عندي عزيمه يوم الخميس الجاي وابغى افكار والفزعه .. جزيتم خيرا!!

**السيدة الاولى** · 27-09-2005, 03:20 AM

السلام عليكم ورحمة الله وبركاته
كيف الحال بنات وش اخباركم هذي اول مشاركه لي في هذا القسم
وداخلتا على الله ثم عليكم تساعدوني وتوقفون معي ..... اتفقنا ...
الله يسلمكم الموضوع وما فيه ان الخميس الجاي عندنا جمعه في البيت عاد امي تبي منا
يابناتها شي يبيض الوجه قلت مالي بعد الله الا انتم استشيركم في الموضوع واعلمكم بالنيه وانتم تقولون لي وش رايكم وايش اقتراحاتكم بالتفصيل الممل...
اولا الموضوع دخل فيه اخوي وقال فرصه بحط ذبيحه تميمة بنته قلنا اجل دام الموضوع ذبيحة معناتها مانقدر نحط على السماط تشكيلات ... الفسقه مهيب زينه قلنا نحط تشكيلة سلطات وبس ... وش رايكم الى الان كويس..ابغى سلطات غريبه ولذيذه
بعدين نبي حلا اشكال والوان للعشاء بس ما عندي فكره وش احلى واخر اختراع في حلويات العشاء
افيدونا شاكرين لكم تعاونكم
بالنسبه لتقديم الشاي مفكرين نصلح في البيت فطاير وبيتزا
وتقديم القهوه نبغى تشكيله على ذوقكم اللي عندها فكره تقولها الله يجزاها خير
وعلى فكره المعازيم ناس شاطرين في ذا الاشياء يعني نبي العزيمه حلوه وودي يسألون عن كل صنف من كثر ما هو حلو وغريب
لا تفشلوني استنى ردودكم ترى معاد فيه وقت

**دٍمٍعٍةٍ عٍذٍاٍبٍ** · 01-10-2005, 10:50 AM

وعليكم السلام ورحمة الله وبركاته
ياهلا باللي لفانا
يلا انا جااااااااهزة للفزعة واذا تبون اجي اساعدكم
يلا الحلى اللي خلى كل اللي يعرفونا يسئلون عنة واذا يبون يجونا يقولون لنا سووة
الصراحة هو مو حلى هو معمول لكن معمول ينقلي
خذي المقادير:
كاسة دقيق
كاسة سميد
ربع كاسة زيت
اصباع زبدة
نصف كاسة ماء دافئ
ملعقة (الملعقة العادية حقت الاكل)باكنج بودر B.p

الطريقة :
تعجن جميع المقادير مع بعض(بس لاتخمرينها فاهمة ولا اعيد

)
بعدين احشيها بالتمر واقليها وحطيها بشيرة (حطيها شوي وشيليها على طوووول)
وبعدين حطيها (بزبدية)وغطيها نصف تغطية(علشان ماتلين ولا تقسى)

هاه ايش رايك بالحلى

وشوفي انا حاطة موضوع بهذا الركن عن سلطة المكرونة اذا عجبتك سويها (لوسمحت ردي على موضوعي موتطلعين ولا تردين خخخخخخخخخخ)

لاتنسيني من صالح دعائك
وكل عام وانت بخير
ويعاد عليكم بصحة وسلامة

اختك
سوسو

**أم غالية** · 01-10-2005, 08:55 PM

اهلين بالسنعه الظفره.........الخ

ابحثي في ركن السلطات فيه سلطتين كاتبتهم شوفيهم حلوه وغريبه(بإسم ام غاليه)
وفيه الحلى الحلزوني في ركن الحلويات
وركن الساندوتشات اشكال والوان ماشاء الله بنات المنتدى كل يوم طالعين لنا بشئ حلو
واذا عندك شئ غريب اضيفيه خلينا نستفيد منك

واي خدمه انا حاضره

**عقوداللؤلؤ** · 02-10-2005, 04:13 PM

أنا اللي اقولك افكاري وياليت تعجبك
أولا : الهدوء والتقديم الحلو
ثانيا: يوم الاربعاء ليلة الخميس يعني قبل العزيمة بيوم جهزي كل شي وغلفيه وحطيه بالثلاجة
ثالثا : القهوه جهزي لها نوعين او ثلاثة من الحلى التمر حاولي تسوين له حركة
رابعا : الشاي سوي عادي و زنجبيل و نعناع جهزي مع الشاهي فطاير وبيتزا وانصحك ببيتزا دوار الشمس تلاقينه في ركن المعجنات مرة حلوه وغريبه ومضبوطه وحطيهم في سبتات حلوين
خامسا : العشاء السفره مايملاها الا الحلى اللي في صحون يعني لاتحطين صواني اشتري من محلات البلاستيك البوادي الشفافه اللي لهن غطاء وسوي فيهن طبقه اولى كريمه او نشاء او تطلي الكاسترد والطبقة الثانية جلي احمر وغيره
السلطات أبدعي من ركن السلطات
لاتنسين ورق العنب
سوي صنيتين مكرونات
سادســـــــــا: عند المغاسل جهزي 3 سبتات للمناقيش والعلك المستكه و المناديل المعطرة على طاولةصغيرة ووقفي عندهم اختك الصغيرة عشان مايلعبون فيهم الاطفال
وأخيرا البخـــــــــــــــور ودهن العود
لاتنسين جهزي كل اللي تقدرين عليه واللي مايصير له نكهه قبل بيومين

تحياتي : عقود اللؤلؤ أتمنى تعجبك أفكاري

**أم فاروق** · 19-06-2007, 01:23 AM

طيب أنا عندي بكره عزيمة غدا وأبغى أفكار لترتيب الطاوله لــ 6 أشخاص
الله لا يحرمني منكم صديقاتي العزيزات
على فكره أنا ماعندي صديقات !

**أم فاروق** · 19-06-2007, 01:27 AM

طيب أنا عندي بكره عزيمة غدا وأبغى أفكار لترتيب الطاوله لــ 6 أشخاص
الله لا يحرمني منكم صديقاتي العزيزات
على فكره أنا ماعندي صديقات !