ألذ وأسهل وأسرع فراخ مشوية..وحاسبوا علي صوابعكم!!!
السلام عليكم ورحمة الله وبركاته
دي طريقتي في شوي الفراخ بس انا مش مسئولة لو الجيران اتلموا عليكي وطلبوا يفطروا عندك من ريحتها اللذيييييييييييذة وهي بتتشوي
الحقيقة بيبقي طعمها رهييييييييب والأفضل من كده انها بتبقي اخف من التحمير وخلافه خصوصا في الصيام صعب نفطر بعد الصيام علي الآكلات الدسمة كده الواحد ينام ويبقي لا في تراويح ولا غيره.
اما شوي الفراخ بيخليها اخف وطبعا الذ.
المقادير:
دجاجة والحجم حسب الرغبة.
بصلة مفرومة او مقطعة مكعبات .
عصيرليمونة وملعقة خل.
ملح وفلفل اسود وبهارات.
الطريقة:
تغسل الفراخ جيد وتقطع او نكتفي بعمل شقوق عرضية فيها لتتشرب البصل والبهارات.
نضيف الملح والفلفل والبهارات والخل والليمون للبصل وتخلط جميعا وتدعك الدجاجة من الداخل والخارج واذا استطعت احشي ما تحت الجلد بالخلطة وضيفي ورق اللورا اذا وجد.
توضع الفراج في الفرن علي درجة حرارة متوسطة وكل ما تبقي النار ادي كل ما بيبقي الطعم ألذ وبعد نضجها ارفعي النار حتي تحصلي علي اللون المعروف للفراخ المشوية.
تقدم ساخنة مع الرز ويفضل الرز الحباية وحباية والسلطة الخضرا.
اه قبل ما انسى هاقول لكم علي طريقة اسهل واسهل شوفوا يا بنات هاتي بصلة وثمرة طماطم والملح والفلفل والبهارات وياريت قرفة حطي كله في الخلاط
اضربي ضربتين وبعدين وزعي الخلطة دي جوه وبره الفرخة وممكن تضيفي الليمون والنتيجة واحدة بس الطريقة دي اسرع و....بالهنا والشفا
رد مع الاستدلال
الروابط المفضلة