رب يعجبكم .
المقادير:
2 كوب رز بسمتي
3 كوب مرقة لحم أو فراخ
4 معالق كبيرة سمن
معلقة شاي قرفة ، ملح ، معلقة شاي كركم ،4 حبات قرنفل
الخلطة:
نص كيلو كبد فراخ
5 معالق سمنة
4 معالق زبيب
ملح و فلفل و قرفه
150 جم لوز مقشر و مقطع أنصاف
3 معالق كبيرة صنوبر
2 معلقة عصير بصل
2 معلقة عصير ليمون
الطريقة:
-نقطع الكبد مكعبات صغيرة و نتبلها بالملح و الفلفل و القرفة و عصير البصل و الليمون
-نسخن السمنة على النار و نحمر اللوز لحد ما يبقى دهبي و نرفعه على ورق مطبخ و بعدين نحمر الصنوبر و نرفعه و بعدين الزبيب لحد ما يبقى لونه بني غامق و بعدين نرفعه و في الآخر نحمر الكبدة كويس
-نحط السمنة في حلة على النار و نحط الرز المغسول مع القرفه و الكركم و القرنفل و نقلبه في السمنة كويس حوالي 5 دقايقو بعدين نضيف المرقة و الملح و نغطي الحلة
-لما يبدأ الرز يشرب المرقة نضيف نص مقدار الكبدة و نهدي النار و نخليه لحد ما يستوي
-نغرفه في طبق التقديم و نخلط اللوز مع الصنوبر مع باقي الكبدة و نحطهم على وش الرز ،،،
،،،،،،،،، ووووووووووو بالهنا و الشفا ،، لو عجبكم ادعوا لي
رد مع الاستدلال
الروابط المفضلة